Diwani Kerenge atoa shukrani kwa wananchi kumchagua

By Halmashauri ya Jiji la Dodoma

Na. Mwandhishi wetu, MNADANI

Diwani wa Kata ya Mnadani, Mugendi Kerenge awashukuru wananchi wa kata hiyo kwa kumchagua na kuonesha imani katika uongozi wake, akisisitiza umuhimu wa kushirikiana ili kuboresha maisha ya wananchi wa Mtaa wa Mnadani.




Akizungumza katika mkutano wa hadhara uliofanyika katika Mtaa wa Mnadani alisema kuwa moja ya majukumu yake makuu ni kusikiliza kero za wananchi, kuzitatua kwa haraka kadri inavyowezekana na kuhakikisha maendeleo yanashikamana na mahitaji halisi ya wananchi.

“Najivunia kuwa kiongozi wenu, lakini nawaomba tushirikiane kwa moyo mmoja, kila kero yenu ni muhimu kwangu, na tutaendelea kufanya kazi kwa bidii kuhakikisha matatizo yanapatiwa ufumbuzi” alisema Kerenge.

Aidha, alisisitiza kuwa mikutano kama hiyo ni nafasi muhimu ya wananchi kutoa maoni, mapendekezo na kushirikiana na uongozi wa kata ili kuhakikisha huduma zinaboreshwa, zinapatikana kwa wakati na zinakidhi mahitaji ya wananchi wote.

Diwani Kerenge aliahidi kuendelea kufuatilia na kutatua changamoto zinazowakabili wananchi, huku akisisitiza kuwa maendeleo ya kata ya Mnadani yanahitaji ushirikiano kati ya viongozi na wananchi.




Comments

Post a Comment

Popular Posts

Gari la Darasa Tembezi latoa elimu Mitaa ya Jiji la Dodoma

By Halmashauri ya Jiji la Dodoma
Na. Asteria Frank, DODOMA Gari la Darasa Tembezi kutoka Halmashauri ya Jiji Dodoma linalopakia abiria kwa lengo la kuelimisha kuhusu uandikishaji wa orodha ya wapiga kura kuelelea Uchaguzi wa Serikali za Mitaa linaendelea kuwafikia wananchi wengi katika maeneo mbalimbali ya halmashauri. Darasa Tembezi linapita kwenye kila kituo likipakia abiria na kuwapa elimu kisha linawashusha katika vituo vyao kwa kuhakikisha wameelewa zoezi la kujiandikisha katika orodha ya mpiga kura zoezi lililoanza tarehe 11-20 Oktoba, 2024 kuelekea Uchaguzi wa Serikali Mitaa. Muelimishaji na muhamasishaji wa Darasa Tembezi, Isabella Bruno aliwaeleza abira kuwa kuelekea Uchaguzi wa Serikali za Mitaa utakaofanyika tarehe 27 Novemba, 2024 na kusema kuwa mwananchi wanatakiwa kujiandikisha kwenye orodha ya wapiga kura katika vituo vilivyopo katika ofisi za mitaa, shule za msingi na sekondari, zahanati na vituo vya afya, maeneo ya wazi yenye mikusanyiko ya watu na majengo mengine ya taasisi za umma yaliyopo katik...
Read more

Dodoma Jiji FC yatangaza benchi la ufundi msimu wa 2025/2026

By Halmashauri ya Jiji la Dodoma
Image
Na. Mussa Richard, DODOMA Klabu ya Soka ya Dodoma Jiji FC, imemtambulisha Mashami Vicent raia wa Burundi kuwa kocha wake mkuu kuelekea kwenye msimu wa mashindano ya ligi kuu ya NBC msimu wa mwaka 2025/2026, sanjari na hilo imemtambulisha Bakira Guy raia wa Jamhuri ya Kidemokrasia ya Kongo kuwa kocha msaidizi wa klabu hiyo. Hayo yalibainishwa na Novatus John, Mtendaji Mkuu wa Dodoma Jiji FC, wakati wa mkutano na waandishi wa habari uliofanyika katika ukumbi wa hoteli ya Vizano jijini Dodoma ukiwa na lengo la kutambulisha benchi jipya la ufundi. “Baada ya kuvunja benchi letu zima la ufundi tulilokuwa nalo msimu uliopita, kama uongozi tulikaa chini na kuanza mchakato rasmi wa kutafuta benchi jipya la ufundi. Tulikuwa makini kupitia “CV” za makocha mbalimbali hatimae tukaweza kupata kocha bora zaidi ya wote na ndiye huyu ambaye tumemtangaza. Kwa upande wetu tutampatia stahiki zake zote ili timu yetu ifanye vizuri zaidi msimu ujao” alisema John. Mashami Vicent kabla ya kutuwa Dodoma J...
Read more

Kata ya Chamwino kipaumbele Lishe shuleni

By Halmashauri ya Jiji la Dodoma
Na. Dennis Gondwe, CHAMWINO KATA ya Chamwino imetoa kupaumbele katika agenda ya lishe ili kuhakikisha wanafunzi wanakuwa na lishe bora na kuendelea na masomo yao vizuri. Kauli hiyo ilitolewa na Afisa Mtendaji wa Kata ya Chamwino, Lucas Nkelege alipokuwa akiongea na walimu, wanafunzi na wadau wa masuala ya lishe katika Shule ya Msingi Chamwino iliyopo katika Kata ya Chamwino, Halmashauri ya Jiji la Dodoma. “Leo ni maadhimisho ya kidunia kuhamaisha matumizi ya mimea jamii ya mikunde. Kama maharage, njegere, choroko, mbaazi. Sisi Kata ya Chamwino suala la lishe lina umuhimu mkubwa sana. Lengo ni kupinga hali ya udumavu, ukondefu na athari zote zinazotokana na lishe duni. Kata ya Chamwino tumeweka mikakati mizuri kuhakikisha wanafunzi katika shule zetu tatu za msingi na moja ya sekondari wanaweza kupata chakula shuleni. Na leo hapa tumekuja Shule ya Msingi Chamwino yenye wanafunzi takribani 2,500 kuhamasisha lishe. Na hii shule inafanya vizuri katika utoaji wa chakula shuleni, inafik...
Read more