Dodoma yasisitiza Elimu nje ya mfumo rasmi

By Halmashauri ya Jiji la Dodoma

Na. Rahma Magona, DODOMA

Juma la Elimu ya Watu Wazima na Elimu Nje ya Mfumo Rasmi limefikia kilele leo katika viwanja vya Nyerere Square jijini Dodoma, huku serikali ikisisitiza umuhimu wa kuimarisha fursa za elimu kwa wananchi ambao hawakupata nafasi ya kusoma katika mfumo rasmi.



Akizungumza katika maadhimisho hayo, mwakilishi wa Mkuu wa Mkoa wa Dodoma ambae ni Katibu Tawala Msaidizi anayeshughulikia elimu, Kiduma Mageni alisema kuwa serikali imeendelea kuwekeza katika uimarishaji wa miundombinu ya elimu ili kuhakikisha wananchi wanapata fursa ya kujifunza.

 

Alisema kuwa Mkoa wa Dodoma ulipokea zaidi ya shilingi bilioni 22 kwa ajili ya uimarishaji wa miundombinu ya elimu, hatua inayolenga kuhakikisha kila mwanafunzi anapata fursa ya kupata elimu katika mfumo rasmi.

 

Vilevile, wananchi ambao walishindwa kupata elimu katika mfumo rasmi bado wana nafasi ya kuendelea na masomo kupitia elimu nje ya mfumo rasmi kwa kutumia miundombinu iliyopo, aliongeza.

 


Kwa upande wake Witness Isaya alisema kuwa elimu nje ya mfumo rasmi ni muhimu kwa kuwa inatoa nafasi kwa wananchi ambao hawakupata elimu katika mfumo rasmi kuendelea kujifunza na kupata ujuzi unaoweza kuwasaidia katika shughuli zao za kila siku.

 

Maadhimisho hayo yameendelea kusisitiza umuhimu wa elimu kwa kila mwananchi bila kujali umri au mazingira yake, huku jamii ikihimizwa kutumia fursa za elimu zinazopatikana ili kuongeza maarifa, ujuzi na kuchangia maendeleo ya mtu binafsi pamoja na jamii kwa ujumla.

Comments

Post a Comment

Popular Posts

Vijana watakiwa kujiendeleza nje ya mfumo rasmi

By Halmashauri ya Jiji la Dodoma
Image
Na. Lulu Luvanda, DODOMA Jamii imetakuwa kuwahamasisha vijana waliokosa elimu katika mfumo rasmi kujiunga na Mpango wa Elimu Changamani kwa Vijana walio nje ya shule nchini Tanzania (IPOSA) ili kupata fursa ya kujiendeleza kielimu nje ya mfumo rasmi. Akizungumza katika maadhimisho ya Juma la Elimu ya Watu wazima na nje ya mfumo rasmi yanayofanyika katika viwanja vya Nyerere square, Afisa Elimu ya Watu Wazima na Elimu Nje ya Mfumo Rasmi wa Elimu kutoka Halmashauri ya Wilaya ya Chamwino, Annamaria Kidunda, alisema kuwa IPOSA inalenga kuwapa fursa vijana na wanafunzi ambao walishindwa kuendelea na mfumo rasmi wa elimu kupata nafasi nyingine ya kupata elimu nje ya mfumo rasmi. Kwa mujibu wa Kidunda, IPOSA ni darasa linalowahusisha wanafunzi waliokatisha masomo au kushindwa kuendelea na mfumo rasmi wa elimu, kwa kuwawezesha kupata elimu na mafunzo yatakayowasaidia kukabiliana na mahitaji ya maisha ya sasa. Alisema kuwa programu hiyo inalenga kuondoa pengo katika elimu kwa kuwapatia wa...
Read more

NGOs zatakiwa kuzingatia uwazi na uwajibikaji Dodoma

By Halmashauri ya Jiji la Dodoma
Image
Na. Manase Malima, DODOMA Mashirika yasiyo ya kiserikali wilayani Dodoma yamehimizwa kuzingatia uwazi na uwajibikaji katika utekelezaji wa shughuli na miradi yao ili kuongeza uaminifu na kuhakikisha rasilimali zinatumika kwa manufaa ya jamii. Akizungumza katika mkutano wa Jukwaa la Mashirika Yasiyo ya Kiserikali uliofanyika katika ukumbi wa Halmashauri ya Jiji la Dodoma, Mratibu na Msajili Msaidizi wa Mashirika yasiyo ya kiserikali wa Halmashauri ya Jiji la Dodoma, Peter Mallya alisema kuwa, mashirika yanapaswa kuwa wazi katika utekelezaji wa shughuli zao na kuwajibika kwa wadau pamoja na jamii wanazozihudumia. Aliongeza kuwa uwazi katika utoaji wa taarifa, utekelezaji wa miradi na matumizi ya rasilimali ni muhimu katika kuimarisha uaminifu na ufanisi wa mashirika hayo. Kwa upande wake, Mtendaji Mkuu wa Shirika la SAIKO SENTA (Psychology Sensitization Networking of Tanzania), Sylvia Siriwa alisema kuwa uwazi na uwajibikaji vinasaidia kujenga imani kati ya mashirika, wadau na jamii,...
Read more