Wananchi waanza ujenzi sekondari ya Kata ya Chahwa jijini Dodoma

By Halmashauri ya Jiji la Dodoma

Na. Nancy Kivuyo, CHAHWA

Mkutano wa hadhara wa wananchi wa Kata ya Chahwa Halmashauri ya Jiji la Dodoma wamefanikiwa kuzindua utekelezaji wa ujenzi wa shule mpya ya sekondari kwa nguvu zao wenyewe kwa lengo la kusogeza huduma hiyo karibu na wananchi.


Akizungumza na wananchi hao, Diwani wa Kata ya Chahwa, Sospeter Mazengo aliwapongeza wananchi kwa moyo wa utayari na michango katika kujenga shule ya sekondari itakayopunguza adha ya wanafunzi kutembea umbali mrefu kupata huduma ya elimu. Baadhi ya wananchi walichanga pesa taslimu pamoja na vifaa vya ujenzi, alisema.

“Watoto wetu wamekua wakiteseka kutembea umbali mrefu kutoka Chahwa hadi Ipala kusoma, ninaamini tutafanikiwa katika hili tuliloazimia kulifanya kama tutaanza kwa nguvu ya pamoja. Inawezekana baadae kupata wadau wakatusaidia kumalizia pale ambapo tutaishia” alisema Diwani Mazengo.

Sambamba na hilo, aliwasisitiza kuwa kupitia maazimio yao waliyojiwekea kufikia mwezi Januari, 2026 madarasa manne yawe yamekamilika na masomo yaanze rasmi.



Kwa upande wake Sarah Mwakyusa, Afisa Maendeleo ya Jamii wa Kata ya Chahwa alisema “kata ni yetu, maendeleo ni kwa faida yetu pia, tuwekeze nguvu zetu kwasababu tunaamini kwa kufanya hivyo, serikali itatuona na kutusaidia. Tushiriki ipasavyo katika kuchangia ujenzi huu kwaajili ya maendeleo yetu”.

Aidha, Godfrey Mtundu, Mwenyekiti wa CCM Kata ya Chahwa alieleza kuwa Ilani ya Chama Cha Mapinduzi imeendelea kutekelezwa kikamilifu katani hapa kupitia utekelezaji wa ujenzi wa miradi mbalimbali pamoja na uboreshaji wa huduma za kijamii. Alishukuru wananchi kwa jitihada hiyo ya kuunga mkono juhudi za serikali kupitia ujenzi wa shule. “Nawakaribisha wadau mbalimbali mjitokeze kutuunga mkono kwenye ujenzi, tujenge shule yetu kwasababu maendeleo haya ni kwa vizazi vyetu na vya baadae” alimalizia Mtundu.

Naye, John Mtundu alisema “tunasikia raha sana kufanya ujenzi kwaajili ya kuwa na taifa la wasomi la baadae, nitoe rai kwa wananchi wenzangu kuchangia. Mimi naahidi shilingi 50,000 na hapa natanguliza shilingi 20,000. Ninachoweza kusema ni kwamba shule hii itakuwa na manufaa makubwa sana hapa kwetu”.



Mkutano huo uliazimia kwamba mchango wakuendeleza ujenzi wa shule ya sekondari, kila kaya itachangia shilingi 50,000 na mchango utatolewa ndani ya miezi mitano, kila mwananchi atalipia kidogo kidogo shilingi 10,000 kila mwezi. Vilevile, mkutano ulichagua kamati ya viongozi wa ujenzi ambao watakua wawakilishi wa wananchi katika kusimamia utekelezaji wa ujenzi huo.










MWISHO

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Wafanyabiashara wa Soko Kuu la Majengo Dodoma watarajia makubwa Mradi wa TACTIC

By Halmashauri ya Jiji la Dodoma
Image
Na. Halima Majidi, DODOMA Wafanyabiashara wa Soko Kuu la Majengo Jiji la Dodoma,   wameishukuru serikali kwa kuona umuhimu wa kukarabati miundombinu ya Soko hilo na kuomba   kuharakishwa uboreshaji wa soko ili waweze kuendelea na majukumu yao,   kwa sababu soko hilo ndio soko mama la chakula. Akizungumza katika hafla ya Utiaji Saini Mikataba ya Ujenzi wa Miradi ya TACTIC uliofanyika katika Bustani ya Chinangali Park, Mfanyabiashara wa   Soko Kuu   la Majengo, Rhoda Boyi, alipongeza juhudi za   Halmashauri ya Jiji la Dodoma kwa kuwashirikisha   katika hatua zote za mradi "Tunatarajia kuwa sauti zetu zitasikilizwa na kuzingatiwa ili kuhakikisha kuwa maboresho haya yanakidhi mahitaji yetu na kuboresha mazingira ya biashara" alisema Boyi. Kwa upande wake   Mohammedi,   alifafanua changamoto watakazokumbana nazo   katika kipindi chote cha ukarabati wa jengo hilo, ni pamoja na; kupoteza wateja, kuharibika kwa bidhaa kutokana na kuhamishw...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more