Kata ya Mnadani yahimizwa kuzingatia usafi wa Mazingira

By Halmashauri ya Jiji la Dodoma

 Na. Mwandihsi wetu, MNADANI

Diwani wa Kata ya Mnadani, Mugendi Kerenge amewakumbusha wananchi wa Mtaa wa Mnadani kuzingatia usafi wa mazingira ikiwemo utoaji wa taka mapema na pia ulipaji wa ada ya taka ambayo ni mapato ya halmashauri.





Aliyazungumza hayo katika mkutano wa hadhara uliofanyika katika Mtaa wa Mnadani jijini Dodoma.

Alisema kuwa usafi wa mazingira unafanywa ili kujikinga na magonjwa pamoja na kuboresha mandhari ya eneo husika. Pia alisisitiza kuwa usafi wa mazingira ni jukumu la kila mwananchi na si la serikali pekee. "Ni wajibu wetu sote kuhakikisha mazingira yanakuwa safi wakati wote. Tukifanya hivyo, tutajikinga na magonjwa ya mlipuko na kuongeza hadhi ya mtaa wetu, niwatake vikundi vinavyohusika katika uondoshaji wa taka kwenye kata hii muwe na ratiba ambayo itamjulisha mwanchi ni siku gani mtapita katika mtaa anaoishi" alisema Kerenge.

Aidha, aliwataka wananchi kuacha tabia ya kutupa taka hovyo na badala yake kutumia maeneo maalum yaliyotengwa kwa ajili ya ukusanyaji wa taka, huku akisisitiza umuhimu wa kushiriki katika shughuli za usafi wa pamoja. “Nitoe rai kwa wananchi kuwa ada ya taka ni lazima kwahiyo kwa yeyote asiyetoa atalipishwa faini kulingana na sheria ndogo za mazingira maana baadhi ya wananchi wamekuwa wakikiuka sheria hizi” alisema Kerenge.





Kwa upande wake Mwananchi wa Mtaa wa Mnadani, Mwadawa Omari alisema kuwa changamoto ya ukusanyaji wa taka bado ipo katika maeneo yao, wakiiomba serikali ya mtaa kuboresha huduma hiyo ili kuwezesha mazingira kuwa safi zaidi.

Alishauri kuwa, wahusika wanaoondosha taka kwenye mitaa wazingatie ratiba kwasababu taka zikikaa muda mrefu husababisha harufu ambayo inaleta kero kwa wananchi na wapita njia.

MWISHO

Comments

Post a Comment

Popular Posts

Gari la Darasa Tembezi latoa elimu Mitaa ya Jiji la Dodoma

By Halmashauri ya Jiji la Dodoma
Na. Asteria Frank, DODOMA Gari la Darasa Tembezi kutoka Halmashauri ya Jiji Dodoma linalopakia abiria kwa lengo la kuelimisha kuhusu uandikishaji wa orodha ya wapiga kura kuelelea Uchaguzi wa Serikali za Mitaa linaendelea kuwafikia wananchi wengi katika maeneo mbalimbali ya halmashauri. Darasa Tembezi linapita kwenye kila kituo likipakia abiria na kuwapa elimu kisha linawashusha katika vituo vyao kwa kuhakikisha wameelewa zoezi la kujiandikisha katika orodha ya mpiga kura zoezi lililoanza tarehe 11-20 Oktoba, 2024 kuelekea Uchaguzi wa Serikali Mitaa. Muelimishaji na muhamasishaji wa Darasa Tembezi, Isabella Bruno aliwaeleza abira kuwa kuelekea Uchaguzi wa Serikali za Mitaa utakaofanyika tarehe 27 Novemba, 2024 na kusema kuwa mwananchi wanatakiwa kujiandikisha kwenye orodha ya wapiga kura katika vituo vilivyopo katika ofisi za mitaa, shule za msingi na sekondari, zahanati na vituo vya afya, maeneo ya wazi yenye mikusanyiko ya watu na majengo mengine ya taasisi za umma yaliyopo katik...
Read more

Dodoma Jiji FC yatangaza benchi la ufundi msimu wa 2025/2026

By Halmashauri ya Jiji la Dodoma
Image
Na. Mussa Richard, DODOMA Klabu ya Soka ya Dodoma Jiji FC, imemtambulisha Mashami Vicent raia wa Burundi kuwa kocha wake mkuu kuelekea kwenye msimu wa mashindano ya ligi kuu ya NBC msimu wa mwaka 2025/2026, sanjari na hilo imemtambulisha Bakira Guy raia wa Jamhuri ya Kidemokrasia ya Kongo kuwa kocha msaidizi wa klabu hiyo. Hayo yalibainishwa na Novatus John, Mtendaji Mkuu wa Dodoma Jiji FC, wakati wa mkutano na waandishi wa habari uliofanyika katika ukumbi wa hoteli ya Vizano jijini Dodoma ukiwa na lengo la kutambulisha benchi jipya la ufundi. “Baada ya kuvunja benchi letu zima la ufundi tulilokuwa nalo msimu uliopita, kama uongozi tulikaa chini na kuanza mchakato rasmi wa kutafuta benchi jipya la ufundi. Tulikuwa makini kupitia “CV” za makocha mbalimbali hatimae tukaweza kupata kocha bora zaidi ya wote na ndiye huyu ambaye tumemtangaza. Kwa upande wetu tutampatia stahiki zake zote ili timu yetu ifanye vizuri zaidi msimu ujao” alisema John. Mashami Vicent kabla ya kutuwa Dodoma J...
Read more

Kata ya Chamwino kipaumbele Lishe shuleni

By Halmashauri ya Jiji la Dodoma
Na. Dennis Gondwe, CHAMWINO KATA ya Chamwino imetoa kupaumbele katika agenda ya lishe ili kuhakikisha wanafunzi wanakuwa na lishe bora na kuendelea na masomo yao vizuri. Kauli hiyo ilitolewa na Afisa Mtendaji wa Kata ya Chamwino, Lucas Nkelege alipokuwa akiongea na walimu, wanafunzi na wadau wa masuala ya lishe katika Shule ya Msingi Chamwino iliyopo katika Kata ya Chamwino, Halmashauri ya Jiji la Dodoma. “Leo ni maadhimisho ya kidunia kuhamaisha matumizi ya mimea jamii ya mikunde. Kama maharage, njegere, choroko, mbaazi. Sisi Kata ya Chamwino suala la lishe lina umuhimu mkubwa sana. Lengo ni kupinga hali ya udumavu, ukondefu na athari zote zinazotokana na lishe duni. Kata ya Chamwino tumeweka mikakati mizuri kuhakikisha wanafunzi katika shule zetu tatu za msingi na moja ya sekondari wanaweza kupata chakula shuleni. Na leo hapa tumekuja Shule ya Msingi Chamwino yenye wanafunzi takribani 2,500 kuhamasisha lishe. Na hii shule inafanya vizuri katika utoaji wa chakula shuleni, inafik...
Read more