Jiji la Dodoma laaga Timu ya Watumishi kuelekea SHIMISEMITA Mbeya

By Halmashauri ya Jiji la Dodoma

Na. Rahma Magona, DODOMA

Uongozi wa Halmashauri ya Jiji la Dodoma umeiaga rasmi timu ya watumishi itakayoiwakilisha Halmashauri hiyo katika mashindano ya Shirikisho la Michezo ya Serikali za Mitaa Tanzania (SHIMISEMITA), yanayotarajiwa kufanyika jijjni Mbeya.



Hafla hiyo ya kuwaaga watumishi hao ilifanyika katika Ukumbi wa Halmashauri ya Jiji la Dodoma, ambapo watumishi hao wamepewa jukumu la kuiwakilisha Dodoma katika mashindano hayo na kurudi na ushindi.


Akizungumza katika hafla hiyo Kocha wa Timu ya Mpira wa Miguu, Leonard Mkinga alisema kuwa kabla ya kuingia kwenye mashindano, watumishi wamejiandaa vizuri katika kipindi chote kwa kufanya mazoezi ya viwango vya juu. “Tumejiandaa vizuri na matarajio yetu lazima tukaoneshe ushindani wa hali ya juu na kutetea vikombe tulivyovipata mwaka jana” alisema Mkinga.

 

Alisema kuwa ushiriki wa watumishi hao katika michezo unapaswa kwenda sambamba na utekelezaji wa majukumu yao ya msingi ya utumishi, huku michezo ikiwa na nafasi muhimu katika kuimarisha afya, kujenga mahusiano mazuri na utekelezaji wa majukumu ya kila siku.


Kwa upande wake Mchezaji wa Mpira wa Miguu, Ramadhan Nassor alisema kuwa michezo inawapa watumishi nafasi ya kujuana zaidi, kusaidiana na kujenga hali ya kufanya kazi kwa pamoja kama timu, jambo linalosaidia kuimarisha ushirikiano wao katika kutekeleza majukumu ya kila siku.

Ushiriki wa timu hiyo jijini Mbeya unaonesha jitihada za Halmashauri ya Jiji la Dodoma katika kuhamasisha watumishi kushiriki katika michezo, huku wakitambua umuhimu wa afya, umoja na ushirikiano katika mazingira ya kazi.

Comments

Post a Comment

Popular Posts

Timu ya Watumishi Jiji la Dodoma inayoshiriki SHIMISEMITA yatakiwa kurejea na ushindi

By Halmashauri ya Jiji la Dodoma
Image
Na. Lulu Luvanda, DODOMA Timu ya watumishi wa Halmashauri ya Jiji la Dodoma itakayoshiriki Mashindano ya Shirikisho la Michezo ya Serikali za Mitaa Tanzania (SHIMISEMITA) wametakiwa kulitangaza vema jiji hilo katika michezo kwa kuzingatia nidhamu na misingi ya utumishi wa umma na kurejea na ushindi.   Kauli hiyo ilitolewa na Mkurugenzi wa Halmashauri ya Jiji la Dodoma, Dkt. Frederick Sagamiko wakati wa tukio la kuwaaga wanamichezo hao watakaoshiriki michezo ya SHIMISEMITA jijini Mbeya.   Akizungumza katika hafla ya kuwaaga wachezaji hao iliyofanyika katika ukumbi wa halmashauri jijini Dodoma, alisema kuwa mashindano hayo ni fursa ya kulitangaza Jiji la Dodoma kupitia michezo, huku akiwataka wachezaji kuzingatia nidhamu, maadili na misingi ya utumishi wa umma.   Alitumia hafla hiyo kumpongeza Kaimu Mkuu wa Kitengo cha Michezo, Utamaduni na Sanaa, Neema Kilongola kwa mchango wake katika kuimarisha michezo ndani ya halmashauri hiyo, akisisitiza kuwa mafanikio ya ...
Read more

Dodoma Jiji yajiandaa Ngoma na Kwaya SHIMISEMITA, 2026

By Halmashauri ya Jiji la Dodoma
Image
    Watumishi wa Timu ya Halmasahuri ya Jiji la Dodoma inayoshiriki Mashindano ya SHIMISEMITA 2026 jijini Mbeya wanaendelea na kujifua katika mazoezi makali kwa ajili ya mashindano ya ngoma na kwaya, mazoezi yanayoendelea katika viwanja vya Shule ya Sekondari Dodoma. Mashindano ya SHIMISEMITA ya Mwaka 2026 yanaongozwa na kaulimbiu isemayo “Tupo Tayari kwa AFCON 2027”.  
Read more

Timu ya Watumishi Jiji la Dodoma waagwa kuelekea SHIMISEMITA

By Halmashauri ya Jiji la Dodoma
Image
  Timu ya Watumishi wa Halmashauri ya Jiji la Dodoma, inayokwenda kushiriki SHIMISEMITA, 2026 jijini Mbeya   imeagwa rasmi na Uongozi wa Halmashauri ya Jiji la Dodoma katika ukumbi wa halmashauri. Katika hafla hiyo, uongozi umeihimiza timu hiyo kwenda kushiriki kwa nidhamu, umoja, ari na ushindani wa hali ya juu, ili kuiwakilisha vema Halmashauri na Jiji la Dodoma na kurudi na ushindi wa kishindo.
Read more