Madiwani Jiji la Dodoma watakiwa kutoa tamko la rasilimali na madeni

By Halmashauri ya Jiji la Dodoma

                                             

Na. Dennis Gondwe, DODOMA

SEKRETARIETI ya Maadili ya Viongozi wa Umma imewataka madiwani wa Halmashauri ya Jiji la Dodoma kutoa tamko la rasilimali na madeni kwa mujibu wa sheria.


Kauli hiyo ilitolewa na Katibu Msaidizi Kanda ya Kati, Ofisi ya Rais, Sekretarieti ya Maadili ya Viongozi wa Umma, Jasmin Bakari wakati akiwaongoza kutoa tamko la kimaandishi la ahadi ya uadilifu kwa viongozi wa umma katika ukumbi wa mikutano wa Halmashauri ya Jiji la Dodoma.

“Niwapongeze kwa kufanikiwa kuchaguliwa kuwa madiwani, ni mategemeo yetu mtatekeleza majukumu yenu kwa viwango vya juu vya maadili, na mviishi viapo vyenu. Niwakumbushe madiwani na viongozi wote waliopo hapa kutoa tamko la rasilimali na madeni, tunawakumbusha kuingia kwenye mfumo kwa wale wapya kuna sehemu ya kujisajili. Kwa wale waliokuwa baraza lililopita wataingia kwa akaunti zao za awali” alisema Bakari. 

Nae, Mwenyekiti wa Chama Cha Mapinduzi (CCM) Wilaya ya Dodoma, Charles Mamba aliiomba kamati ya maadili ianze kazi mapema ili kuondoa makundi na chuki. “Katibu, nashauri kwamba kamati ya madili ianze kufanya kazi mapema iwezekanavyo. Tuna matarajio na uwepo wenu katika baraza hili. Saidianeni ili kuvushana katika utendaji kazi” alisema Mamba.

Alimalizia kusema kuwa, madiwani watumie weledi katika kufuatilia utekelezaji wa miradi ya maendeleo ili wananchi wanufaike moja kwa moja.

Katika hatua nyingine, Diwani wa Kata ya Mpunguzi, Isaya Chilongani alipongeza uundwaji wa baraza na kuahidi kutoa ushirikiano katika utendaji kazi. “Namshukuru sana Mwenyezi Mungu kwa siku ya leo, kuanza rasmi kwa baraza hili ni ishara kuwa tuna nafasi kubwa sana ya kuwatumikia wananchi. Nipo tayari kutoa ushirikiano kwa madiwani wenzangu na wananchi ili kufanikisha lile lengo la kuleta maendeleo katika kata zetu” alipongeza Chilongani.

MWISHO

 

Comments

Post a Comment

Popular Posts

Watumishi wa Kanda Namba Tatu watembelea Zahanati ya Soweto

By Halmashauri ya Jiji la Dodoma
Image
  Watumishi wa Kanda Namba Tatu watembelea Zahanati ya Soweto jijini Dodoma ambayo imekamilika na imeanza kufanya kazi. Zahanati hiyo inajumuisha jengo la huduma ya wagonjwa wa nje (OPD), chumba cha daktari, chumba cha kujifungulia wanawake, maabara na huduma ya mama, baba na mtoto. Uwepo wa zahanati hiyo ni kusogeza huduma karibu na wananchi ambao walikuwa wanatembea umbali mrefu kufuata huduma za afya katika Kituo cha Afya Zuzu au kwenda Hospitali ya Mkoa General  
Read more

Gari la Darasa Tembezi latoa elimu Mitaa ya Jiji la Dodoma

By Halmashauri ya Jiji la Dodoma
Na. Asteria Frank, DODOMA Gari la Darasa Tembezi kutoka Halmashauri ya Jiji Dodoma linalopakia abiria kwa lengo la kuelimisha kuhusu uandikishaji wa orodha ya wapiga kura kuelelea Uchaguzi wa Serikali za Mitaa linaendelea kuwafikia wananchi wengi katika maeneo mbalimbali ya halmashauri. Darasa Tembezi linapita kwenye kila kituo likipakia abiria na kuwapa elimu kisha linawashusha katika vituo vyao kwa kuhakikisha wameelewa zoezi la kujiandikisha katika orodha ya mpiga kura zoezi lililoanza tarehe 11-20 Oktoba, 2024 kuelekea Uchaguzi wa Serikali Mitaa. Muelimishaji na muhamasishaji wa Darasa Tembezi, Isabella Bruno aliwaeleza abira kuwa kuelekea Uchaguzi wa Serikali za Mitaa utakaofanyika tarehe 27 Novemba, 2024 na kusema kuwa mwananchi wanatakiwa kujiandikisha kwenye orodha ya wapiga kura katika vituo vilivyopo katika ofisi za mitaa, shule za msingi na sekondari, zahanati na vituo vya afya, maeneo ya wazi yenye mikusanyiko ya watu na majengo mengine ya taasisi za umma yaliyopo katik...
Read more