Prof. Mohamed ahimiza wanafunzi kusoma kwa bidii na kuwapongeza wazazi

By Halmashauri ya Jiji la Dodoma

Na. Mwandishi Wetu, DODOMA

Wanafunzi wa Shule ya Sekondari Makutupora watakiwa kuwa na nidhamu na kusoma kwa bidii ili kufikia malengo yao ya kielimu na maisha kwa ujumla.



Hayo aliyasema Katibu Mtendaji Baraza la Mitihani la Tanzania, Prof. Said Mohamed wakati wa Uzinduzi wa Upandaji Miti mwaka 2025/2026 uliofanyika katika Shule ya Sekondari Makutupora Jijini Dodoma.

Alisema kuwa juhudi za wanafunzi katika masomo ni msingi muhimu wa maendeleo yao binafsi na taifa kwa ujumla. “Msingi mzuri wa watoto ni kupata elimu hivyo niwasihi wanafunzi muendelee kusoma kwa bidii ili kuweza kufikia ndoto zenu, kwasababu hapa kuna viongozi wa baadae ambao wataweza kuongoza taifa letu, lakini pia muwe na nidhamu kwasababu nidhamu ndio hupelekea kufika mbali hususan katika masomo yenu” alisema Prof. Mohamed.

Aidha aliwapongeza wazazi kwa juhudi wanazozifanya katika malezi ya watoto. “Nipende kuwapongeza wazazi kwa namna ambavyo mnaendelea kuwalea watoto katika misingi bora, lakini pia nisisitize ushirikiano kati ya wazazi pamoja na walimu kwasababu ushirikiano ni nguzo muhimu katika kufanikisha elimu bora kwa watoto” alisema Prof. Mohamed.

Kwa upande wake Mkuu wa Shule ya Sekondari Makutupora, Mwl. Didas Ndalu alimshukuru Katibu Mtendaji kwa kutembelea shule hiyo akieleza kuwa ujio wake ni faraja kubwa kwa wanafunzi na walimu. “Ni heshima kubwa kwetu kumpokea kiongozi huyu muhimu. Tunatarajia kuendelea kuinua kiwango cha taaluma na kuhakikisha wanafunzi wanapanda daraja mwaka hadi mwaka. Kutokana na walimu kuendelea kusimamia nidhamu ya wanafunzi ufaulu umeendelea kuongezeka ikiwa kwa mwaka 2025 shule ilifaulu kwa GPA ya 3.4842, lakini pia tunaendela kuweka mikakati ya kuhakikisha tunafuta daraja sifuri na nne” alisema Mwl. Ndalu

Nae mzazi alieshiriki katika uzinduzi wa upandaji miti, Phatina Mbeyu alisema kuwa wazazi wataendelea kushirikiana na walimu katika kuhakikisha watoto wanalelewa katika maadili mema.  “Malezi bora kwa mtoto yanachangia kwa kiasi kikubwa mafanikio katika masomo yao" alisema Mbeyu

Comments

Post a Comment

Popular Posts

Gari la Darasa Tembezi latoa elimu Mitaa ya Jiji la Dodoma

By Halmashauri ya Jiji la Dodoma
Na. Asteria Frank, DODOMA Gari la Darasa Tembezi kutoka Halmashauri ya Jiji Dodoma linalopakia abiria kwa lengo la kuelimisha kuhusu uandikishaji wa orodha ya wapiga kura kuelelea Uchaguzi wa Serikali za Mitaa linaendelea kuwafikia wananchi wengi katika maeneo mbalimbali ya halmashauri. Darasa Tembezi linapita kwenye kila kituo likipakia abiria na kuwapa elimu kisha linawashusha katika vituo vyao kwa kuhakikisha wameelewa zoezi la kujiandikisha katika orodha ya mpiga kura zoezi lililoanza tarehe 11-20 Oktoba, 2024 kuelekea Uchaguzi wa Serikali Mitaa. Muelimishaji na muhamasishaji wa Darasa Tembezi, Isabella Bruno aliwaeleza abira kuwa kuelekea Uchaguzi wa Serikali za Mitaa utakaofanyika tarehe 27 Novemba, 2024 na kusema kuwa mwananchi wanatakiwa kujiandikisha kwenye orodha ya wapiga kura katika vituo vilivyopo katika ofisi za mitaa, shule za msingi na sekondari, zahanati na vituo vya afya, maeneo ya wazi yenye mikusanyiko ya watu na majengo mengine ya taasisi za umma yaliyopo katik...
Read more

Dodoma Jiji FC yatangaza benchi la ufundi msimu wa 2025/2026

By Halmashauri ya Jiji la Dodoma
Image
Na. Mussa Richard, DODOMA Klabu ya Soka ya Dodoma Jiji FC, imemtambulisha Mashami Vicent raia wa Burundi kuwa kocha wake mkuu kuelekea kwenye msimu wa mashindano ya ligi kuu ya NBC msimu wa mwaka 2025/2026, sanjari na hilo imemtambulisha Bakira Guy raia wa Jamhuri ya Kidemokrasia ya Kongo kuwa kocha msaidizi wa klabu hiyo. Hayo yalibainishwa na Novatus John, Mtendaji Mkuu wa Dodoma Jiji FC, wakati wa mkutano na waandishi wa habari uliofanyika katika ukumbi wa hoteli ya Vizano jijini Dodoma ukiwa na lengo la kutambulisha benchi jipya la ufundi. “Baada ya kuvunja benchi letu zima la ufundi tulilokuwa nalo msimu uliopita, kama uongozi tulikaa chini na kuanza mchakato rasmi wa kutafuta benchi jipya la ufundi. Tulikuwa makini kupitia “CV” za makocha mbalimbali hatimae tukaweza kupata kocha bora zaidi ya wote na ndiye huyu ambaye tumemtangaza. Kwa upande wetu tutampatia stahiki zake zote ili timu yetu ifanye vizuri zaidi msimu ujao” alisema John. Mashami Vicent kabla ya kutuwa Dodoma J...
Read more

Kata ya Chamwino kipaumbele Lishe shuleni

By Halmashauri ya Jiji la Dodoma
Na. Dennis Gondwe, CHAMWINO KATA ya Chamwino imetoa kupaumbele katika agenda ya lishe ili kuhakikisha wanafunzi wanakuwa na lishe bora na kuendelea na masomo yao vizuri. Kauli hiyo ilitolewa na Afisa Mtendaji wa Kata ya Chamwino, Lucas Nkelege alipokuwa akiongea na walimu, wanafunzi na wadau wa masuala ya lishe katika Shule ya Msingi Chamwino iliyopo katika Kata ya Chamwino, Halmashauri ya Jiji la Dodoma. “Leo ni maadhimisho ya kidunia kuhamaisha matumizi ya mimea jamii ya mikunde. Kama maharage, njegere, choroko, mbaazi. Sisi Kata ya Chamwino suala la lishe lina umuhimu mkubwa sana. Lengo ni kupinga hali ya udumavu, ukondefu na athari zote zinazotokana na lishe duni. Kata ya Chamwino tumeweka mikakati mizuri kuhakikisha wanafunzi katika shule zetu tatu za msingi na moja ya sekondari wanaweza kupata chakula shuleni. Na leo hapa tumekuja Shule ya Msingi Chamwino yenye wanafunzi takribani 2,500 kuhamasisha lishe. Na hii shule inafanya vizuri katika utoaji wa chakula shuleni, inafik...
Read more