Jiji la Dodoma laimarisha huduma za Kilimo na Mifugo

By Halmashauri ya Jiji la Dodoma

Na. Mwandishi wetu, DODOMA

 

Madiwani wa Halmashauri ya Jiji la Dodoma wamepokea taarifa ya utekelezaji wa shughuli za kilimo na mifugo kwa Mwaka wa Fedha 2025/2026, ikiwemo utoaji wa chanjo, utambuzi na usajili wa mifugo, ukaguzi wa nyama na ‘Agrovet’, pamoja na udhibiti wa visumbufu vya mazao.

 

Akizungumza katika Mkutano wa Mwaka wa Baraza la Madiwani, Kaimu Mkurugenzi wa Jiji la Dodoma, Vincent Odero, alisema kuwa katika Mwaka wa Fedha 2024/2025 na 2025/2026, halmashauri ilitekeleza shughuli mbalimbali za kilimo na mifugo kwa lengo la kuongeza uzalishaji, kuimarisha usalama wa chakula na kuboresha huduma kwa wananchi.

 

Alisema kuwa shughuli hizo zilihusisha utoaji wa chanjo kwa mifugo, utambuzi na usajili wa mifugo kwa kutumia hereni za kielektroniki, uhamasishaji wa msimu wa kilimo pamoja na udhibiti wa wadudu na magonjwa katika mazao ya bustani na zabibu.

 

“Katika kipindi hiki, tumetekeleza shughuli mbalimbali za kilimo na mifugo kwa lengo la kuhakikisha wananchi wanapata huduma bora na kuongeza uzalishaji. Hali ya chakula imeimarika kutoka wastani mwaka 2024/2025 hadi kufikia kiwango kizuri Mwaka 2025/2026. Aidha, tumetambua na kusajili ng’ombe 15,177, mbuzi 5,618 na kondoo 1,015 kwa kutumia hereni za kielektroniki,” alisema Odero.

 

Odero aliongeza kuwa ukaguzi wa nyama umeongezeka, ambapo katika Mwaka 2024/2025 ng’ombe 46,876, mbuzi 63,267, kondoo 3,546 na kuku 376,213 walikaguliwa, idadi iliyoongezeka katika Mwaka 2025/2026 hadi kufikia ng’ombe 56,517, mbuzi 67,445, kondoo 3,919 na kuku 415,865, huku ukaguzi wa maduka ya dawa na pembejeo za mifugo (Agrovet) ukiongezeka kutoka 42 Mwaka 2024/2025 hadi 57 mwaka 2025/2026.

 

Akichangia taarifa hiyo, Diwani wa Kata ya Matumbulu, Godfrey Mtizi aliipongeza halmashauri hiyo kwa hatua inazoendelea kuchukua katika kuimarisha kilimo na ufugaji, akisema wananchi wanahitaji kuendelea kuona matokeo ya uwekezaji katika sekta hizo.

 

Alisema kuwa Kata ya Matumbulu ina wakulima na wafugaji, huku zabibu, mtama na mahindi kiwa miongoni mwa mazao muhimu ya biashara yanayolimwa katika eneo hilo, ambapo matarajio ya wananchi wanategemea huduma bora na maendeleo zaidi kutoka katika Jiji la Dodoma.

 

“Niipongeze Halmashauri ya Jiji la Dodoma kwa kazi kubwa wanayoendelea kuifanya. Tunaamini katika bajeti ya Mwaka 2026/2027 wakulima na wafugaji wataendelea kukumbukwa katika kila sekta. Madiwani tutaendelea kutoa ushirikiano kwa halmashauri ili kutimiza matarajio ya wananchi wanayotarajia,” alisema Mtizi.

 

Utekelezaji wa shughuli hizo unaendelea kuimarisha sekta za kilimo na mifugo katika Jiji la Dodoma, huku ukilenga kuongeza uzalishaji, kuimarisha usalama wa chakula na kuboresha maisha ya wananchi, ambao wanaendelea kutarajia huduma na matokeo zaidi kutoka kwa halmashauri.

MWISHO

Comments

Post a Comment

Popular Posts

Kata ya Miyuji Yaongeza Kasi ya Usimamizi Wa Usafi wa Mazingira

By Halmashauri ya Jiji la Dodoma
Image
Na. Manase Malima, MIYUJI   Kata ya Miyuji katika Halmashauri ya Jiji la Dodoma imechukua hatua za kuimarisha usafi wa mazingira kwa kufanya ukaguzi wa vikundi vinavyohusika na ukusanyaji na uondoshaji wa taka, ikiwa ni sehemu ya utekelezaji wa wito wa Rais wa Jamhuri ya Muungano wa Tanzania, Dkt. Samia Suluhu Hassan wa kuhakikisha miji na majiji yanakuwa safi. Katika kutekeleza wito huo, wa Rais wa Jamhuri ya Muungano wa Tanzania, Dkt. Samia Suluhu Hassan wa kuhakikisha miji na majiji yanakuwa safi, Kata ya Miyuji katika Halmashauri ya Jiji la Dodoma   imeelekeza nguvu katika kuboresha mfumo wa ukusanyaji na uondoshaji wa taka kupitia vikundi vinavyofanya shughuli hiyo katika mitaa ya kata. Leo tarehe 11 Septemba, 2026 Kamati ya Maendeleo ya Kata ya Miyuji, ikiongozwa na Diwani wa Kata hiyo, Ringo Iringo, imefanya ukaguzi wa vifaa vinavyotumika katika shughuli za usafi, ikiwemo magari, na vifaa kinga kwa watendaji. Ukaguzi huo umehusisha kuangalia hali ya vifaa, mahitaj...
Read more

Kata za Nkuhungu na Kizota zajiandaa kukabiliana na mvua za El Nino

By Halmashauri ya Jiji la Dodoma
Image
Na. Mwandishi wetu, DODOMA   Kanda Namba Tatu ya utoaji huduma katika Halmashauri ya Jiji la Dodoma imefanya zoezi la usafi wa maeneo ya Kizota Relini na Mkonongo, Kata ya Nkuhungu, ikiwa ni sehemu ya maandalizi ya kukabiliana na athari zinazoweza kusababishwa na mvua kubwa za El Niño.   Zoezi hilo lilihusisha ufunguaji na usafishaji wa mitaro, uondoaji wa taka pamoja na ukaguzi wa miundombinu ya kupitisha maji, hatua zinazolenga kupunguza hatari ya maji kujaa katika maeneo ya makazi na biashara.   Kaimu Meneja wa Kanda Namba Tatu, Vestina Manota aliwashukuru watumishi na wananchi kwa kushiriki katika zoezi hilo, akisema usafi wa mazingira ni muhimu katika maandalizi ya kukabiliana na athari za mvua za El Niño.   “Tunawahimiza wananchi kuendelea kufanya usafi kila siku na kuondoa taka kwenye mitaro ili kuhakikisha maji yanapata njia ya kupita kwa urahisi,” alisema Manota.   Diwani wa Kata ya Nkuhungu, Julius Ezekiel aliwataka wananchi kuchukua ta...
Read more

Mwenyekiti Mtaa wa Karume, Kata ya Mnadani ahamasisha usafi

By Halmashauri ya Jiji la Dodoma
Image
Na. Mwandishi wetu, MNADANI   Zoezi la usafi wa mazingira limehamasishwa katika Mtaa wa Karume, Kata ya Mnadani, kwa lengo la kuimarisha usafi na afya ya wananchi pamoja na kuelimisha jamii kuhusu umuhimu wa kutunza mazingira. Zoezi hilo pia limehusisha wataalam wa Kanda Namba Sita, ambao wamekuwa mstari wa mbele kutoa elimu na ushauri kwa wananchi kuhusu umuhimu wa usafi wa mazingira, utunzaji wa taka na namna ya kuzuia magonjwa yanayoweza kusababishwa na mazingira machafu.   Akizungumza wakati wa zoezi hilo, Mwenyekiti wa Mtaa wa Karume, Waziri Matwiga amewataka wananchi kushiriki kikamilifu katika usafi wa mazingira na kujenga utamaduni wa kufanya usafi mara kwa mara.   “Usafi wa mazingira ni jukumu la kila mmoja wetu. Tunapaswa kushirikiana kuhakikisha mtaa wetu unakuwa safi na salama kwa afya ya wananchi,” amesema Matwiga.   Kwa upande wao, wataalam wa Kanda Namba Sita wameendelea kutoa elimu kwa wananchi kuhusu umuhimu wa kutunza mazingira, ikiwa ...
Read more