NGO's Dodoma zahimizwa kuanzisha miradi ya ili kuwa endelevu

By Halmashauri ya Jiji la Dodoma

Na. Paulo Paulo, DODOMA

Halmashauri ya Jiji la Dodoma, kupitia Jukwaa la Mashirika yasiyo ya Kiserikali (NGOs), limehimiza mashirika hayo kuanzisha miradi ya ndani ya kiuchumi ili kujitegemea kifedha badala ya kutegemea ufadhili wa nje pekee.



​Akizungumza katika kikao kilichofanyika katika ukumbi wa Halmashauri ya Jiji la Dodoma, Afisa Tathimini na Ufuatiliaji kutoka Taasisi ya Reaching the Unreached Tanzania, Eliud Edward alisema kuwa ingawa fursa za kifedha zipo kwa wingi, upatikanaji wake unahitaji jitihada na mbinu za kimkakati kutoka kwa waombaji.

​“Upatikanaji wa fedha kwa NGOs ni mchakato unaohitaji kujitoa kwa dhati. Pesa zipo nyingi sana, ila ili uzipate inategemea sana wazo la mradi wako,” alisema Edward.

​Aliongeza kuwa ni muhimu kwa mashirika kuhakikisha wazo linalowasilishwa linakuwa endelevu na lenye ubunifu wa ndani ili kuweza kujitofautisha na waombaji wengine wanawania fursa hizo.

​Kwa upande wake Katibu wa Shirika la Afya Ustawi Foundation, Dominica Kanje aliunga mkono hoja hiyo kwa kusisitiza umuhimu wa mashirika hayo kujitegemea kiuchumi. “Tumejifunza kwamba sisi kama mashirika tunatakiwa kuanzisha ubunifu ili kujitegemea, kuanzisha uchumi wetu binafsi bila kutegemea ufadhili kutoka nje” alisema Kanje.



Jukwaa hilo limewakutanisha wawakilishi mbalimbali wa mashirika yasiyo ya kiserikali yaliyopo jijini Dodoma, kikiwa na lengo la kujadili uendelevu, ubunifu, na mbinu za upatikanaji wa rasilimali fedha kupitia vyanzo mbalimbali hasa kipindi hiki dunia inaposhuhudia mabadiliko katika mazingira ya ufadhili, wakati mashirika mengi ya kimataifa yakianza kupunguza au kubadilisha vipaumbele vyao vya kutoa misaada.

​

Comments

Post a Comment

Popular Posts

Vijana watakiwa kujiendeleza nje ya mfumo rasmi

By Halmashauri ya Jiji la Dodoma
Image
Na. Lulu Luvanda, DODOMA Jamii imetakuwa kuwahamasisha vijana waliokosa elimu katika mfumo rasmi kujiunga na Mpango wa Elimu Changamani kwa Vijana walio nje ya shule nchini Tanzania (IPOSA) ili kupata fursa ya kujiendeleza kielimu nje ya mfumo rasmi. Akizungumza katika maadhimisho ya Juma la Elimu ya Watu wazima na nje ya mfumo rasmi yanayofanyika katika viwanja vya Nyerere square, Afisa Elimu ya Watu Wazima na Elimu Nje ya Mfumo Rasmi wa Elimu kutoka Halmashauri ya Wilaya ya Chamwino, Annamaria Kidunda, alisema kuwa IPOSA inalenga kuwapa fursa vijana na wanafunzi ambao walishindwa kuendelea na mfumo rasmi wa elimu kupata nafasi nyingine ya kupata elimu nje ya mfumo rasmi. Kwa mujibu wa Kidunda, IPOSA ni darasa linalowahusisha wanafunzi waliokatisha masomo au kushindwa kuendelea na mfumo rasmi wa elimu, kwa kuwawezesha kupata elimu na mafunzo yatakayowasaidia kukabiliana na mahitaji ya maisha ya sasa. Alisema kuwa programu hiyo inalenga kuondoa pengo katika elimu kwa kuwapatia wa...
Read more

NGOs zatakiwa kuzingatia uwazi na uwajibikaji Dodoma

By Halmashauri ya Jiji la Dodoma
Image
Na. Manase Malima, DODOMA Mashirika yasiyo ya kiserikali wilayani Dodoma yamehimizwa kuzingatia uwazi na uwajibikaji katika utekelezaji wa shughuli na miradi yao ili kuongeza uaminifu na kuhakikisha rasilimali zinatumika kwa manufaa ya jamii. Akizungumza katika mkutano wa Jukwaa la Mashirika Yasiyo ya Kiserikali uliofanyika katika ukumbi wa Halmashauri ya Jiji la Dodoma, Mratibu na Msajili Msaidizi wa Mashirika yasiyo ya kiserikali wa Halmashauri ya Jiji la Dodoma, Peter Mallya alisema kuwa, mashirika yanapaswa kuwa wazi katika utekelezaji wa shughuli zao na kuwajibika kwa wadau pamoja na jamii wanazozihudumia. Aliongeza kuwa uwazi katika utoaji wa taarifa, utekelezaji wa miradi na matumizi ya rasilimali ni muhimu katika kuimarisha uaminifu na ufanisi wa mashirika hayo. Kwa upande wake, Mtendaji Mkuu wa Shirika la SAIKO SENTA (Psychology Sensitization Networking of Tanzania), Sylvia Siriwa alisema kuwa uwazi na uwajibikaji vinasaidia kujenga imani kati ya mashirika, wadau na jamii,...
Read more