Wamiliki wa Viwanja watakiwa kuvisafisha na kuviendeleza Dodoma

By Halmashauri ya Jiji la Dodoma

 

Na. Mwandishi Wetu, DODOMA

HALMASHAURI ya Jiji la Dodoma imewataka wananchi na taasisi kusafisha, kuendeleza na kulinda mipaka ya viwanja vyao na kueleza kuwa kushindwa kufanya hivyo, vitatolewa kwa watu wengine wenye uhitaji wa viwanja kwa mujibu wa sheria.




Akizungumza na waandishi wa habari, Mkuu wa Kitengo cha Mawasiliano Serikalini, Halmashauri ya Jiji la Dodoma, Dennis Gondwe alisema kuwa wananchi na wamiliki wote wa viwanja wana wajibu wa kusafisha viwanja vyao. “Ndugu waandishi wa habari, Halmashauri ya Jiji la Dodoma inapenda kuwataarifu wananchi wote pamoja na taasisi ambazo zinamiliki viwanja ndani ya Jiji la Dodoma kuendeleza viwanja hivyo kwa mujibu wa Sheria ya Ardhi Namba 4 ya Mwaka 1999 (Sura ya 113). Sheria hiyo, inawataka wananchi wote pamoja na taasisi zinazomiliki viwanja kuviendeleza viwanja hivyo ndani ya muda usiozidi miezi 36 tangu walipokabidhiwa au kumilikishwa” alisema Gondwe. 

Alisema kuwa limeibuka wimbi la watu wasio na nia njema wanaovamia viwanja ambavyo havijasafishwa, kuendelezwa na kujimilikisha viwanja hivyo. “Aidha, wananchi wengine wamefikia hatua ya kung’oa ‘beacons’ na kusababisha usumbufu mkubwa kwa wamiliki wa viwanja hivyo kwa mujibu wa sheria kwa upande mmoja, na kwa upande mwingine usumbufu kwa halmashauri ambayo ndiyo mamlaka ya upangaji, upimaji na umilikishaji. Vilevile, kumekuwa na wimbi la kuvamia mipaka ya viwanja katika baadhi ya maeneo. Nitumie hadhira hii kuwataarifu kuwa haya ni makosa kama yalivyo makosa mengine” alisema.

 


Akitoa kauli rasmi ya halmashauri alisema kuwa kila mmiliki wa kiwanja anapaswa kutimiza wajibu wake kwa mujibu wa sheria. “Kwa Ilani hii, Halmashauri ya Jiji la Dodoma inawataka wananchi wote na taasisi zote kulinda mipaka ya viwanja vyao, kuendeleza viwanja au maeneo yao kwa mujibu wa sheria. Kutofanya hivyo, halmashauri itaendelea na taratibu za kufuta miliki hizo kwa mujibu wa sheria” alisema Gondwe.

MWISHO

Comments

Post a Comment

Popular Posts

Gari la Darasa Tembezi latoa elimu Mitaa ya Jiji la Dodoma

By Halmashauri ya Jiji la Dodoma
Na. Asteria Frank, DODOMA Gari la Darasa Tembezi kutoka Halmashauri ya Jiji Dodoma linalopakia abiria kwa lengo la kuelimisha kuhusu uandikishaji wa orodha ya wapiga kura kuelelea Uchaguzi wa Serikali za Mitaa linaendelea kuwafikia wananchi wengi katika maeneo mbalimbali ya halmashauri. Darasa Tembezi linapita kwenye kila kituo likipakia abiria na kuwapa elimu kisha linawashusha katika vituo vyao kwa kuhakikisha wameelewa zoezi la kujiandikisha katika orodha ya mpiga kura zoezi lililoanza tarehe 11-20 Oktoba, 2024 kuelekea Uchaguzi wa Serikali Mitaa. Muelimishaji na muhamasishaji wa Darasa Tembezi, Isabella Bruno aliwaeleza abira kuwa kuelekea Uchaguzi wa Serikali za Mitaa utakaofanyika tarehe 27 Novemba, 2024 na kusema kuwa mwananchi wanatakiwa kujiandikisha kwenye orodha ya wapiga kura katika vituo vilivyopo katika ofisi za mitaa, shule za msingi na sekondari, zahanati na vituo vya afya, maeneo ya wazi yenye mikusanyiko ya watu na majengo mengine ya taasisi za umma yaliyopo katik...
Read more

Dodoma Jiji FC yatangaza benchi la ufundi msimu wa 2025/2026

By Halmashauri ya Jiji la Dodoma
Image
Na. Mussa Richard, DODOMA Klabu ya Soka ya Dodoma Jiji FC, imemtambulisha Mashami Vicent raia wa Burundi kuwa kocha wake mkuu kuelekea kwenye msimu wa mashindano ya ligi kuu ya NBC msimu wa mwaka 2025/2026, sanjari na hilo imemtambulisha Bakira Guy raia wa Jamhuri ya Kidemokrasia ya Kongo kuwa kocha msaidizi wa klabu hiyo. Hayo yalibainishwa na Novatus John, Mtendaji Mkuu wa Dodoma Jiji FC, wakati wa mkutano na waandishi wa habari uliofanyika katika ukumbi wa hoteli ya Vizano jijini Dodoma ukiwa na lengo la kutambulisha benchi jipya la ufundi. “Baada ya kuvunja benchi letu zima la ufundi tulilokuwa nalo msimu uliopita, kama uongozi tulikaa chini na kuanza mchakato rasmi wa kutafuta benchi jipya la ufundi. Tulikuwa makini kupitia “CV” za makocha mbalimbali hatimae tukaweza kupata kocha bora zaidi ya wote na ndiye huyu ambaye tumemtangaza. Kwa upande wetu tutampatia stahiki zake zote ili timu yetu ifanye vizuri zaidi msimu ujao” alisema John. Mashami Vicent kabla ya kutuwa Dodoma J...
Read more

Kata ya Chamwino kipaumbele Lishe shuleni

By Halmashauri ya Jiji la Dodoma
Na. Dennis Gondwe, CHAMWINO KATA ya Chamwino imetoa kupaumbele katika agenda ya lishe ili kuhakikisha wanafunzi wanakuwa na lishe bora na kuendelea na masomo yao vizuri. Kauli hiyo ilitolewa na Afisa Mtendaji wa Kata ya Chamwino, Lucas Nkelege alipokuwa akiongea na walimu, wanafunzi na wadau wa masuala ya lishe katika Shule ya Msingi Chamwino iliyopo katika Kata ya Chamwino, Halmashauri ya Jiji la Dodoma. “Leo ni maadhimisho ya kidunia kuhamaisha matumizi ya mimea jamii ya mikunde. Kama maharage, njegere, choroko, mbaazi. Sisi Kata ya Chamwino suala la lishe lina umuhimu mkubwa sana. Lengo ni kupinga hali ya udumavu, ukondefu na athari zote zinazotokana na lishe duni. Kata ya Chamwino tumeweka mikakati mizuri kuhakikisha wanafunzi katika shule zetu tatu za msingi na moja ya sekondari wanaweza kupata chakula shuleni. Na leo hapa tumekuja Shule ya Msingi Chamwino yenye wanafunzi takribani 2,500 kuhamasisha lishe. Na hii shule inafanya vizuri katika utoaji wa chakula shuleni, inafik...
Read more