Madiwani Jiji la Dodoma watakiwa kuwa walezi

By Halmashauri ya Jiji la Dodoma

Na. Dennis Gondwe, DODOMA

MADIWANI wa Halmashauri ya Jiji la Dodoma wametakiwa kutumia nafasi yao na kuwa walezi kwa maafisa watendaji katika kata zao na kuwasimamia ili kuwaletea maendeleo wananchi.


Rai hiyo ilitolewa na Mkuu wa Wilaya ya Dodoma, Alhaj Jabir Shekimweri alipokuwa akiongea na madiwani katika mkutano wa kwanza wa Halmashauri ya Jiji la Dodoma baada ya Uchaguzi Mkuu wa Rais, Wabunge na Madiwani wa tarehe 29 Oktoba, 2025.

“Waheshimiwa Madiwani, nataka niwaombe sana mkawalee maafisa watendaji wenu kwenye ngazi ya kata. Mstahiki Meya, ninasema hapa kwa kuwaangukia na kuwaomba, mkawe walezi, ninyi ndiyo wenyeviti wa kamati za maendeleo kwenye kata, mkono wako wa kulia ni katibu, ambae ni Afisa Mtendaji wa Kata. Watendaji hawa inawezekana wakawa na madhaifu ya hapa na pale, nenda ukawe mlezi, nenda ukawe mzazi, yeye pamoja na wataalam wengine ngazi ya kata. Wasaidieni wafanye majukumu yao sawasawa ili wewe upate matokeo na kuwaletea wananchi maendeleo. Mimi, nitakusifu sana ukimkuta mtendaji ambae anachangamoto, ukamsaidia akaimarika kwenye changamoto yake, akawa mtendaji mzuri. Hivyo, kila mmoja akija hapa na kulalamika huyu mtendaji siyo mzuri, tumtoe, siyo mzuri mtoe, namtoa nampeleka wapi?, Nataka niwaombe sana, hata sisi wenyewe hatujakamilika…twende tukawajenge wafanye kazi zao vizuri ili watusaidie katika majukumu yetu kwenye kata zetu” alisema Alhaj Shekimweri.

MWISHO

 

Comments

Post a Comment

Popular Posts

Watumishi wa Kanda Namba Tatu watembelea Zahanati ya Soweto

By Halmashauri ya Jiji la Dodoma
Image
  Watumishi wa Kanda Namba Tatu watembelea Zahanati ya Soweto jijini Dodoma ambayo imekamilika na imeanza kufanya kazi. Zahanati hiyo inajumuisha jengo la huduma ya wagonjwa wa nje (OPD), chumba cha daktari, chumba cha kujifungulia wanawake, maabara na huduma ya mama, baba na mtoto. Uwepo wa zahanati hiyo ni kusogeza huduma karibu na wananchi ambao walikuwa wanatembea umbali mrefu kufuata huduma za afya katika Kituo cha Afya Zuzu au kwenda Hospitali ya Mkoa General  
Read more

Gari la Darasa Tembezi latoa elimu Mitaa ya Jiji la Dodoma

By Halmashauri ya Jiji la Dodoma
Na. Asteria Frank, DODOMA Gari la Darasa Tembezi kutoka Halmashauri ya Jiji Dodoma linalopakia abiria kwa lengo la kuelimisha kuhusu uandikishaji wa orodha ya wapiga kura kuelelea Uchaguzi wa Serikali za Mitaa linaendelea kuwafikia wananchi wengi katika maeneo mbalimbali ya halmashauri. Darasa Tembezi linapita kwenye kila kituo likipakia abiria na kuwapa elimu kisha linawashusha katika vituo vyao kwa kuhakikisha wameelewa zoezi la kujiandikisha katika orodha ya mpiga kura zoezi lililoanza tarehe 11-20 Oktoba, 2024 kuelekea Uchaguzi wa Serikali Mitaa. Muelimishaji na muhamasishaji wa Darasa Tembezi, Isabella Bruno aliwaeleza abira kuwa kuelekea Uchaguzi wa Serikali za Mitaa utakaofanyika tarehe 27 Novemba, 2024 na kusema kuwa mwananchi wanatakiwa kujiandikisha kwenye orodha ya wapiga kura katika vituo vilivyopo katika ofisi za mitaa, shule za msingi na sekondari, zahanati na vituo vya afya, maeneo ya wazi yenye mikusanyiko ya watu na majengo mengine ya taasisi za umma yaliyopo katik...
Read more