Duka la Kuuza Viwanja kutoa huduma Jumamosi Tarehe 10 Januari, 2026

By Halmashauri ya Jiji la Dodoma

Na. Mwandishi Wetu, DODOMA

Ofisi za Halmashauri ya Jiji la Dodoma zitakuwa wazi siku ya Jumamosi tarehe 10 Januari, 2026 kuanzia saa 2:30 hadi saa 9:30 alasiri kwa lengo la kuwahakikishia huduma bora hasa upatikanaji wa ‘control number’ za malipo ya viwanja ndani ya muda wa notisi ya halmashauri ya siku 21.



Kauli hiyo ilitolewa na Mkuu wa Kitengo cha Mawasiliano Serikali Halmashauri ya Jiji la Dodoma, Dennis Gondwe alipokuwa akiongea na waandishi wa habari kuhusu maelekezo ya Mkurugenzi wa Jiji hilo juu ya ofisi hizo kufunguliwa siku ya Jumamosi, tarehe 10 Januari, 2026.

“Ndugu waandishi wa habari, napenda kuwatangazia kuwa katika kufanikisha utekelezaji wa Notisi ya siku 21 ya kulipa madeni ya viwanja kwa wananchi waliochukua viwanja eneo la Mtumba Zone II, III na Kikombo kuanzia tarehe 30 Desemba, 2025 inayokamilika tarehe 19 Januari, 2026. Hivyo, mkurugenzi ameagiza ofisi za halmashauri iliyokuwa manispaa ya zamani duka la kuuza viwanja ziwe wazi kuanzia saa 2:30 asubuhi hadi saa 9:30 alasiri” alisema Gondwe.

Akiongelea umuhimu wa agizo hilo, alisema kuwa linalenga kuwarahisishia wananchi huduma bora na za haraka katika kulipia madeni ya viwanja hivyo. “Halmashauri inaamini kuwa wapo baadhi ya wadaiwa wa viwanja ambao kwa asili ya kazi zao hawakupata nafasi katikati ya wiki kuanzia Jumatatu hadi Ijumaa ya kufika duka la kuuzia viwanja kupata ‘control number’. Hivyo, siku ya Jumamosi tarehe 10 Januari, 2026 itakuwa ni siku muhimu sana kwa wananchi kupata huduma. Aidha, ofisi hizo zitakuwa wazi pia Jumamosi ya tarehe 17 Januari, 2026” alisema.

Akijibu swali kuhusu mpango wa halmashauri kuongeza muda baada ya kukamilika kwa Notisi ya siku 21, alisema kuwa wadaiwa wa viwanja wakamilishe malipo hayo sasa. “Leo ni siku ya 11 ya utekelezaji wa wa Notisi ya halmashauri, hivyo, kwa sasa halmashauri haifikirii kuongeza muda kwa wadaiwa wa viwanja. Orodha ya wateja wapya wanaosubiri viwanja hivyo ni kubwa” alisema Gondwe.

Kwa upande wake Adam Juma mteja aliyefika kupata huduma ya kulipia kiwanja Halmashauri ya Jiji la Dodoma alipongeza kasi ya huduma inayotolewa. “Nimefurahishwa sana na huduma hii, nimekuja hapa kama dakika kumi tu, huu utaratibu ni mzuri sana kwasababu unatusaida kukamilisha uhakiki wa viwanja vyetu na malipo kwa ujumla. Nitumie nafasi hii kuwapongeza sana Halmahauri ya Jiji la Dodoma kwa ufatiliaji na udhibiti huu wa ardhi zetu” alisema Adam.

MWISHO

Comments

Post a Comment

Popular Posts

SERIKALI YAPONGEZWA KUTOA FEDHA UJENZI WA DODOMA ENGLISH MEDIUM

By Halmashauri ya Jiji la Dodoma
Image
Na. Dennis Gondwe, IPAGALA KIONGOZI wa mbio za Mwenge wa Uhuru mwaka 2023, Abdalla Shaib Kaim ameipongeza serikali ya awamu ya sita ya Jamhuri ya Muungano wa Tanzania kwa kutoa fedha za kutekeleza miradi ya maendeleo ikiwemo elimu nchini. Pongezi hizo alizitoa alipoongoza Mwenge wa Uhuru mwaka 2023 kutembelea, kukagua na kuweka jiwe la msingi ujenzi wa Shule ya Awali na Msingi ya Dodoma English Medium katika Kata ya Ipagala jijini Dodoma. Kaim alisema “niipongeze serikali ya awamu ya sita kwa kazi kubwa inayofanya ikiwa ni pamoja na kutenga na kutoa fedha nyingi za kutekeleza miradi ya maendeleo. Tumejiridhisha na nyaraka za mradi huu baada ya kuzikagua zipo vizuri sambamba na mradi nikiri mpaka hatua hii kazi kubwa na nzuri imefanyika. Mbio za Mwenge wa Uhuru mwaka 2023 tumeridhia uwekaji jiwe la msingi” alisema Kaim. Akisoma taarifa ya ujenzi wa Shule ya Awali na Msingi ya Dodoma English medium kwa kiongozi wa mbio za Mwenge wa Uhuru kitaifa Mkuu wa Divisheni ya Elimu ya Awal...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more

Nanenane ni muhimu kujifunza Kilimo na Ufugaji bora

By Halmashauri ya Jiji la Dodoma
Image
Na. Rahma Abdallah na Jackline Patrick, NANENANE Maadhimisho ya siku ya wakulima Nanenane ni maonesho ya muhimu ambayo humwezesha mwananchi kujifunza katika kilimo, ufugaji pamoja na uvuvi. Maonesho hayo ni mahususi kwa kila mtanzania katika kuzalisha mazao yenye tija kwa kutumia teknolojia ya kisasa. Hayo yalizungumzwa na Diwani wa Kata ya Kikombo, Emmanuel Manyono alipokua akizungumza na waandishi wa habari kuhusu maonesho ya kimataifa ya Nanenane jijini Dodoma. Manyono alisema kuwa maadhimisho hayo yanaleta tija kwa jamii na pia kuwapa wakulima elimu ya kilimo na ufugaji bora. “Maonesho haya yamekua yakileta tija, kumekua na mafunzo mengi yakisaidia wakulima kuondokana na kilimo cha zamani na sasa kulima kwa kuzingatia kilimo cha kisasa. Kilimo cha kisasa kinamafanikio makubwa, mkulima analima shamba dogo linalotoa mazao mengi na bora. Hivyo, rai yangu wakulima wajifunze kulima kilimo cha kisasa. Wananchi wajitokeze katika maonesho ya Nanenane hapa Nzuguni kujifunza mbinu bora...
Read more