TRA yatoa elimu ulipaji kodi kwa NGOs Dodoma

By Halmashauri ya Jiji la Dodoma

Na. Muhamad Ahmed, DODOMA

Mashirika Yasiyo ya Kiserikali (NGOs) wilayani Dodoma yametakiwa kuzingatia wajibu wao wa ulipaji wa kodi na kuhakikisha yanakuwa na Namba ya Utambulisho wa Mlipakodi (TIN), ikiwa ni sehemu ya kuimarisha uwajibikaji na uendeshaji wa shughuli zao kwa mujibu wa sheria.


Msisitizo huo ulitolewa katika Jukwaa la Mashirika Yasiyo ya Kiserikali Wilaya ya Dodoma leo katika ukumbi wa halmashauri na Afisa Usimamizi wa Kodi kutoka Mamlaka ya Mapato Tanzania (TRA), Thomas Lengite wakati akiwasilisha mada isemayo ‘Ulipaji wa Kodi kwa Mashirika Yasiyo ya Kiserikali na Upatikanaji wa TIN’.

Alisema kuwa mada hiyo inawapa wadau wa NGOs fursa ya kupata uelewa kuhusu wajibu wao katika masuala ya kodi, pamoja na umuhimu wa kuwa na TIN katika kutambulika na kutekeleza shughuli zao kwa kuzingatia taratibu zinazotakiwa.

Nae Mkurugenzi wa Taasisi ya Moses Mihayo Foundation, Moses Mihayo alisema kuwa amepata elimu na kufahamu namna ya kuweza kuweka mipango na mikakati ya kuendeleza taasisi na pia kufahamu namna ya kushughulika na mifumo pale wanapohitaji huduma.



Jukwaa hilo liliwakutanisha wadau mbalimbali kwa lengo la kujadili masuala yanayohusu uendeshaji na uendelevu wa NGOs, huku likitoa fursa ya kubadilishana uzoefu na kutafuta njia bora za kuimarisha mchango wa mashirika hayo katika maendeleo ya jamii.




Comments

Post a Comment

Popular Posts

Vijana watakiwa kujiendeleza nje ya mfumo rasmi

By Halmashauri ya Jiji la Dodoma
Image
Na. Lulu Luvanda, DODOMA Jamii imetakuwa kuwahamasisha vijana waliokosa elimu katika mfumo rasmi kujiunga na Mpango wa Elimu Changamani kwa Vijana walio nje ya shule nchini Tanzania (IPOSA) ili kupata fursa ya kujiendeleza kielimu nje ya mfumo rasmi. Akizungumza katika maadhimisho ya Juma la Elimu ya Watu wazima na nje ya mfumo rasmi yanayofanyika katika viwanja vya Nyerere square, Afisa Elimu ya Watu Wazima na Elimu Nje ya Mfumo Rasmi wa Elimu kutoka Halmashauri ya Wilaya ya Chamwino, Annamaria Kidunda, alisema kuwa IPOSA inalenga kuwapa fursa vijana na wanafunzi ambao walishindwa kuendelea na mfumo rasmi wa elimu kupata nafasi nyingine ya kupata elimu nje ya mfumo rasmi. Kwa mujibu wa Kidunda, IPOSA ni darasa linalowahusisha wanafunzi waliokatisha masomo au kushindwa kuendelea na mfumo rasmi wa elimu, kwa kuwawezesha kupata elimu na mafunzo yatakayowasaidia kukabiliana na mahitaji ya maisha ya sasa. Alisema kuwa programu hiyo inalenga kuondoa pengo katika elimu kwa kuwapatia wa...
Read more

NGOs zatakiwa kuzingatia uwazi na uwajibikaji Dodoma

By Halmashauri ya Jiji la Dodoma
Image
Na. Manase Malima, DODOMA Mashirika yasiyo ya kiserikali wilayani Dodoma yamehimizwa kuzingatia uwazi na uwajibikaji katika utekelezaji wa shughuli na miradi yao ili kuongeza uaminifu na kuhakikisha rasilimali zinatumika kwa manufaa ya jamii. Akizungumza katika mkutano wa Jukwaa la Mashirika Yasiyo ya Kiserikali uliofanyika katika ukumbi wa Halmashauri ya Jiji la Dodoma, Mratibu na Msajili Msaidizi wa Mashirika yasiyo ya kiserikali wa Halmashauri ya Jiji la Dodoma, Peter Mallya alisema kuwa, mashirika yanapaswa kuwa wazi katika utekelezaji wa shughuli zao na kuwajibika kwa wadau pamoja na jamii wanazozihudumia. Aliongeza kuwa uwazi katika utoaji wa taarifa, utekelezaji wa miradi na matumizi ya rasilimali ni muhimu katika kuimarisha uaminifu na ufanisi wa mashirika hayo. Kwa upande wake, Mtendaji Mkuu wa Shirika la SAIKO SENTA (Psychology Sensitization Networking of Tanzania), Sylvia Siriwa alisema kuwa uwazi na uwajibikaji vinasaidia kujenga imani kati ya mashirika, wadau na jamii,...
Read more

Ziara ya DC kukagua ujenzi wa Barabara Dodoma

By Halmashauri ya Jiji la Dodoma
Image
  Mkuu wa Wilaya ya Dodoma, Mhe. Alhaj Jabir Shekimweri, ametembelea na kukagua maendeleo ya ujenzi wa barabara tatu zinazotekelezwa na Wakala wa Barabara za Vijijini na Mijini (TARURA) katika Halmashauri ya Jiji la Dodoma. •      Barabara Nzuguni – kwa Masista (KM 0.5) kwa kiwango cha lami, pamoja na Barabara ya Nzuguni – Makaburini (KM1.5) kwa kiwango cha changarawe, ikiwa na gharama ya shilingi milioni 694.1 fedha kutoka Road Fund Development. •      Mradi wa uboreshaji wa Barabara ya Mwangaza (KM1.1) kwa kiwango cha lami, kwa gharama ya shilingi Bilioni 1.6. •      Mradi wa uboreshaji wa Barabara ya Mwangaza – Mwambosa (KM 0.7) kwa kiwango cha lami, gharama ya mradi ni shilingi milioni 880.1.
Read more