Bucha 59 za uuzaji nyama Kanda Namba Sita zakaguliwa

By Halmashauri ya Jiji la Dodoma

Na. Mwandishi Wetu, MIYUJI

Timu ya wataalamu kutoka Kanda Namba Sita imefanya operesheni maalum ya kukagua bucha za nyama na samaki, lengo likiwa ni kudhibiti uuzaji wa nyama ambayo haijakaguliwa wala kupigwa muhuri na mamlaka husika ili kulinda afya za walaji.




Akizungumza wakati wa kuhitimisha zoezi lililofanyika takribani kwa siku tatu, Afisa Mifugo Kanda Namba Sita, Prisca Henry alisema kuwa jumla ya bucha 59 zimekaguliwa ambapo ukaguzi uliofanyika ulihusisha leseni, usafi wa bucha na vifaa vya kuhifadhia nyama na samaki na uvaaji wa sare kwa wauzaji.

“Zoezi hili limetufanya kujua jumla ya idadi ya bucha zilizopo kwenye kanda hii, pia imetupa fursa ya kutoa elimu kwa wafanyabiashara mmoja mmoja kuhusu usafi na umuhimu wa kulipa leseni, ushuru wa huduma na upimaji wa afya kwa wauzaji” alisema Henry.

Alisema kuwa zoezi hilo ni endelevu na kila mwezi watafanya ukaguzi ili kutokomeza uuzaji haramu wa nyama na mazao yatokanayo na mifugo na samaki.







MWISHO

Comments

Post a Comment

Popular Posts

Msalato wamshukuru Rais, Dkt. Samia ujenzi wa shule

By Halmashauri ya Jiji la Dodoma
Image
Na. Dennis Gondwe, MSALATO WANANCHI wa Kata ya Msalato iliyopo Halmashauri ya Jiji la Dodoma wamemshukuru Rais wa Tanzania, Dkt. Samia Suluhu Hassan kwa kuwajengea shule mpya na kuwapunguzia wanafunzi kutembea umbali mrefu kufuata elimu. Afisa Mtendaji Kata ya Msalato, Devotha Selufara akimuelezea Rais, Dkt. Samia Suluhu Hassan alichoifanyia Kata ya Msalato Shukrani hizo zilitolewa na Afisa Mtendaji Kata ya Msalato, Devotha Selufara alipokuwa akiwatambulisha wataalam wa kata yake katika Shule ya Msingi Chikole kwa mgeni rasmi Mwenyekiti wa Umoja wa Wanawake wa Tanzania (UWT) Mkoa wa Dodoma. Selufara alisema “Shule ya Msingi Chikole ina wanafunzi 790 ilianza mwaka jana mwezi Julai. Baada ya kumaliza ujenzi ulioanza mwezi Aprili, 2023 kwa fedha ya mama Samia Suluhu Hassan aliyotupatia shilingi 318,800,000 kwa ajili ya ujenzi wa shule mpya ya msingi Chikole, ambapo tulijenga madarasa tisa, matundu 16 ya vyoo, jengo la utawala moja, tumefanikiwa kujenga madarasa ya chekechea ya mfano...
Read more

Mfumo wa Ufuatiliaji na Tathmini ni nyenzo ya utendaji kazi serikalini – Dkt. Biteko

By Halmashauri ya Jiji la Dodoma
Image
Na. Mwandishi Wetu, Naibu Waziri Mkuu na Waziri wa Nishati, Dkt. Doto Biteko, amehitimisha Kongamano la Nne la Kitaifa la Ufuatiliaji, Tathmini na Kujifunza lililofanyika jijini Mwanza akiweka mkazo kuwa mfumo wa ufuatiliaji na tathmini ni nyenzo muhimu katika kuhakikisha kuwa kila taasisi inatimiza wajibu wake kwa ufanisi na hivyo kufikisha huduma bora kwa wananchi. Kutokana na hilo, Dkt. Biteko amewataka Wataalam wa Ufuatiliaji na Tathmini nchini kufanya kazi kwa uaminifu na uadilifu bila kuogopa kuchukiwa kwani taifa linawategemea ili kuweza kutoa huduma bora kwa wananchi. “Hakuna mtu au taasisi inayoweza kufanikisha majukumu yake bila kufanya tathmini, ninyi ndio mnaoweza kutambua changamoto mapema na kuzitafutia suluhisho kabla hazijawa kubwa, taasisi yoyote inayokosa mfumo huu inafanana na timu inayoingia uwanjani bila refa..” alisema Dkt. Biteko. Alitoa mfano kuwa katika sekta ya umeme, kabla ya kupeleka huduma hiyo eneo lolote lazima tathmni ifanyike ili kuepuka kurudia...
Read more

Mkuu wa Mkoa wa Dodoma atembelea Kijiji cha Mitambo, Nanenane

By Halmashauri ya Jiji la Dodoma
Image
  Mkuu wa Mkoa, Rosemary Senyamule Agosti 7, 2025 ametembelea Kijiji cha Mitambo (Mechanisation Village) kilichosheheni teknolojia mbalimbali za kilimo cha umwagiliaji kinachopatikana katika Maonesho ya wakulima, wafugaji na wavuvi maarufu kama Nanenane Kitaifa 2025 Kanda ya Kati yanayoendelea kwenye viwanja vya Nzuguni jijini hapa. Vilevile, Senyamule akiwa ameambatana na Mkuu wa Wilaya ya Dodoma, Jabir Shekimweri, wametembelea mabanda kadhaa yakiwemo; Tume ya Ushindani, Chuo cha Biashara na Elimu (CBE), Shirika la Viwango Tanzania (TBS), Shirika la Madini (STAMICO), VETA, Wizara ya Maendeleo ya Jamii na TBA na kujionea mambo mbalimbali yanayofanywa na Taasisi hizo
Read more