WAKAZI WA NALA WAADHIMISHA MIAKA 62 YA MUUNGANO KWA KUSHIRIKI USAFI WA MAZINGIRA

By Halmashauri ya Jiji la Dodoma

Na. Mwandishi Wetu, NALA - DODOMA

WAKAZI wa Mtaa wa Barazani, Kata ya Nala wamejitokeza kwa wingi katika zoezi la usafi wa mazingira linalofanyika kila Jumamosi ya mwisho wa mwezi kwa lengo la kuendelea kuhakikisha mji unakuwa safi na kujenga mazoea ya kupenda kufanya usafi.



Zoezi hilo la usafi limekuwa la kipekee kwasababu limefanyika sambamba na kuadhimisha Miaka 62 ya Muungano wa Tanganyika na Zanzibar, ambapo wananchi walionekana wenye hamasa kubwa katika kuboresha muonekano wa mtaa wao.

Akizungumza na wakazi ho mara baada ya zoezi la usafi kukamilika, Afisa Mazingira kutoka Kanda Namba Tatu, Neema Komba aliwapongeza wananchi kwa kujitokeza kwa wingi na kuonesha uthamani wa kuishi katika mazingira safi. “Leo tumefanya jambo jema sana kujitokeza kufanya usafi, kwanza tumetimiza ule wajibu wetu wa kufanya usafi kila jumamosi ya mwisho wa mwezi lakini pia tupo hapa kuadhimisha kwa umoja wetu miaka 62 ya Muungano wa Tanganyika na Zanzibar. Muungano huo unaendelea kutukumbusha kushirikiana na kusaidiana ili nchi yetu iendelee kuwa na amani. Ushiriki huu ni ishara ya ukomavu wa kijamii na uwajibikaji katika kutunza afya za wakazi wa Nala” alisema Komba.

Aidha, Aliwahimiza wananchi kuendeleza utamaduni wa kufanya usafi kila wakati ili kuepuka magonjwa ya mlipuko yanayotokana na uchafu. Alisisitiza kuwa mazingira bora ni msingi wa afya imara na kila mwananchi anapaswa kuwa mlinzi wa mwenzake kwa kuhakikisha maeneo yanayowazunguka yanabaki kuwa salama na safi.

Nae, Afisa Mtendaji wa Mtaa wa Nala, Alinikisia Humbo alisema kuwa usafi wa mazingira unapaswa kufanyika bila shuruti ili kuepuka taka zinazozagaa hovyo katika mitaa ambazo ni hatari kwa afya za wakazi. “Naomba kuwakumbusha kuwa usafi wa mazingira ni suala muhimu sana. Mmejionea taka zilizokuwa zimezagaa hapa, tusaidiane katika kukemea wale wanaotupa taka bila utaratibu ili tuwadhibiti kwasababu ndio wanafanya taswira ya jiji letu kuonekana chafu. Ifike mahala tuone aibu kutupa taka hovyo, tuyatunze mazingira ili nayo yatutunze na vizazi vijavyo” alisema Humbo.

Zoezi hilo la usafi wa mazingira lilikuwa mahsusi kwa ajili ya kuuenzi Muungano wa Tanganyika na Zanzibar ambao unatarajiwa kuadhimishwa tarehe 26 Aprili, 2026 ukiwa na kaulimbiu isemayo “Miaka 62 ya Muungano: Amani, Umoja na Mshikamano ni Msingi wa Maendeleo Endelevu.












MWISHO

 

Comments

Post a Comment

Popular Posts

Juhudi na nidhamu yatakiwa kwa washiriki wa mafunzo ya Jeshi la Akiba Dodoma

By Halmashauri ya Jiji la Dodoma
Image
Na. Rahma Abdallah, MPUNGUZI Mkuu wa Wilaya ya Dodoma, Alhaji Jabir Shekimweri amewataka washiriki wa mafunzo ya Jeshi la Akiba kuwa na nidhamu ya hali ya juu kwa muda wote wa mafunzo na kuzingatia yote watakayo fundishwa ili kuwa kuwa askari mahili. Mkuu wa Wilaya ya Dodoma, Alhaji Jabir Shekimweri akifungua mafunzo ya Jeshi la Akiba Hayo aliyasema wakati akifungua mafunzo ya 17 ya Jeshi la Akiba Wilaya ya Dodoma katika uwanja wa michezo wa Shule ya Sekondari Mpungunzi iliyopo Halmashauri ya Jiji la Dodoma. Alhaj Shekimweri alisema kuwa wakufunzi wa mafunzo hayo wanauzoefu mkubwa utakaowasaidia kuimarika katika kozi mbalimbali za jeshi la akiba. “Niwaase mfuate maelekezo, mfuate mafunzo yote ya medani, mafunzo ya kitendaji, pia kuwa na nidhamu wakati wote wa mafunzo. Msingi mkubwa wa kazi za jeshi ni nidhamu. Huwezi kuwa askari kama huna nidhamu. Kwahiyo, mtapimwa viwango vyenu vya nidhamu” alisema Alhaj Shekimweri. Pia aliongeza kwa kusema “tafsiri ya kwanza ya nidhamu ni kuh...
Read more

Wanafunzi Dodoma watakiwa kutoa taarifa za ukatili wa kijinsia

By Halmashauri ya Jiji la Dodoma
Image
Na. Dennis Gondwe, CHAMWINO WANAFUNZI wa shule za msingi mkoani Dodoma wametakiwa kutoa taarifa kwa Dawati la Jinsia na Watoto pindi watakapofanyiwa ukatili wa kijinsia ili kuwa na jamii isiyo na ukatili wa kijinsia. Mkaguzi wa Jeshi la Polisi Mkoa wa Dodoma, Theresia Mdendemi akiongea na wanafunzi Kauli hiyo ilitolewa na Mkaguzi wa Jeshi la Polisi Mkoa wa Dodoma, Theresia Mdendemi, kutoka Dawati la Jinsia na Watoto Mkoa wa Dodoma alipokuwa akiongea na wanafunzi wa Shule ya Msingi Chamwino katika Halmashauri ya Jiji la Dodoma. Insp. Mdendemi alisema “watoto wazuri msisite kutoa taarifa kwa Dawati la Jinsia na Watoto katika Jeshi la Polisi na watu mnaowaamini pindi mnapofanyiwa ukatili wa kijinsia. Hakikisha ndani ya saa 72 mmetoa taarifa kwenye Dawati la Jinsia na Watoto au mtu mnaemwamini ili tuweze kupata Ushahidi. Mtuhumiwa tunatakiwa tumuunganishe kosa alilofanya na ushahidi tutakaopata toka kwenye mwili wako”. Alisema kuwa mara nyingi ukatili umekuwa ukifanyika kwa watu wa...
Read more