Madiwani watakiwa kuifanya Dodoma kuwa kinara ukusanyaji mapato

By Halmashauri ya Jiji la Dodoma

Na. Dennis Gondwe, DODOMA

MKUU wa Wilaya ya Dodoma, Alhaj Jabir Shekimweri amelitaka Baraza la Madiwani kuendelea kuifanya Halmashauri ya Jiji la Dodoma kuwa kinara katika utekelezaji wa miradi ya maendeleo kupitia mapato ya ndani ili kuwaletea wananchi maendeleo na kuboresha maisha yao.



Kauli hiyo aliitoa alipokuwa akiwasalimia madiwani katika mkutano wa kwanza wa Halmashauri ya Jiji la Dodoma uliofanyika katika ukumbi wa halmashauri jijini hapa.

Alhaj Shekimweri alisema “katika mapato ya ndani mmekuwa vinara katika kutekeleza miradi mizuri  ya maendeleo. Tumeona miradi ya hoteli, mradi wa Soko la wazi la Machinga, miradi ya ujenzi wa barabara, mfano ile ya Nala kuelekea hospitali ya jiji na miradi mingine mingi. Nendeni mkawe vinara wa kutekeleza miradi ya maendeleo. Ninayasema haya kwa kumuenzi Rais, Dkt. Samia Suluhu Hassan kwamba mnapochukua madaraka yale mema yaliyoanzishwa na wenzenu msiyaweke kando, ambayo hayajakamilika mkayakamilishe, yanayoendelea mkayakalishe huku mkianzisha mengine mapya”.

Nae, Mkurugenzi wa Jiji la Dodoma alisema kuwa jiji lilikusanya jumla ya shilingi bilioni 22, 193,124,132.17  kwa kipindi cha Julai – Oktoba ambayo ni sawa na asilimia 30.9 ya lengo la mwaka.

Katika hatua nyingine, Diwani wa Kata ya Dodoma Makulu, Samson Mkopi alipongeza makusanyo yaliyopatikana na kuahidi kushirikiana na watendaji katika kanda ili kuongeza mapato. “Ndugu Mwenyekiti, tunapongeza sana makusanyo hayo, ni imani yetu kuwa tutatoa ushirikiano zaidi ili kuongeza ukusanyaji mkubwa wa mapato katika jiji letu ili mapato ya ndani yaweze kwenda kwa wananchi kutekeleza miradi ya maendeleo” alipongeza.

MWISHO

 

Comments

Post a Comment

Popular Posts

Watumishi wa Kanda Namba Tatu watembelea Zahanati ya Soweto

By Halmashauri ya Jiji la Dodoma
Image
  Watumishi wa Kanda Namba Tatu watembelea Zahanati ya Soweto jijini Dodoma ambayo imekamilika na imeanza kufanya kazi. Zahanati hiyo inajumuisha jengo la huduma ya wagonjwa wa nje (OPD), chumba cha daktari, chumba cha kujifungulia wanawake, maabara na huduma ya mama, baba na mtoto. Uwepo wa zahanati hiyo ni kusogeza huduma karibu na wananchi ambao walikuwa wanatembea umbali mrefu kufuata huduma za afya katika Kituo cha Afya Zuzu au kwenda Hospitali ya Mkoa General  
Read more

Gari la Darasa Tembezi latoa elimu Mitaa ya Jiji la Dodoma

By Halmashauri ya Jiji la Dodoma
Na. Asteria Frank, DODOMA Gari la Darasa Tembezi kutoka Halmashauri ya Jiji Dodoma linalopakia abiria kwa lengo la kuelimisha kuhusu uandikishaji wa orodha ya wapiga kura kuelelea Uchaguzi wa Serikali za Mitaa linaendelea kuwafikia wananchi wengi katika maeneo mbalimbali ya halmashauri. Darasa Tembezi linapita kwenye kila kituo likipakia abiria na kuwapa elimu kisha linawashusha katika vituo vyao kwa kuhakikisha wameelewa zoezi la kujiandikisha katika orodha ya mpiga kura zoezi lililoanza tarehe 11-20 Oktoba, 2024 kuelekea Uchaguzi wa Serikali Mitaa. Muelimishaji na muhamasishaji wa Darasa Tembezi, Isabella Bruno aliwaeleza abira kuwa kuelekea Uchaguzi wa Serikali za Mitaa utakaofanyika tarehe 27 Novemba, 2024 na kusema kuwa mwananchi wanatakiwa kujiandikisha kwenye orodha ya wapiga kura katika vituo vilivyopo katika ofisi za mitaa, shule za msingi na sekondari, zahanati na vituo vya afya, maeneo ya wazi yenye mikusanyiko ya watu na majengo mengine ya taasisi za umma yaliyopo katik...
Read more