Jiji la Dodoma lakusanya 104% Mapato ya ndani 2024/2025

By Halmashauri ya Jiji la Dodoma

Na. Dennis Gondwe, DODOMA

HALMASHAURI ya Jiji la Dodoma ilikusanya shilingi 65,042,215,034 sawa na asilimia 104 ya lengo la mwaka la mapato ya ndani kwa Mwaka wa Fedha 2024/ 2025.


Kauli hiyo ilitolewa na Mkurugenzi wa Halmashauri ya Jiji la Dodoma, Dkt. Frederick Sagamiko alipokuwa akiwasilisha taarifa ya utendaji kazi kwa kipindi cha kuanzia Mwezi Juni hadi Oktoba, 2025 katika mkutano wa kwanza wa halmashauri baada ya uchaguzi mkuu wa Rais, Watunge na Madiwani.

Alisema kuwa baada ya kuvunjwa kwa Baraza la Madiwani Mwaka 2025/2026 Menejimenti ya Halmashauri ya Jiji la Dodoma iliendelea na jukumu la kukamilisha ukusanyaji wa mapato kwa kipindi cha mwaka 2024/2025. “Kwa Mwaka huo wa fedha, halmashauri ilikusudia kukusanya shilingi 143,164,202,949.46 na hadi kufikia tarehe 30 Juni, 2025, ukusanyaji wa mapato ya ndani ulikuwa shilingi 65,042,215,034 sawa na asilimia 104 ya lengo la mwaka na kufanya ukusanyaji wa mapato yote ya halmashauri kuwa shilingi 152,269,204,654 sawa na asilimia 106” alisema Dkt. Sagamiko.

Alisema kuwa Mwaka wa Fedha 2025/2026 halmashauri iliidhinishiwa kukusanya na kupokea jumla ya shilingi 164,579,966,999.99 ikiwa ni mapato yatokanayo na vyanzo vya ndani, ruzuku ya mishahara, ruzuku ya matumizi mengineyo na fedha kwa ajili ya miradi ya maendeleo. “Kwa kipindi cha Julai hadi Oktoba, 2025, jumla ya shilingi 22,193,124,132.17 zimekusanywa sawa na asilimia 30.96 ya lengo la makisio ya mwaka” alisema Dkt. Sagamiko.

Wakati huohuo, Mkuu wa Wilaya ya Dodoma, Alhaj Jabir Shekimweri  aliwataka madiwani kusimamia ukusanyaji wa mapato ya halmashauri. “Mstahiki Meya, nendeni mkasimamie halmashauri yetu iendelee kuwa mahili katika kukusanya mapato, mmepewa taarifa hapa kwamba asilimia 104 ya mapato imekusanywa na kuvuka lengo la mwaka ulioisha.

MWISHO 

Comments

Post a Comment

Popular Posts

Watumishi wa Kanda Namba Tatu watembelea Zahanati ya Soweto

By Halmashauri ya Jiji la Dodoma
Image
  Watumishi wa Kanda Namba Tatu watembelea Zahanati ya Soweto jijini Dodoma ambayo imekamilika na imeanza kufanya kazi. Zahanati hiyo inajumuisha jengo la huduma ya wagonjwa wa nje (OPD), chumba cha daktari, chumba cha kujifungulia wanawake, maabara na huduma ya mama, baba na mtoto. Uwepo wa zahanati hiyo ni kusogeza huduma karibu na wananchi ambao walikuwa wanatembea umbali mrefu kufuata huduma za afya katika Kituo cha Afya Zuzu au kwenda Hospitali ya Mkoa General  
Read more

Gari la Darasa Tembezi latoa elimu Mitaa ya Jiji la Dodoma

By Halmashauri ya Jiji la Dodoma
Na. Asteria Frank, DODOMA Gari la Darasa Tembezi kutoka Halmashauri ya Jiji Dodoma linalopakia abiria kwa lengo la kuelimisha kuhusu uandikishaji wa orodha ya wapiga kura kuelelea Uchaguzi wa Serikali za Mitaa linaendelea kuwafikia wananchi wengi katika maeneo mbalimbali ya halmashauri. Darasa Tembezi linapita kwenye kila kituo likipakia abiria na kuwapa elimu kisha linawashusha katika vituo vyao kwa kuhakikisha wameelewa zoezi la kujiandikisha katika orodha ya mpiga kura zoezi lililoanza tarehe 11-20 Oktoba, 2024 kuelekea Uchaguzi wa Serikali Mitaa. Muelimishaji na muhamasishaji wa Darasa Tembezi, Isabella Bruno aliwaeleza abira kuwa kuelekea Uchaguzi wa Serikali za Mitaa utakaofanyika tarehe 27 Novemba, 2024 na kusema kuwa mwananchi wanatakiwa kujiandikisha kwenye orodha ya wapiga kura katika vituo vilivyopo katika ofisi za mitaa, shule za msingi na sekondari, zahanati na vituo vya afya, maeneo ya wazi yenye mikusanyiko ya watu na majengo mengine ya taasisi za umma yaliyopo katik...
Read more