Mil. 838 zakopeshwa wanawake, vijana na wenye ulemavu Jiji la Dodoma

By Halmashauri ya Jiji la Dodoma

Na. Dennis Gondwe, DODOMA

Halmashauri ya Jiji la Dodoma imetoa mikopo ya shilingi 838,775,212 kwa vikundi 54 katika kipindi cha Mwaka wa Fedha 2024/2025 hadi kufikia Oktoba 2025/2026 kwa lengo la kuviongezea mtaji wa kutekeleza shughuli za kujikwamua kiuchumi.



Kauli hiyo ilitolewa na Mkurugenzi wa Halmashauri ya Jiji la Dodoma, Dkt. Frederick Sagamiko alipokuwa akiwasilisha taarifa ya utendaji kazi kwa kipindi cha kuanzia Mwezi Juni hadi Oktoba, 2025 katika mkutano wa kwanza wa halmashauri baada ya Uchaguzi Mkuu wa Rais, Wabunge na Madiwani.

Alisema kuwa vikundi 17 vya wanawake vilikopeshwa shilingi 274,334,000, vikundi 26 vya vijana vilikopeshwa shilingi 460,041,212 na watu wenye ulemavu vikundi 11 vilikopeshwa shilingi 104,400,000.

Akiongelea uchangiaji wa michango ya asilimia 10, alisema kuwa mwaka 2024/2025 halmashauri ilitenga shilingi 4,032,510,000, kwa mwezi Juni, 2024/2025, jumla ya shilingi 373,778,597.12 zimechangiwa katika mfuko. “Mwaka 2025/2026 halmashauri imetenga bajeti ya asilimia 10 shilingi 4,421,659,500, shilingi 1,151,921,429.67 zimechangiwa hadi kufikia Oktoba, 2025” alisema Dkt. Sagamiko.

Wakati huohuo, Mkuu wa Wilaya ya Dodoma, Alhaj Jabir Shekimweri aliipongeza Halmashauri ya Jiji la Dodoma kwa kutenga asilimia 10 ya mapato ya ndani kwa ajili ya mfuko wa wanawake, vijana na watu wenye ulemavu. Aidha, aliitaja halmashauri hiyo kuwa ni kinara kwenye matumizi ya fedha hizo kwa walengwa.

MWISHO

Comments

Post a Comment

Popular Posts

Watumishi wa Kanda Namba Tatu watembelea Zahanati ya Soweto

By Halmashauri ya Jiji la Dodoma
Image
  Watumishi wa Kanda Namba Tatu watembelea Zahanati ya Soweto jijini Dodoma ambayo imekamilika na imeanza kufanya kazi. Zahanati hiyo inajumuisha jengo la huduma ya wagonjwa wa nje (OPD), chumba cha daktari, chumba cha kujifungulia wanawake, maabara na huduma ya mama, baba na mtoto. Uwepo wa zahanati hiyo ni kusogeza huduma karibu na wananchi ambao walikuwa wanatembea umbali mrefu kufuata huduma za afya katika Kituo cha Afya Zuzu au kwenda Hospitali ya Mkoa General  
Read more

Gari la Darasa Tembezi latoa elimu Mitaa ya Jiji la Dodoma

By Halmashauri ya Jiji la Dodoma
Na. Asteria Frank, DODOMA Gari la Darasa Tembezi kutoka Halmashauri ya Jiji Dodoma linalopakia abiria kwa lengo la kuelimisha kuhusu uandikishaji wa orodha ya wapiga kura kuelelea Uchaguzi wa Serikali za Mitaa linaendelea kuwafikia wananchi wengi katika maeneo mbalimbali ya halmashauri. Darasa Tembezi linapita kwenye kila kituo likipakia abiria na kuwapa elimu kisha linawashusha katika vituo vyao kwa kuhakikisha wameelewa zoezi la kujiandikisha katika orodha ya mpiga kura zoezi lililoanza tarehe 11-20 Oktoba, 2024 kuelekea Uchaguzi wa Serikali Mitaa. Muelimishaji na muhamasishaji wa Darasa Tembezi, Isabella Bruno aliwaeleza abira kuwa kuelekea Uchaguzi wa Serikali za Mitaa utakaofanyika tarehe 27 Novemba, 2024 na kusema kuwa mwananchi wanatakiwa kujiandikisha kwenye orodha ya wapiga kura katika vituo vilivyopo katika ofisi za mitaa, shule za msingi na sekondari, zahanati na vituo vya afya, maeneo ya wazi yenye mikusanyiko ya watu na majengo mengine ya taasisi za umma yaliyopo katik...
Read more