Dodoma CC Mpira wa Mikono Wanaume yaichakaza Kwimba DC magoli 9–5 na kutinga Nusu Fainali SHIMISEMITA

By Halmashauri ya Jiji la Dodoma

Na. Mwandishi wetu, MBEYA

 

Timu ya Mpira wa Mikono ya Wanaume ya Halmashauri ya Jiji la Dodoma imeonesha kiwango bora katika mashindano ya SHIMISEMITA yanayoendelea jijini Mbeya, baada ya kuibuka na ushindi wa magoli 9–5 dhidi ya Timu ya Halmashauri ya Wilaya ya Kwimba katika mchezo wa robo fainali.



Mchezo huo uliokuwa wa ushindani mkubwa na wenye mvuto mkubwa ulipigwa katika viwanja vya Shule ya Sekondari Samora, huku Timu ya Halmashauri ya Jiji la Dodoma ikitawala mchezo na kutumia vema nafasi ilizopata hadi kufanikiwa kuondoka na ushindi huo muhimu.

 

Akizungumza mara baada ya kumalizika kwa mchezo huo, Kocha wa Timu ya Mpira wa Mikono ya Halmashauri ya Jiji la Dodoma, Felician Rocky alisema kuwa ushindi huo ni matokeo ya maandalizi mazuri, nidhamu na juhudi kubwa zilizofanywa na wachezaji wake.

“Tumefanya vizuri katika mchezo huu. Wachezaji wameonesha moyo wa kupambana na kufuata maelekezo ya benchi la ufundi. Ushindi huu umetupa nguvu na kujiamini zaidi kuelekea mchezo wetu wa nusu fainali” alisema Rocky.

 


Kwa upande wake, mchezaji wa Timu ya Halmashauri ya Jiji la Dodoma, Baraka Kasasi alisema kuwa  kufika hatua ya nusu fainali ni jambo kubwa kwa timu hiyo, lakini hawana mpango wa kuridhika na hatua hiyo.

“Tumefurahi sana kufika hatua hii, lakini bado safari yetu haijaisha. Tunakwenda kukutana na Timu ya Halmashauri ya Wilaya ya Chunya katika nusu fainali. Tumejipanga vizuri na tunaamini tutaivuka hatua hiyo na kuelekea katika hatua inayofuata ambayo ni fainali na tunaendelea kupambana hadi tufikie malengo yetu ya kuwania ubingwa” alisema Kasasi.

 


Ushindi wa magoli 9–5 dhidi ya Timu ya Halmashauri ya Wilaya ya Kwimba umeongeza matumaini kwa Timu ya Halmashauri ya Jiji la Dodoma, huku macho ya mashabiki sasa yakielekezwa katika mchezo wa nusu fainali dhidi ya Timu ya Halmashauri ya Wilaya ya Chunya

Comments

Post a Comment

Popular Posts

Vijana watakiwa kujiendeleza nje ya mfumo rasmi

By Halmashauri ya Jiji la Dodoma
Image
Na. Lulu Luvanda, DODOMA Jamii imetakuwa kuwahamasisha vijana waliokosa elimu katika mfumo rasmi kujiunga na Mpango wa Elimu Changamani kwa Vijana walio nje ya shule nchini Tanzania (IPOSA) ili kupata fursa ya kujiendeleza kielimu nje ya mfumo rasmi. Akizungumza katika maadhimisho ya Juma la Elimu ya Watu wazima na nje ya mfumo rasmi yanayofanyika katika viwanja vya Nyerere square, Afisa Elimu ya Watu Wazima na Elimu Nje ya Mfumo Rasmi wa Elimu kutoka Halmashauri ya Wilaya ya Chamwino, Annamaria Kidunda, alisema kuwa IPOSA inalenga kuwapa fursa vijana na wanafunzi ambao walishindwa kuendelea na mfumo rasmi wa elimu kupata nafasi nyingine ya kupata elimu nje ya mfumo rasmi. Kwa mujibu wa Kidunda, IPOSA ni darasa linalowahusisha wanafunzi waliokatisha masomo au kushindwa kuendelea na mfumo rasmi wa elimu, kwa kuwawezesha kupata elimu na mafunzo yatakayowasaidia kukabiliana na mahitaji ya maisha ya sasa. Alisema kuwa programu hiyo inalenga kuondoa pengo katika elimu kwa kuwapatia wa...
Read more

NGOs zatakiwa kuzingatia uwazi na uwajibikaji Dodoma

By Halmashauri ya Jiji la Dodoma
Image
Na. Manase Malima, DODOMA Mashirika yasiyo ya kiserikali wilayani Dodoma yamehimizwa kuzingatia uwazi na uwajibikaji katika utekelezaji wa shughuli na miradi yao ili kuongeza uaminifu na kuhakikisha rasilimali zinatumika kwa manufaa ya jamii. Akizungumza katika mkutano wa Jukwaa la Mashirika Yasiyo ya Kiserikali uliofanyika katika ukumbi wa Halmashauri ya Jiji la Dodoma, Mratibu na Msajili Msaidizi wa Mashirika yasiyo ya kiserikali wa Halmashauri ya Jiji la Dodoma, Peter Mallya alisema kuwa, mashirika yanapaswa kuwa wazi katika utekelezaji wa shughuli zao na kuwajibika kwa wadau pamoja na jamii wanazozihudumia. Aliongeza kuwa uwazi katika utoaji wa taarifa, utekelezaji wa miradi na matumizi ya rasilimali ni muhimu katika kuimarisha uaminifu na ufanisi wa mashirika hayo. Kwa upande wake, Mtendaji Mkuu wa Shirika la SAIKO SENTA (Psychology Sensitization Networking of Tanzania), Sylvia Siriwa alisema kuwa uwazi na uwajibikaji vinasaidia kujenga imani kati ya mashirika, wadau na jamii,...
Read more