Diwani Alimwoni Chaula, achaguliwa Meya Jiji la Dodoma

By Halmashauri ya Jiji la Dodoma

Na. Dennis Gondwe, DODOMA

Baraza la Madiwani la Halmashauri ya Jiji la Dodoma katika mkutano wake wa kwanza limemchangua Alimwoni Simon Chaula, Diwani wa Kata ya Makutupora kuwa Mstahiki Meya wa Jiji hilo kwa kupata kura za ndiyo 57 sawa na asilimia 100 ya kura zote zilizopigwa.



Akitangaza matokeo ya kura zilizopigwa, Mwenyekiti wa Mkutano wa Halmashauri, Sakina Mbugi alitangaza kuwa Diwani Alimwoni Chaula alipata kura 57 kati ya kura 57 zilizopigwa na wajumbe. “Niwapongeze wajumbe wote halali mlioshiriki kupiga kura kwa nafasi ya Mstahiki Meya na Naibu Meya. Naomba kutanga za matokeo kama ifuatavyo. Nafasi ya Mstahiki Meya, kura 57 zilipigwa, hakuna kura ambayo haikupigwa. Kura zote 57 ni kura za ndiyo. Kwa matokeo hayo, ninamtangaza rasmi Mheshimiwa Alimwoni Chaula kuwa Mstahiki Meya wa Jiji la Dodoma. Nafasi ya Naibu Meya, jumla kura zilizopigwa 55 kati ya kura 57. Wajumbe wawili hawakupiga kura. Kura za ndiyo ni zote 55. Hivyo, ninatangaza rasmi kuwa Mheshimiwa Bakari Fundikira ameshinda uchaguzi na amekuwa Naibu Meya wa Jiji la Dodoma. Hongera sana” alisema Mbugi.

Awali akiomba kura katika mkutano huo, Alimwoni Chaula alisema kuwa aliomba nafasi hiyo kwa sababu anao uwezo na ari ya kuitumikia halmashauri. “Nitashirikiana sana na wafanyakazi wa Halmashauri ya Jiji la Dodoma, nitashirikiana sana na madiwani wa Halmashauri ya Jiji la Dodoma kufanikisha ile dhima ya rais wetu, ya kazi na utu mbele. Nawaomba madiwani wenzangu kura za ndiyo, naomba tumalize kwa haki” alisema Chaula.

Katibu wa Mkutano wa kwanza wa Halmashauri ya Jiji la Dodoma, Dkt. Frederick Sagamiko alisema kuwa baada ya uchaguzi mkuu, kata zote na madiwani wa viti maalum ushindi ulienda kwa Chama Cha Mapinduzi. Hivyo basi, katika uchaguzi huu tutakuwa na wawakilishi wa chama kimoja ambacho ni CCM. Tarehe 2 Desemba, 2025 nilipokea barua kutoka kwa Katibu wa CCM Wilaya ya Dodoma kuwasilisha jina la Mstahiki Meya na jina la Naibu Meya wa Jiji la Dodoma ili kuendelea na taratibu za kiserikali. “Alimwoni Simon Chaula amependekezwa kupombea nafasi ya Mstahiki Meya na Bakari Samwel Fundikira amependekezwa kugombea nafasi ya Naibu Meya wa Jiji la Dodoma” alisema Dkt. Sagamiko.

MWISHO

 

Comments

Post a Comment

Popular Posts

Watumishi wa Kanda Namba Tatu watembelea Zahanati ya Soweto

By Halmashauri ya Jiji la Dodoma
Image
  Watumishi wa Kanda Namba Tatu watembelea Zahanati ya Soweto jijini Dodoma ambayo imekamilika na imeanza kufanya kazi. Zahanati hiyo inajumuisha jengo la huduma ya wagonjwa wa nje (OPD), chumba cha daktari, chumba cha kujifungulia wanawake, maabara na huduma ya mama, baba na mtoto. Uwepo wa zahanati hiyo ni kusogeza huduma karibu na wananchi ambao walikuwa wanatembea umbali mrefu kufuata huduma za afya katika Kituo cha Afya Zuzu au kwenda Hospitali ya Mkoa General  
Read more

Gari la Darasa Tembezi latoa elimu Mitaa ya Jiji la Dodoma

By Halmashauri ya Jiji la Dodoma
Na. Asteria Frank, DODOMA Gari la Darasa Tembezi kutoka Halmashauri ya Jiji Dodoma linalopakia abiria kwa lengo la kuelimisha kuhusu uandikishaji wa orodha ya wapiga kura kuelelea Uchaguzi wa Serikali za Mitaa linaendelea kuwafikia wananchi wengi katika maeneo mbalimbali ya halmashauri. Darasa Tembezi linapita kwenye kila kituo likipakia abiria na kuwapa elimu kisha linawashusha katika vituo vyao kwa kuhakikisha wameelewa zoezi la kujiandikisha katika orodha ya mpiga kura zoezi lililoanza tarehe 11-20 Oktoba, 2024 kuelekea Uchaguzi wa Serikali Mitaa. Muelimishaji na muhamasishaji wa Darasa Tembezi, Isabella Bruno aliwaeleza abira kuwa kuelekea Uchaguzi wa Serikali za Mitaa utakaofanyika tarehe 27 Novemba, 2024 na kusema kuwa mwananchi wanatakiwa kujiandikisha kwenye orodha ya wapiga kura katika vituo vilivyopo katika ofisi za mitaa, shule za msingi na sekondari, zahanati na vituo vya afya, maeneo ya wazi yenye mikusanyiko ya watu na majengo mengine ya taasisi za umma yaliyopo katik...
Read more