Ufugaji wa Ng'ombe aina ya Friesian njia bora ya kuongeza kipato

By Halmashauri ya Jiji la Dodoma

 Na. Mwandishi Wetu, DODOMA

Wananchi wa Halmashauri ya Jiji la Dodoma wamehimizwa kuwekeza katika ufugaji wa ng’ombe wa maziwa aina ya Friesian kama njia ya kuongeza kipato, kuimarisha usalama wa chakula na kuinua uchumi wa familia kupitia uzalishaji wa maziwa.



Akizungumza katika Maonesho ya Nanenane yanayoendelea katika viwanja vya Dkt. John Malecela (Nzuguni), Afisa Mifugo katika Halmashauri ya Jiji la Dodoma, Frank Mosses alisema kuwa ng’ombe aina ya Friesian ni miongoni mwa mifugo yenye tija kubwa kutokana na uwezo wake wa kuzalisha maziwa kwa wingi endapo atatunzwa kwa lishe bora, maji ya kutosha na usimamizi sahihi.

“Tunatoa elimu kwa wananchi kuhusu ufugaji bora wa ng’ombe wa maziwa aina ya Friesian, hususan namna ya kuwapatia lishe sahihi, chanjo,  maji safi na mazingira bora ya kuishi ili kuongeza uzalishaji wa maziwa. Lengo ni kuwasaidia wafugaji kupata tija na kuboresha maisha yao kupitia ufugaji wenye ufanisi na watija,” alisema Mosses.

Kwa upande wake, Mfugaji kutoka Dodoma, Boniphace Mariwa alisema kuwa dume la Friesian (Maro) lenye asili ya Afrika Kusini ni ng’ombe bora wa mbegu anayesaidia kuzalisha ndama wenye ubora na kuboresha uzalishaji wa maziwa.

“Ng’ombe huyu ni mzuri kwa uzalishaji wa mbegu bora zinazosaidia kupata ndama wenye uwezo mzuri wa uzalishaji wa maziwa. Nawashauri vijana kujikita katika ufugaji kwa sababu ni shughuli yenye tija na inaweza kuwasaidia kujipatia kipato na kujikwamua kiuchumi,” alisema Mariwa.





Nae, mfugaji wa ng’ombe wa maziwa, Naamin Mbwambo alisema kuwa ng’ombe wa Friesian anafaa kufugwa katika mfumo wa ufugaji wa ndani (zero grazing) ili kumkinga dhidi ya changamoto za mazingira ikiwemo jua kali na magonjwa, jambo linalosaidia kuongeza uzalishaji mkubwa wa maziwa na kurahisisha usimamizi wa lishe.

“Jike huyu tayari amezaa mara mbili na huzalisha wastani wa lita 20 za maziwa kwa siku asubuhi 10 na jioni 10, kupitia mfumo wa ufugaji wa ndani. Mfumo huu unamuwezesha mfugaji kumpatia ng’ombe chakula sahihi, kumtunza vizuri na kupata uzalishaji mkubwa wa maziwa,”alisema Mbwambo.

Mmoja wa wananchi waliotembelea banda hilo, Ratifa Sibene mkazi wa Nzuguni alisema kuwa amejifunza umuhimu wa kuwaandalia ng’ombe banda safi, kuwapatia chakula bora na kuzingatia usafi wakati wa uzalishaji wa maziwa ili kupata maziwa yenye ubora na salama kwa matumizi.

Hata hivyo, ili kufikia kiwango cha juu cha uzalishaji, ng’ombe aina ya Friesian anahitaji lishe bora, huduma za afya na usimamizi mzuri wa mazingira ya ufugaji. Katika mazingira bora, baadhi ya ng’ombe wa aina hiyo wanaweza kuzalisha hadi lita 45 za maziwa kwa siku, asubuhi lita 25 na jioni lita 20, kwa kuzingatia lishe na matunzo.

Comments

Post a Comment

Popular Posts

Jiji la Dodoma Biashara saa 24, usafi saa 24

By Halmashauri ya Jiji la Dodoma
Image
  Na. Mwandishi wetu, MSALATO   Wananchi wa Jiji la Dodoma wametakiwa kuendesha biashara saa 24 huku wakihakikisha usafi wa mazingira unafanyika muda wote, ili huduma ziendelee kupatikana bila kuathiri usafi wa maeneo yao.   Rai hiyo imetolewa wakati wa Uzinduzi wa Kampeni Endelevu ya Usafi wa Mazingira katika eneo la Mnada wa Msalato, jijini Dodoma, ambapo ilisisitizwa kuwa dhana ya “biashara saa 24” inapaswa kwenda sambamba na “usafi saa 24.”   Akizungumza wakati wa uzinduzi huo, Mkuu wa Wilaya ya Dodoma, Alhaj Jabir Shekimweri alisema kuwa maafisa afya pamoja na watendaji wa kata na mitaa watakuwa wakifanya ukaguzi wa mara kwa mara katika maeneo ya biashara ili kuhakikisha usafi unazingatiwa muda wote.   “Biashara masaa 24, lakini usafi masaa 24. Maafisa afya, watendaji wa kata na mitaa watakuwa wakipita kufanya ukaguzi, na atakayekaidi maelekezo ya usafi atatozwa faini ya shilingi 50,000 hadi shilingi 300,000,” alisema Alhaj Shekimweri. ...
Read more

Mvua za El Nino: DC Shekimweri awaasa wananchi wa Dodoma Kuchukua Tahadhari

By Halmashauri ya Jiji la Dodoma
Image
Na. Mwandishi wetu, NZUGUNI   Wananchi wanaoishi katika maeneo hatarishi wametakiwa kuchukua tahadhari mapema dhidi ya mvua za El Nino, ikiwemo kuepuka maeneo yanayoweza kukumbwa na mafuriko na kuhakikisha usalama wa familia zao.   Akizungumza wakati wa ziara ya ukaguzi wa bwawa la kuvunia maji ya mvua katika viwanja vya Dkt. John Malecela (Nanenane), Mkuu wa Wilaya ya Dodoma, Alhaj Jabir Shekimweri alisema kuwa wananchi wanaoishi katika maeneo hatarishi wanapaswa kuzingatia tahadhari zinazotolewa na mamlaka.   Alisema kuwa wananchi wanaoishi mabondeni, karibu na mito na maeneo yanayoweza kuathiriwa na mafuriko wanapaswa kuwa makini na kuchukua hatua mapema ili kuepusha madhara yanayoweza kusababishwa na mvua kubwa.   Aidha, aliwataka wananchi kuhakikisha mifereji na njia za maji hazizibwi kwa taka, akieleza kuwa hali hiyo inaweza kuzuia mtiririko wa maji na kuongeza uwezekano wa kutokea kwa mafuriko katika maeneo ya makazi.   Katika ziara hiyo, ...
Read more

Wananchi Dodoma wahimizwa kufanya usafi wa Mazingira kila siku

By Halmashauri ya Jiji la Dodoma
Image
Na. Amoni Sambulila, MSALATO Wananchi mkoani Dodoma wamehimizwa kufanya usafi   wa mazingira kila siku na kuhakikisha mazingira yanayowazunguka yanakuwa safi na salama kwa afya na ustawi wa jamii. Akizungumza wakati wa uzinduzi wa Kampeni ya Usafi wa Mazingira mkoani Dodoma, uliofanyika katika eneo la Mnada wa Msalato, Mkuu wa Mkoa wa Dodoma, Rosemary Senyemule alisema kuwa kufanya usafi ni wajibu wa kila mwananchi na si jukumu la taasisi au mamlaka pekee. Aliongeza Kwa kuwataka wananchi kushiriki kikamilifu katika shughuli za usafi, kutunza maeneo yao na kuendelea kuzingatia usafi wa mazingira katika maisha yao ya kila siku. Kwa upande wake, mwananchi wa Msalato, Juma Ally alisema kuwa ushiriki wa jamii ni muhimu katika kuhakikisha kampeni hiyo inakuwa na matokeo chanya na kuleta mabadiliko katika maeneo mbalimbali. Nae, mwananchi wa Msalato, Neema Ramadhani aliwahimiza wananchi kufanya usafi kuwa sehemu ya maisha yao ya kila siku, ikiwemo kutunza maeneo ya makazi na maene...
Read more