NGO’s Wilaya ya Dodoma wahimizwa ushirikiano

By Halmashauri ya Jiji la Dodoma

Na. Rahma Magona, DODOMA

Mashirika yasiyo ya kiserikali wilayani Dodoma yameaswa kuimarisha ubia, ubunifu na matumizi ya vyanzo vya ndani vya rasilimali fedha ili kuongeza uendelevu wa shughuli zao na kutoa mchango zaidi katika maendeleo ya jamii.


Rai hiyo ilitolewa katika mkutano wa Jukwaa la Mashirika Yasiyo ya Kiserikali wilayani Dodoma uliofanyika katika ukumbi wa mikutano wa Halmashauri ya Jiji la Dodoma, ambapo mgeni rasmi alikuwa mwakilishi wa Mkuu wa Wilaya ya Dodoma, Joan Mazanda ambaye ni Mwenyekiti wa Kamati ya Uchumi, Elimu na Afya Halmashauri ya Jiji Dodoma.

Akizungumza katika mkutano huo, alisema kuwa mashirika yasiyo ya kiserikali yanachangia katika kujenga ushirikiano na kuibua fikra endelevu zinazolenga kuimarisha maendeleo ya wananchi. Vilevile, aliongeza kuwa mashirika hayo yamekuwa yakitekeleza shughuli mbalimbali katika jamii, zikiwemo afua za afya na mazingira, pamoja na kutoa misaada kwa watoto wanaoishi katika mazingira magumu.

Kwa upande wake mmoja wa mshiriki kutoka Taasisi ya Binti Salama, Faith William alisema kuwa mkutano huo umesaidia katika kukutanisha wadau, kufahamiana, kupata elimu na kufahamu fursa zilizopo.

Mkutano huo umejadili masuala mbalimbali yanayohusu uendelevu wa mashirika yasiyo ya kiserikali, ubunifu, ujenzi wa ubia pamoja na upatikanaji wa rasilimali fedha kupitia vyanzo vya ndani, kwa lengo la kuimarisha mchango wa mashirika hayo katika maendeleo ya jamii.

 

Comments

Post a Comment

Popular Posts

Vijana watakiwa kujiendeleza nje ya mfumo rasmi

By Halmashauri ya Jiji la Dodoma
Image
Na. Lulu Luvanda, DODOMA Jamii imetakuwa kuwahamasisha vijana waliokosa elimu katika mfumo rasmi kujiunga na Mpango wa Elimu Changamani kwa Vijana walio nje ya shule nchini Tanzania (IPOSA) ili kupata fursa ya kujiendeleza kielimu nje ya mfumo rasmi. Akizungumza katika maadhimisho ya Juma la Elimu ya Watu wazima na nje ya mfumo rasmi yanayofanyika katika viwanja vya Nyerere square, Afisa Elimu ya Watu Wazima na Elimu Nje ya Mfumo Rasmi wa Elimu kutoka Halmashauri ya Wilaya ya Chamwino, Annamaria Kidunda, alisema kuwa IPOSA inalenga kuwapa fursa vijana na wanafunzi ambao walishindwa kuendelea na mfumo rasmi wa elimu kupata nafasi nyingine ya kupata elimu nje ya mfumo rasmi. Kwa mujibu wa Kidunda, IPOSA ni darasa linalowahusisha wanafunzi waliokatisha masomo au kushindwa kuendelea na mfumo rasmi wa elimu, kwa kuwawezesha kupata elimu na mafunzo yatakayowasaidia kukabiliana na mahitaji ya maisha ya sasa. Alisema kuwa programu hiyo inalenga kuondoa pengo katika elimu kwa kuwapatia wa...
Read more

NGOs zatakiwa kuzingatia uwazi na uwajibikaji Dodoma

By Halmashauri ya Jiji la Dodoma
Image
Na. Manase Malima, DODOMA Mashirika yasiyo ya kiserikali wilayani Dodoma yamehimizwa kuzingatia uwazi na uwajibikaji katika utekelezaji wa shughuli na miradi yao ili kuongeza uaminifu na kuhakikisha rasilimali zinatumika kwa manufaa ya jamii. Akizungumza katika mkutano wa Jukwaa la Mashirika Yasiyo ya Kiserikali uliofanyika katika ukumbi wa Halmashauri ya Jiji la Dodoma, Mratibu na Msajili Msaidizi wa Mashirika yasiyo ya kiserikali wa Halmashauri ya Jiji la Dodoma, Peter Mallya alisema kuwa, mashirika yanapaswa kuwa wazi katika utekelezaji wa shughuli zao na kuwajibika kwa wadau pamoja na jamii wanazozihudumia. Aliongeza kuwa uwazi katika utoaji wa taarifa, utekelezaji wa miradi na matumizi ya rasilimali ni muhimu katika kuimarisha uaminifu na ufanisi wa mashirika hayo. Kwa upande wake, Mtendaji Mkuu wa Shirika la SAIKO SENTA (Psychology Sensitization Networking of Tanzania), Sylvia Siriwa alisema kuwa uwazi na uwajibikaji vinasaidia kujenga imani kati ya mashirika, wadau na jamii,...
Read more

Ziara ya DC kukagua ujenzi wa Barabara Dodoma

By Halmashauri ya Jiji la Dodoma
Image
  Mkuu wa Wilaya ya Dodoma, Mhe. Alhaj Jabir Shekimweri, ametembelea na kukagua maendeleo ya ujenzi wa barabara tatu zinazotekelezwa na Wakala wa Barabara za Vijijini na Mijini (TARURA) katika Halmashauri ya Jiji la Dodoma. •      Barabara Nzuguni – kwa Masista (KM 0.5) kwa kiwango cha lami, pamoja na Barabara ya Nzuguni – Makaburini (KM1.5) kwa kiwango cha changarawe, ikiwa na gharama ya shilingi milioni 694.1 fedha kutoka Road Fund Development. •      Mradi wa uboreshaji wa Barabara ya Mwangaza (KM1.1) kwa kiwango cha lami, kwa gharama ya shilingi Bilioni 1.6. •      Mradi wa uboreshaji wa Barabara ya Mwangaza – Mwambosa (KM 0.7) kwa kiwango cha lami, gharama ya mradi ni shilingi milioni 880.1.
Read more