Dodoma CC Yatwaa Ubingwa wa Mpira wa Mikono SHIMISEMITA, 2026

By Halmashauri ya Jiji la Dodoma

Na. Leah Mabalwe, MBEYA

 

Timu ya Mpira wa Mikono ya Wanaume kutoka Halmashauri ya Jiji la Dodoma imetwaa ubingwa wa mashindano ya SHIMISEMITA yanayofanyika jijini Mbeya, baada ya kuicharaza Halmashauri ya Wilaya ya Geita magoli 9-6 katika mchezo wa fainali.


 

Mchezo huo wa kusisimua ulifanyika katika viwanja vya Shule ya Sekondari Samora, ambapo timu zote mbili zilionesha ushindani mkubwa katika kuwania taji hilo.

 

Akizungumza mara baada ya mchezo huo, Kocha wa Timu ya Mpira wa Mikono ya Halmashauri ya Jiji la Dodoma, Baraka Muhamed alisema kuwa mchezo huo ulikuwa mgumu kutokana na timu zote mbili kuwa zilijiandaa vizuri kwa ajili ya kuwania ubingwa. “Mchezo ulikuwa mgumu kwa sababu pande zote mbili zilikuwa zimejipanga vizuri kwa ajili ya kuwania ubingwa huu. Tumejituma sana hadi kufikia hatua hii. Nawashukuru sana wachezaji wote kwa kujituma na kutupa ushindi huu” alisema Muhamed.

 

Kwa upande wake, Nahodha wa Timu hiyo, Charles Malima alisema kuwa wamepata furaha kubwa baada ya kutimiza ahadi waliyompa Mkurugenzi wa Halmashauri ya Jiji la Dodoma.

“Tuna furaha kubwa sana kwa sababu kile tulichomuahidi mkurugenzi wetu sasa kimetimia. Pia tunafuraha sana kufika hatua hii, kwa sababu mwaka jana tulikuwa washindi wa pili, lakini mwaka huu tumetimiza lengo letu la kuwa mabingwa” alisema Malima.

 

Nae shabiki wa michezo kutoka jijini Mbeya, Ibrahim Masauti aliipongeza timu ya Mpira wa Mikono ya Halmashauri ya Jiji la Dodoma kwa kiwango ilichoonesha katika mashindano hayo, akisema kuwa ushindi wa magoli 9-6 katika mchezo wa fainali si jambo dogo. “Halmashauri ya Jiji la Dodoma wapo vizuri. Kushinda magoli 9-6 katika mchezo wa fainali si mchezo. Dodoma Jiji ipo vizuri. Hivyo, nawashauri halmashauri nyingine zijifunze na kuwekeza zaidi katika michezo kupitia mfano wa Dodoma Jiji” alisema Masauti.

Ushindi huo unaifanya Halmashauri ya Jiji la Dodoma kuandika historia mpya katika mashindano hayo, baada ya kushindwa kutwaa ubingwa huo mwaka jana na kumaliza katika nafasi ya pili. Mwaka huu, timu hiyo imefanikiwa kupanda hatua moja zaidi na kuondoka na taji la ubingwa.

Comments

Post a Comment

Popular Posts

Vijana watakiwa kujiendeleza nje ya mfumo rasmi

By Halmashauri ya Jiji la Dodoma
Image
Na. Lulu Luvanda, DODOMA Jamii imetakuwa kuwahamasisha vijana waliokosa elimu katika mfumo rasmi kujiunga na Mpango wa Elimu Changamani kwa Vijana walio nje ya shule nchini Tanzania (IPOSA) ili kupata fursa ya kujiendeleza kielimu nje ya mfumo rasmi. Akizungumza katika maadhimisho ya Juma la Elimu ya Watu wazima na nje ya mfumo rasmi yanayofanyika katika viwanja vya Nyerere square, Afisa Elimu ya Watu Wazima na Elimu Nje ya Mfumo Rasmi wa Elimu kutoka Halmashauri ya Wilaya ya Chamwino, Annamaria Kidunda, alisema kuwa IPOSA inalenga kuwapa fursa vijana na wanafunzi ambao walishindwa kuendelea na mfumo rasmi wa elimu kupata nafasi nyingine ya kupata elimu nje ya mfumo rasmi. Kwa mujibu wa Kidunda, IPOSA ni darasa linalowahusisha wanafunzi waliokatisha masomo au kushindwa kuendelea na mfumo rasmi wa elimu, kwa kuwawezesha kupata elimu na mafunzo yatakayowasaidia kukabiliana na mahitaji ya maisha ya sasa. Alisema kuwa programu hiyo inalenga kuondoa pengo katika elimu kwa kuwapatia wa...
Read more

NGOs zatakiwa kuzingatia uwazi na uwajibikaji Dodoma

By Halmashauri ya Jiji la Dodoma
Image
Na. Manase Malima, DODOMA Mashirika yasiyo ya kiserikali wilayani Dodoma yamehimizwa kuzingatia uwazi na uwajibikaji katika utekelezaji wa shughuli na miradi yao ili kuongeza uaminifu na kuhakikisha rasilimali zinatumika kwa manufaa ya jamii. Akizungumza katika mkutano wa Jukwaa la Mashirika Yasiyo ya Kiserikali uliofanyika katika ukumbi wa Halmashauri ya Jiji la Dodoma, Mratibu na Msajili Msaidizi wa Mashirika yasiyo ya kiserikali wa Halmashauri ya Jiji la Dodoma, Peter Mallya alisema kuwa, mashirika yanapaswa kuwa wazi katika utekelezaji wa shughuli zao na kuwajibika kwa wadau pamoja na jamii wanazozihudumia. Aliongeza kuwa uwazi katika utoaji wa taarifa, utekelezaji wa miradi na matumizi ya rasilimali ni muhimu katika kuimarisha uaminifu na ufanisi wa mashirika hayo. Kwa upande wake, Mtendaji Mkuu wa Shirika la SAIKO SENTA (Psychology Sensitization Networking of Tanzania), Sylvia Siriwa alisema kuwa uwazi na uwajibikaji vinasaidia kujenga imani kati ya mashirika, wadau na jamii,...
Read more