M/Kiti CCM apewa kongole kuchagua safu makini ya madiwani

By Halmashauri ya Jiji la Dodoma

Na. Dennis Gondwe, DODOMA

MWENYEKITI wa Chama Cha Mapinduzi (CCM) Wilaya ya Dodoma amepongezwa kwa kupanga safu makini ya wagombea nafasi ya udiwani jambo lililowawezesha kushinda kwa kishindo katika Uchaguzi Mkuu wa Oktoba, 2025.



Pongezi hizo zilitolewa na Mkuu wa Wilaya ya Dodoma, Alhaj Jabir Shekimweri alipotoa salamu katika mkutano wa kwanza wa Halmashauri ya Jiji la Dodoma uliofanyika katika ukumbi wa halmashauri.

Alhaj Shekimweri alisema “nichukue nafasi hii kuwapongeza waheshimiwa madiwani kwa kuchaguliwa kwa kishindo kuwa madiwani kwa kata zenu, ninyi mnatokana na CCM. Mstahiki Meya, nichukue nafasi hii kumpongeza Mwenyekiti, Charles Mamba kwa kuteua madiwani wazuri waliofanya kampeni zao kistaarabu na kuchaguliwa kwa kishindo kuunda Baraza la Madiwani la Jiji la Dodoma”.

Aidha, aliwapongeza wabunge wa Jimbo la Dodoma Mjini na Mtumba kwa kuchaguliwa kuwa wabunge. “Mstahiki Meya, ulikuwa ni Uchaguzi wa Rais, Wabunge na Madiwani, nichukue nafasi hii kuwapongeza wabunge wetu, Mheshimiwa Chinyele na Mheshimiwa Mavunde pamoja na wale wa viti maalum wote. Wameshimiwa wabunge hongereni kwa kinyang’anyiro na hongereni kwa kuwa Madiwani wa Baraza la Madiwani la Jiji la Dodoma. Lakini pia, ulikuwa uchaguzi wa rais tunampongeza kwa dhati Dkt. Samia Suluhu Hassan ambae alipata ushindi wa kishindo wa karibu asilimia 97.7 na kuchaguliwa kuwa rais wa Jamhuri ya Muungano wa Tanzania” alisema Alhaj Shekimweri.

Katika hatua nyingine, Mstahiki Meya Jiji la Dodoma, Alimwoni Chaula alishukuru kwa kuchaguliwa kuwa Mstahiki Meya wa Jiji la Dodoma na kuahidi kufanya kazi kwa kushirikiana na baraza la madiwani ili kuongeza kasi ya maendeleo kwa wananchi.

Alisema kuwa vipo vipaumbele muhimu atakavyoanza navyo katika kuhakikisha jiji linasonga mbele. “Vipo vipaumbele muhimu kama vile kusimamia masuala ya ardhi, kusimamia mapato, mikopo ile ya makundi maalum tunaelewa tuna vijana ambao wanahitaji kukuza uchumi wao binafsi. Kuna masuala ya elimu na maji, vyote hivyo tutaenda kuvisimamia kwa weledi mkubwa” alisema Chaula.

Nae, Diwani wa Kata ya Madukani, Prof. Davis Mwamfupe alisema kuwa anawapongeza madiwani wenzake kwa kufanikisha uundaji wa Baraza jipya la Madiwani. “Natoa pongezi kwetu sote, nina imani baraza hili litakwenda kuwa bora na la kipekee kwasababu unaona idadi kubwa ya waliochaguliwa ni vijana. Vijana wana nguvu, ari na mwamko wa kuchapa kazi” alisema Prof. Mwamfupe.

MWISHO

 

Comments

Post a Comment

Popular Posts

Watumishi wa Kanda Namba Tatu watembelea Zahanati ya Soweto

By Halmashauri ya Jiji la Dodoma
Image
  Watumishi wa Kanda Namba Tatu watembelea Zahanati ya Soweto jijini Dodoma ambayo imekamilika na imeanza kufanya kazi. Zahanati hiyo inajumuisha jengo la huduma ya wagonjwa wa nje (OPD), chumba cha daktari, chumba cha kujifungulia wanawake, maabara na huduma ya mama, baba na mtoto. Uwepo wa zahanati hiyo ni kusogeza huduma karibu na wananchi ambao walikuwa wanatembea umbali mrefu kufuata huduma za afya katika Kituo cha Afya Zuzu au kwenda Hospitali ya Mkoa General  
Read more

Gari la Darasa Tembezi latoa elimu Mitaa ya Jiji la Dodoma

By Halmashauri ya Jiji la Dodoma
Na. Asteria Frank, DODOMA Gari la Darasa Tembezi kutoka Halmashauri ya Jiji Dodoma linalopakia abiria kwa lengo la kuelimisha kuhusu uandikishaji wa orodha ya wapiga kura kuelelea Uchaguzi wa Serikali za Mitaa linaendelea kuwafikia wananchi wengi katika maeneo mbalimbali ya halmashauri. Darasa Tembezi linapita kwenye kila kituo likipakia abiria na kuwapa elimu kisha linawashusha katika vituo vyao kwa kuhakikisha wameelewa zoezi la kujiandikisha katika orodha ya mpiga kura zoezi lililoanza tarehe 11-20 Oktoba, 2024 kuelekea Uchaguzi wa Serikali Mitaa. Muelimishaji na muhamasishaji wa Darasa Tembezi, Isabella Bruno aliwaeleza abira kuwa kuelekea Uchaguzi wa Serikali za Mitaa utakaofanyika tarehe 27 Novemba, 2024 na kusema kuwa mwananchi wanatakiwa kujiandikisha kwenye orodha ya wapiga kura katika vituo vilivyopo katika ofisi za mitaa, shule za msingi na sekondari, zahanati na vituo vya afya, maeneo ya wazi yenye mikusanyiko ya watu na majengo mengine ya taasisi za umma yaliyopo katik...
Read more