Mratibu wa Huduma za Chanjo Atoa Wito kwa Mabalozi Kushiriki Kampeni ya Chanjo ya Polio

By Halmashauri ya Jiji la Dodoma

Na. Mwandishi wetu, DODOMA

 

Mratibu wa Huduma za Chanjo wa Halmashauri ya Jiji la Dodoma, Victor Kweka amewataka mabalozi kushiriki kikamilifu katika kuhamasisha jamii kuhusu umuhimu wa Kampeni ya Chanjo ya Polio, akisisitiza kuwa ushirikiano wa jamii ni muhimu katika kuhakikisha watoto wote wanapata chanjo kwa wakati.

 


Akizungumza na mabalozi wa Halmashauri ya Jiji la Dodoma katika ukumbi wa mikutano wa halmashauri, alisema kuwa wazazi na walezi wana wajibu mkubwa wa kuhakikisha kila mtoto anapatiwa chanjo kwa wakati, ili kuimarisha ulinzi dhidi ya ugonjwa wa Polio na kulinda kizazi cha sasa na kijacho.

 

Alisema kuwa mafanikio ya kampeni hiyo yanategemea ushiriki wa kila mmoja, hususan mabalozi ambao wana nafasi muhimu ya kufikisha ujumbe wa chanjo katika jamii na kuwahamasisha wazazi kuchukua hatua.

 

Aliwataka wazazi kutosubiri hadi mtoto aonekane mgonjwa, bali kuhakikisha anapata chanjo kwa kufuata ratiba iliyowekwa, kwa kuwa chanjo ni kinga muhimu dhidi ya magonjwa yanayoweza kuzuilika.

 



Aidha, alisisitiza umuhimu wa jamii kushirikiana na wataalamu wa afya wakati wa kampeni hiyo, akieleza kuwa hatua hiyo itasaidia kuongeza uelewa na kufikia watoto wote wanaostahili kupata chanjo.

 

Aliongeza kuwa kila mtoto anayepata chanjo kwa wakati ni hatua muhimu katika juhudi za kulinda jamii na kujenga kizazi salama dhidi ya ugonjwa wa Polio.





Comments

Post a Comment

Popular Posts

Vijana watakiwa kujiendeleza nje ya mfumo rasmi

By Halmashauri ya Jiji la Dodoma
Image
Na. Lulu Luvanda, DODOMA Jamii imetakuwa kuwahamasisha vijana waliokosa elimu katika mfumo rasmi kujiunga na Mpango wa Elimu Changamani kwa Vijana walio nje ya shule nchini Tanzania (IPOSA) ili kupata fursa ya kujiendeleza kielimu nje ya mfumo rasmi. Akizungumza katika maadhimisho ya Juma la Elimu ya Watu wazima na nje ya mfumo rasmi yanayofanyika katika viwanja vya Nyerere square, Afisa Elimu ya Watu Wazima na Elimu Nje ya Mfumo Rasmi wa Elimu kutoka Halmashauri ya Wilaya ya Chamwino, Annamaria Kidunda, alisema kuwa IPOSA inalenga kuwapa fursa vijana na wanafunzi ambao walishindwa kuendelea na mfumo rasmi wa elimu kupata nafasi nyingine ya kupata elimu nje ya mfumo rasmi. Kwa mujibu wa Kidunda, IPOSA ni darasa linalowahusisha wanafunzi waliokatisha masomo au kushindwa kuendelea na mfumo rasmi wa elimu, kwa kuwawezesha kupata elimu na mafunzo yatakayowasaidia kukabiliana na mahitaji ya maisha ya sasa. Alisema kuwa programu hiyo inalenga kuondoa pengo katika elimu kwa kuwapatia wa...
Read more

NGOs zatakiwa kuzingatia uwazi na uwajibikaji Dodoma

By Halmashauri ya Jiji la Dodoma
Image
Na. Manase Malima, DODOMA Mashirika yasiyo ya kiserikali wilayani Dodoma yamehimizwa kuzingatia uwazi na uwajibikaji katika utekelezaji wa shughuli na miradi yao ili kuongeza uaminifu na kuhakikisha rasilimali zinatumika kwa manufaa ya jamii. Akizungumza katika mkutano wa Jukwaa la Mashirika Yasiyo ya Kiserikali uliofanyika katika ukumbi wa Halmashauri ya Jiji la Dodoma, Mratibu na Msajili Msaidizi wa Mashirika yasiyo ya kiserikali wa Halmashauri ya Jiji la Dodoma, Peter Mallya alisema kuwa, mashirika yanapaswa kuwa wazi katika utekelezaji wa shughuli zao na kuwajibika kwa wadau pamoja na jamii wanazozihudumia. Aliongeza kuwa uwazi katika utoaji wa taarifa, utekelezaji wa miradi na matumizi ya rasilimali ni muhimu katika kuimarisha uaminifu na ufanisi wa mashirika hayo. Kwa upande wake, Mtendaji Mkuu wa Shirika la SAIKO SENTA (Psychology Sensitization Networking of Tanzania), Sylvia Siriwa alisema kuwa uwazi na uwajibikaji vinasaidia kujenga imani kati ya mashirika, wadau na jamii,...
Read more