Wafanyabiashara Soko la Sabasaba wahimizwa usafi

By Halmashauri ya Jiji la Dodoma

Na. Mohammed Ramadhani, DODOMA

Wafanyabiashara katika Soko la Sabasaba jijini Dodoma wametakiwa kuendelea kufanya usafi wa mazingira kila siku badala ya kusubiri siku maalum ya usafi, hatua inayolenga kuweka mazingira ya biashara katika hali ya usalama na usafi.



Akizungumza wakati wa zoezi la usafi katika Soko la Sabasaba, Afisa Mazingira wa Halmashauri ya Jiji la Dodoma, Gwantwa Mbwile, alisema kuwa zoezi hilo limeanza tangu Jumatatu na kuendelea hadi Jumamosi, huku akiwataka wafanyabiashara na wananchi kwa ujumla kufanya usafi kuwa sehemu ya maisha yao ya kila siku.

Alisema kuwa kufanya usafi kila siku kunasaidia kupunguza muda na nguvu zinazotumika wakati wa kufanya usafi wa pamoja, kwani taka zinapokusanywa kwa muda mrefu huongezeka na kufanya zoezi kuwa gumu zaidi.

“Wito wangu kwa wafanyabiashara na wananchi kwa ujumla ni kujitahidi kuzoea kufanya usafi kila siku. Hii inarahisisha siku ambayo tunataka kufanya usafi maeneo yetu yanakuwa safi na hatuchukui muda mrefu. Si kusubiri mpaka Jumamosi pekee,” alisema Mbwile.



Kwa upande wake, Katibu wa Soko la Sabasaba, Musa Nyamsuka, alisema kuwa usafi wa mazingira ni muhimu pia katika kujiandaa na msimu wa mvua, za El nino` huku akisisitiza kuwa wafanyabiashara wana wajibu wa kuhakikisha maeneo yao ya biashara yanakuwa safi na salama wakati wote.

Nyamsuka alisema kuwa uongozi wa soko unaendelea kuwakumbusha wafanyabiashara kutekeleza wajibu wao wa kufanya usafi kila siku ili kuchangia katika kulinda mazingira na kuhakikisha Jiji la Dodoma linaendelea kuwa safi.

Alisema, “kufanya usafi hivi pia tunajiandaa na mvua za El Nino. Mimi kama kiongozi huwa nawakumbusha wafanyabiashara kuwa kufanya usafi ni wajibu wao wa kila siku ili kuweka mazingira ya biashara salama na kuweka Jiji letu la Dodoma likiwa safi”.

Mfanyabiashara wa Soko la Sabasaba, Huseni Mtunya alisema kuwa wafanyabiashara hawafanyi usafi kwa ajili ya siku maalum pekee, bali wamekuwa wakifanya usafi wa maeneo yao kabla ya kuanza shughuli za biashara.

Mtunya alisema utaratibu huo unalenga kuhakikisha wafanyabiashara pamoja na wateja wanapata mazingira salama na rafiki wakati wa kufanya shughuli zao.

“Sisi wafanyabiashara si letu leo tu tunafanya usafi, bali kabla hatujaanza kufungua biashara zetu tunafanya kwanza usafi ili kuweka mazingira salama kwetu sisi na kwa wateja,” alisema Mtunya.



Juhudi hizo zinaendelea kuhamasisha wafanyabiashara na wananchi kufanya usafi kuwa sehemu ya shughuli zao za kila siku, hatua inayolenga kuboresha mazingira ya biashara, kulinda afya ya jamii na kuunga mkono jitihada za kuhakikisha Jiji la Dodoma linakuwa safi na salama.

Comments

Post a Comment

Popular Posts

Kata ya Miyuji Yaongeza Kasi ya Usimamizi Wa Usafi wa Mazingira

By Halmashauri ya Jiji la Dodoma
Image
Na. Manase Malima, MIYUJI   Kata ya Miyuji katika Halmashauri ya Jiji la Dodoma imechukua hatua za kuimarisha usafi wa mazingira kwa kufanya ukaguzi wa vikundi vinavyohusika na ukusanyaji na uondoshaji wa taka, ikiwa ni sehemu ya utekelezaji wa wito wa Rais wa Jamhuri ya Muungano wa Tanzania, Dkt. Samia Suluhu Hassan wa kuhakikisha miji na majiji yanakuwa safi. Katika kutekeleza wito huo, wa Rais wa Jamhuri ya Muungano wa Tanzania, Dkt. Samia Suluhu Hassan wa kuhakikisha miji na majiji yanakuwa safi, Kata ya Miyuji katika Halmashauri ya Jiji la Dodoma   imeelekeza nguvu katika kuboresha mfumo wa ukusanyaji na uondoshaji wa taka kupitia vikundi vinavyofanya shughuli hiyo katika mitaa ya kata. Leo tarehe 11 Septemba, 2026 Kamati ya Maendeleo ya Kata ya Miyuji, ikiongozwa na Diwani wa Kata hiyo, Ringo Iringo, imefanya ukaguzi wa vifaa vinavyotumika katika shughuli za usafi, ikiwemo magari, na vifaa kinga kwa watendaji. Ukaguzi huo umehusisha kuangalia hali ya vifaa, mahitaj...
Read more

Kata za Nkuhungu na Kizota zajiandaa kukabiliana na mvua za El Nino

By Halmashauri ya Jiji la Dodoma
Image
Na. Mwandishi wetu, DODOMA   Kanda Namba Tatu ya utoaji huduma katika Halmashauri ya Jiji la Dodoma imefanya zoezi la usafi wa maeneo ya Kizota Relini na Mkonongo, Kata ya Nkuhungu, ikiwa ni sehemu ya maandalizi ya kukabiliana na athari zinazoweza kusababishwa na mvua kubwa za El Niño.   Zoezi hilo lilihusisha ufunguaji na usafishaji wa mitaro, uondoaji wa taka pamoja na ukaguzi wa miundombinu ya kupitisha maji, hatua zinazolenga kupunguza hatari ya maji kujaa katika maeneo ya makazi na biashara.   Kaimu Meneja wa Kanda Namba Tatu, Vestina Manota aliwashukuru watumishi na wananchi kwa kushiriki katika zoezi hilo, akisema usafi wa mazingira ni muhimu katika maandalizi ya kukabiliana na athari za mvua za El Niño.   “Tunawahimiza wananchi kuendelea kufanya usafi kila siku na kuondoa taka kwenye mitaro ili kuhakikisha maji yanapata njia ya kupita kwa urahisi,” alisema Manota.   Diwani wa Kata ya Nkuhungu, Julius Ezekiel aliwataka wananchi kuchukua ta...
Read more

Wafanyabiashara Soko la Miembeni Waazimia Kulinda Usafi

By Halmashauri ya Jiji la Dodoma
Image
Na. Mohammed Ramadhani, DODOMA Wafanyabiashara wa Soko la Miembeni jijini Dodoma wameahidi kuendelea kuimarisha usafi wa mazingira katika maeneo yao ya biashara, wakieleza kuwa hatua hiyo ni muhimu katika kulinda afya na ustawi wa jamii. Akizungumza na waandishi wa habari, Katibu wa Soko la Miembeni, Adelgot Mbwani alisema kuwa uongozi wa soko unaendelea kuwahamasisha wafanyabiashara kufanya usafi mara kwa mara na kuhakikisha kila mmoja anawajibika kutunza mazingira yanayomzunguka katika eneo lake la biashara. Aliongeza kuwa juhudi hizo pia zinaendana na msisitizo wa serikali wa kuhakikisha miji na maeneo ya biashara yanakuwa safi, hivyo wafanyabiashara wataendelea kushiriki kikamilifu katika kampeni za usafi. “Tumekuwa tukiwahamasisha wafanyabiashara wetu kufanya usafi mara kwa mara na kuwasisitizia kuwa usafi ni jukumu lao katika maeneo yao ya kazi, kama ambavyo Mheshimiwa Rais anavyosisitiza kuwa majiji yote yawe safi,” alisema Mbwani. Kwa upande wake, Katibu wa Soko la Wauza ...
Read more