TARURA Dodoma yatakiwa kukamilisha miradi kwa wakati

By Halmashauri ya Jiji la Dodoma

Na. Coletha Charles, NZUGUNI

Wakala wa Barabara za Vijijini na Mijini Tanzania (TARURA) wametakiwa kukamilisha kwa wakati, miradi ya uboreshaji wa barabara yenye urefu wa kilomita 3.8 kwa kuzingatia ubora na thamani ya fedha ili iweze kuleta manufaa yaliyokusudiwa kwa wananchi wa Jiji la Dodoma.

 


Rai hiyo imetolewa na Mkuu wa Wilaya ya Dodoma, Alhaj Jabir Shekimweri, wakati wa ziara ya kutembelea na kukagua maendeleo ya mradi huo, ikiwa ni sehemu ya hatua za kukabiliana na athari za mvua za El Nino.

Alisema kuwa utekelezaji wa mradi huyo unapaswa kwenda sambamba na usimamizi madhubuti wa muda, ubora wa kazi na matumizi sahihi ya fedha, ili wananchi wa Jiji la Dodoma wanufaike na miundombinu hiyo kwa muda uliokusudiwa.

“Ninawasihi TARURA kuhakikisha mradi huu unakamilishwa kwa wakati na kwa kuzingatia viwango vinavyotakiwa, ili wananchi waweze kupata manufaa yaliyokusudiwa. Muhimu ni kuhakikisha fedha zinazotumika katika mradi huu zinatoa thamani halisi kwa wananchi,” alisema Alhaj Shekimweri.

 


Akitoa taarifa ya utekelezaji wa mradi huo, Meneja wa TARURA Wilaya ya Dodoma, Mha. Emmanuel Mfinanga alisema kuwa mradi huo inahusisha Barabara ya Nzuguni kwa Masista yenye urefu wa kilomita 0.5 kwa kiwango cha lami, pamoja na Nzuguni Makaburini yenye urefu wa kilomita 1.5 kwa kiwango cha changarawe yenye gharama ya shilingi 694,144,950, huku chanzo cha fedha kikiwa ni Road Fund Development.

Alisema kuwa TARURA inatekeleza mradi wa Barabara ya Mwangaza yenye urefu wa kilomita 1.1 kwa kiwango cha lami, wenye thamani ya shilingi 1,630,184,137.91, pamoja na Barabara ya Mwangaza Mwambosa yenye urefu wa kilomita 0.7 kwa kiwango cha lami, wenye thamani ya shilingi 880,120,820.12 bila VAT.

“Mradi wa Barabara ya Mwangaza umefikia asilimia 55 ya utekelezaji dhidi ya asilimia 30 ya muda uliotumika, huku Mwangaza Mwambosa ukiwa imefikia asilimia 70 ya utekelezaji dhidi ya asilimia 52.70 ya muda uliotumika,” alisema Mha. Mfinanga.



Kwa ujumla, utekelezaji wa miradi hiyo unatarajiwa kuongeza ubora wa miundombinu ya barabara katika Jiji la Dodoma, kurahisisha usafiri na usafirishaji wa bidhaa, pamoja na kupunguza changamoto zinazowakabili wananchi wakati wa mvua.

MWISHO

Comments

Post a Comment

Popular Posts

Hai DC yajifunza kuimarisha usafi na usimamizi wa taka Jiji la Dodoma

By Halmashauri ya Jiji la Dodoma
Image
Na. Mwandishi wetu, DODOMA   Viongozi na wataalamu wa Halmashauri ya Wilaya ya Hai mkoani Kilimanjaro wamejifunza mbinu za usafi wa mazingira na usimamizi wa taka katika Jiji la Dodoma kwa lengo la kuboresha usafi na kuimarisha utunzaji wa mazingira.   Ziara hiyo ilijumuisha kutembelea Dampo la Chidaya lililopo Jiji la Dodoma, ambako wajumbe walijifunza taratibu za upokeaji, utenganishaji, usafirishaji na uhifadhi wa taka.   Afisa Uendeshaji wa Dampo, Elias Banyikila alisema kuwa Dodoma huzalisha wastani wa tani 594 za taka kwa siku, huku tani 392 zikipokelewa d Dampo la Chidaya na tani 54 zikirejele­zwa.   Alisema kuwa dampo hilo lina ukubwa wa ekari 48, lakini takribani ekari 12 pekee ndizo zinazotumika, likiwa na miundombinu inayojumuisha uzio, ofisi, mizani, nyumba za walinzi na mitambo.   “Dampo hili linapokea taka za kawaida kutoka majumbani na masokoni, lakini taka hatarishi, ikiwemo za hospitalini, hushughulikiwa kwa utaratibu maalumu,”...
Read more

Kata ya Matumbulu wanufaika na Mil. 114.7 Maadhimisho ya Samia Day

By Halmashauri ya Jiji la Dodoma
Image
Na. Coletha Charles, MATUMBULU   Kata ya Matumbulu imepokea mikopo ya asilimia 10 yenye thamani ya shilingi milioni 114.785 kwa ajili ya wanawake, vijana na watu wenye ulemavu, ikiibua fursa za kujikwamua kiuchumi.   Akizungumza katika maadhimisho ya Samia Day, 2026 yaliyofanyika katika viwanja vya Shule ya Msingi Matumbulu, Mtaa wa Ukombozi, Afisa Maendeleo ya Jamii wa Kata hiyo, Merina Gombo alisema kuwa mikopo hiyo imewanufaisha wananchi na kuchangia maendeleo ya jamii.   Alisema kuwa walengwa wa mikopo hiyo ni wanawake, vijana na watu wenye ulemavu, ambao wamepata fursa ya kuendesha shughuli mbalimbali za kiuchumi na kujiongezea kipato.   “Wananchi na jamii ya Matumbulu wamenufaika sana na wamepata maendeleo kupitia mikopo hiyo. Hadi sasa, Kata ya Matumbulu imepokea shilingi milioni 114.785 kupitia mpango wa mikopo ya asilimia 10 kwa makundi maalum,” alisema Gombo.   Kwa upande wake, mkazi wa Mtaa wa Muungano, Kata ya Matumbulu, Suzana Albe...
Read more

Samia Day 2026 yaibua vipaji vya michezo Kata ya Matumbulu

By Halmashauri ya Jiji la Dodoma
Image
Na. Coletha Charles, MATUMBULU   Wananchi wa Mtaa wa Ukombozi Halmashauri ya Jiji la Dodoma, wameadhimisha Samia Day 2026 kwa kushiriki bonanza lililojumuisha michezo, burudani na shughuli za kijamii katika viwanja vya Shule ya Msingi Matumbulu.   Bonanza hilo lilihusisha michezo mbalimbali kama salakasi, soka, kuvuta kamba, kukimbiza kuku, bao, ngoma na kula, huku wananchi wakipata fursa ya kushiriki na kujumuika katika maadhimisho hayo.   Akizungumza katika bonanza hilo, Afisa Mtendaji wa Kata ya Matumbulu, Zuberi Mbawala alisema kuwa maandalizi hayo yalilenga kutoa nafasi kwa wananchi kushiriki katika shughuli za pamoja huku wakipata elimu kuhusu afya na lishe.   “Tumefanya michezo na shughuli mbalimbali za kijamii kwa lengo la kuwapa wananchi burudani, kuonesha vipaji na kuimarisha mshikamano. Lengo letu ni kuendelea kutoa hamasa, kuimarisha mshikamano na kuhakikisha jamii yetu inapata fursa ya kufurahia na kushiriki katika shughuli zenye manufaa,” ...
Read more