KANDA NAMBA MBILI YAADHIMISHA MIAKA 62 YA MUUNGANO WA TANGANYIKA NA ZANZIBAR KWA KUFANYA USAFI WA JUMAMAMOSI YA MWISHO WA MWEZI

By Halmashauri ya Jiji la Dodoma

Na. Tutindaga Nkwindi, DODOMA

KANDA Namba Mbili imeadhimisha miaka 62 ya Muungano wa Tanganyika na Zanzibar kwa kufanya zoezi la usafi katika Kata ya Nzuguni, Mtaa wa Nzuguni A pamoja na Kituo Kikuu cha Mabasi Dodoma ikiwa ni sehemu ya kuenzi umoja na mshikamano wa watanzania.




Zoezi hilo liliongozwa na Meneja wa Kanda Namba Mbili, Hussen Nyenye aliyeshirikiana na watumishi wa kanda hiyo pamoja na wananchi kusafisha mazingira katika maeneo hayo muhimu ya jiji.

Akizungumza wakati wa zoezi hilo aliwashukuru Kikundi cha Wanawake wa Stendi maarufu kama Malkia wa Nguvu kwa kujitokeza kwa wingi kushiriki usafi huo. “Nawapongeza sana Malkia wa Nguvu kwa kuungana nasi kusafisha eneo hili muhimu ikiwa ni moja ya njia za kuadhimisha muungano wetu huku tukizingatia kaulimbiu ya mwaka huu isemayo ‘Miaka 62 ya Muungano: Amani, Umoja na Mshikamano ni Msingi wa Maendeleo Endelevu'. Pia tukumbuke kuwa mazingira safi ndiyo msingi wa kila kitu katika maendeleo ya jamii” alisema Nyenye.

Kwa upande wake, mwanachama wa Kikundi cha Malkia wa nguvu Subira Mtandi alisema kuwa wanawake wanaofanya kazi katika Kituo Kikuu cha Mabasi Dodoma wameona umuhimu wa kuuenzi muungano kwa vitendo. “Sisi wanawake tunaofanya kazi hapa stendi, tumeamua kuuenzi muungano wetu kwa kufanya usafi katika eneo letu la kazi ili kudumisha mazingira bora” alisema Mtandi.

Nae, Afisa Mazingira wa Kanda Namba Mbili, Neema Mbawala aliwashukuru wakazi wa Mtaa wa Nzuguni A kwa kujitokeza kushiriki zoezi la usafi, akieleza kuwa usafi ni njia mojawapo ya kuimarisha mshikamano na kuadhimisha muungano kwa vitendo.

Maadhimisho hayo yameonesha umuhimu wa ushirikiano kati ya viongozi na wananchi katika kulinda mazingira, huku yakisisitiza kuwa amani, umoja na mshikamano vinabaki kuwa nguzo kuu ya maendeleo endelevu ya taifa.







MWISHO 

 

 

Comments

Post a Comment

Popular Posts

Juhudi na nidhamu yatakiwa kwa washiriki wa mafunzo ya Jeshi la Akiba Dodoma

By Halmashauri ya Jiji la Dodoma
Image
Na. Rahma Abdallah, MPUNGUZI Mkuu wa Wilaya ya Dodoma, Alhaji Jabir Shekimweri amewataka washiriki wa mafunzo ya Jeshi la Akiba kuwa na nidhamu ya hali ya juu kwa muda wote wa mafunzo na kuzingatia yote watakayo fundishwa ili kuwa kuwa askari mahili. Mkuu wa Wilaya ya Dodoma, Alhaji Jabir Shekimweri akifungua mafunzo ya Jeshi la Akiba Hayo aliyasema wakati akifungua mafunzo ya 17 ya Jeshi la Akiba Wilaya ya Dodoma katika uwanja wa michezo wa Shule ya Sekondari Mpungunzi iliyopo Halmashauri ya Jiji la Dodoma. Alhaj Shekimweri alisema kuwa wakufunzi wa mafunzo hayo wanauzoefu mkubwa utakaowasaidia kuimarika katika kozi mbalimbali za jeshi la akiba. “Niwaase mfuate maelekezo, mfuate mafunzo yote ya medani, mafunzo ya kitendaji, pia kuwa na nidhamu wakati wote wa mafunzo. Msingi mkubwa wa kazi za jeshi ni nidhamu. Huwezi kuwa askari kama huna nidhamu. Kwahiyo, mtapimwa viwango vyenu vya nidhamu” alisema Alhaj Shekimweri. Pia aliongeza kwa kusema “tafsiri ya kwanza ya nidhamu ni kuh...
Read more

Wanafunzi Dodoma watakiwa kutoa taarifa za ukatili wa kijinsia

By Halmashauri ya Jiji la Dodoma
Image
Na. Dennis Gondwe, CHAMWINO WANAFUNZI wa shule za msingi mkoani Dodoma wametakiwa kutoa taarifa kwa Dawati la Jinsia na Watoto pindi watakapofanyiwa ukatili wa kijinsia ili kuwa na jamii isiyo na ukatili wa kijinsia. Mkaguzi wa Jeshi la Polisi Mkoa wa Dodoma, Theresia Mdendemi akiongea na wanafunzi Kauli hiyo ilitolewa na Mkaguzi wa Jeshi la Polisi Mkoa wa Dodoma, Theresia Mdendemi, kutoka Dawati la Jinsia na Watoto Mkoa wa Dodoma alipokuwa akiongea na wanafunzi wa Shule ya Msingi Chamwino katika Halmashauri ya Jiji la Dodoma. Insp. Mdendemi alisema “watoto wazuri msisite kutoa taarifa kwa Dawati la Jinsia na Watoto katika Jeshi la Polisi na watu mnaowaamini pindi mnapofanyiwa ukatili wa kijinsia. Hakikisha ndani ya saa 72 mmetoa taarifa kwenye Dawati la Jinsia na Watoto au mtu mnaemwamini ili tuweze kupata Ushahidi. Mtuhumiwa tunatakiwa tumuunganishe kosa alilofanya na ushahidi tutakaopata toka kwenye mwili wako”. Alisema kuwa mara nyingi ukatili umekuwa ukifanyika kwa watu wa...
Read more