Wilaya ya Dodoma kutumia vyombo vya habari katika kampeni ya dhidi ya chanjo ya Polio

By Halmashauri ya Jiji la Dodoma

Na. Coletha Charles, NKUHUNGU

Wilaya ya Dodoma imeweka mkakati wa kutumia vyombo vya habari, viongozi wa dini, shule na kampuni za simu ili kuwahamasisha wazazi kuwapeleka watoto kupata chanjo salama dhidi ya ugonjwa wa Polio, lengo likiwa ni kutokomeza kabisa hatari ya maambukizi ya ugonjwa huo.



Akizungumza katika hafla ya uzinduzi wa zoezi hilo katika Shule ya Msingi Nkuhungu, Mkuu wa Wilaya ya Dodoma, Alhaj Jabir Shekimweri, alisema kuwa vipindi vya redio na televisheni, hususani vipindi vya asubuhi, vitatumika kutoa elimu kwa wananchi na kujibu maswali kuhusu umuhimu na usalama wa chanjo hiyo.

Alisema kuwa viongozi wa dini nao wamepewa nafasi muhimu katika uhamasishaji huo, kutokana na ushawishi wao katika jamii na uwepo wa watoto katika maeneo ya ibada, ikiwemo ‘Sunday Schools’, madrasa na jumuiya mbalimbali za kidini.

“Tumeona pia kupitia eneo hilo kila mtoto wa Tanzania apate nafasi ya kupata chanjo hiyo. Tumewahamasisha shule zote, kamati na bodi za shule kufikisha ujumbe kwa wazazi. Pia tumeandaa ujumbe mfupi kwa kushirikiana na Vodacom, Tigo na Airtel ili kuwafikishia wananchi taarifa kuhusu zoezi hili kupitia simu zao,” alisema Alhaj Shekimweri.



Aidha, shule zimeingizwa katika mpango huo wa uhamasishaji, ambapo alisema wasimamizi wapatao 911 walioshiriki katika semina ya mitihani wamepewa maelekezo ya kuhakikisha kamati na bodi za shule zinawafikishia wazazi taarifa kuhusu zoezi hilo.

Kwa upande wake, Afisa kutoka Wizara ya Afya, Idara ya Kinga sehemu ya Elimu ya Afya, Magdalena Dinawi, alisema kuwa lengo la kampeni hiyo ni kuongeza na kuimarisha kinga ya watoto dhidi ya virusi vya Polio aina ya pili, kuzuia maambukizi kwa binadamu kupitia mazingira na kuhakikisha Tanzania inaendelea kuwa nchi isiyo na maambukizi ya Polio.

“Natoa wito kwa wazazi na walezi kuhakikisha mtoto anapata chanjo hata kama tayari ameshapata chanjo ya Polio kliniki au katika kampeni zilizopita. Chanjo ni kinga, mpe chanjo, mlinde mtoto. Pia chanjo hii inatolewa bila malipo katika vituo vya kutolea huduma za afya, nyumba kwa nyumba, tutatoa pia katika nyumba zetu za ibada, vituo vya mabasi, sokoni na maeneo yote ya mikusanyiko ambapo anapatikana mtoto chini ya miaka 10,” alisema Dinawi.



Nae, Mkazi wa Kata ya Nkuhungu, Mtaa wa Itega, Ally Hassan aliwasihi wazazi wenzake kutopuuza huduma hiyo inayotolewa bure na badala yake wawapeleke watoto wao ili kulinda afya na maisha yao ya baadaye.

 

“Natoa wito kwa wazazi na walezi wahakikishe mtoto anapata chanjo hata kama tayari alishapata chanjo ya Polio kliniki au katika kampeni zilizopita. Kupata chanjo katika kampeni hii kunaongeza na kuimarisha kinga ya mwili na hivyo kumpa mtoto ulinzi dhidi ya virusi vya polio vinavyoweza kuwepo kwenye mazingira” alisema.

Mkakati huo umetajwa kuwa muhimu katika kuhakikisha ujumbe wa chanjo kulingana na Kaulimbiu ‘Mpe chanjo mtoto wako, linda tabasamu la mtoto, zuia Polio’ unawafikia wananchi kwa wakati, ikizingatiwa kuwa sehemu kubwa ya wakazi wa mijini hutumia usafiri wa umma kwenda kazini na hivyo kupata fursa ya kusikiliza redio wakiwa safarini

Comments

Post a Comment

Popular Posts

Vijana watakiwa kujiendeleza nje ya mfumo rasmi

By Halmashauri ya Jiji la Dodoma
Image
Na. Lulu Luvanda, DODOMA Jamii imetakuwa kuwahamasisha vijana waliokosa elimu katika mfumo rasmi kujiunga na Mpango wa Elimu Changamani kwa Vijana walio nje ya shule nchini Tanzania (IPOSA) ili kupata fursa ya kujiendeleza kielimu nje ya mfumo rasmi. Akizungumza katika maadhimisho ya Juma la Elimu ya Watu wazima na nje ya mfumo rasmi yanayofanyika katika viwanja vya Nyerere square, Afisa Elimu ya Watu Wazima na Elimu Nje ya Mfumo Rasmi wa Elimu kutoka Halmashauri ya Wilaya ya Chamwino, Annamaria Kidunda, alisema kuwa IPOSA inalenga kuwapa fursa vijana na wanafunzi ambao walishindwa kuendelea na mfumo rasmi wa elimu kupata nafasi nyingine ya kupata elimu nje ya mfumo rasmi. Kwa mujibu wa Kidunda, IPOSA ni darasa linalowahusisha wanafunzi waliokatisha masomo au kushindwa kuendelea na mfumo rasmi wa elimu, kwa kuwawezesha kupata elimu na mafunzo yatakayowasaidia kukabiliana na mahitaji ya maisha ya sasa. Alisema kuwa programu hiyo inalenga kuondoa pengo katika elimu kwa kuwapatia wa...
Read more

NGOs zatakiwa kuzingatia uwazi na uwajibikaji Dodoma

By Halmashauri ya Jiji la Dodoma
Image
Na. Manase Malima, DODOMA Mashirika yasiyo ya kiserikali wilayani Dodoma yamehimizwa kuzingatia uwazi na uwajibikaji katika utekelezaji wa shughuli na miradi yao ili kuongeza uaminifu na kuhakikisha rasilimali zinatumika kwa manufaa ya jamii. Akizungumza katika mkutano wa Jukwaa la Mashirika Yasiyo ya Kiserikali uliofanyika katika ukumbi wa Halmashauri ya Jiji la Dodoma, Mratibu na Msajili Msaidizi wa Mashirika yasiyo ya kiserikali wa Halmashauri ya Jiji la Dodoma, Peter Mallya alisema kuwa, mashirika yanapaswa kuwa wazi katika utekelezaji wa shughuli zao na kuwajibika kwa wadau pamoja na jamii wanazozihudumia. Aliongeza kuwa uwazi katika utoaji wa taarifa, utekelezaji wa miradi na matumizi ya rasilimali ni muhimu katika kuimarisha uaminifu na ufanisi wa mashirika hayo. Kwa upande wake, Mtendaji Mkuu wa Shirika la SAIKO SENTA (Psychology Sensitization Networking of Tanzania), Sylvia Siriwa alisema kuwa uwazi na uwajibikaji vinasaidia kujenga imani kati ya mashirika, wadau na jamii,...
Read more

Ziara ya DC kukagua ujenzi wa Barabara Dodoma

By Halmashauri ya Jiji la Dodoma
Image
  Mkuu wa Wilaya ya Dodoma, Mhe. Alhaj Jabir Shekimweri, ametembelea na kukagua maendeleo ya ujenzi wa barabara tatu zinazotekelezwa na Wakala wa Barabara za Vijijini na Mijini (TARURA) katika Halmashauri ya Jiji la Dodoma. •      Barabara Nzuguni – kwa Masista (KM 0.5) kwa kiwango cha lami, pamoja na Barabara ya Nzuguni – Makaburini (KM1.5) kwa kiwango cha changarawe, ikiwa na gharama ya shilingi milioni 694.1 fedha kutoka Road Fund Development. •      Mradi wa uboreshaji wa Barabara ya Mwangaza (KM1.1) kwa kiwango cha lami, kwa gharama ya shilingi Bilioni 1.6. •      Mradi wa uboreshaji wa Barabara ya Mwangaza – Mwambosa (KM 0.7) kwa kiwango cha lami, gharama ya mradi ni shilingi milioni 880.1.
Read more