Wanufaika wa mkopo wasisitizwa kufanya marejesho kwa wakati

By Halmashauri ya Jiji la Dodoma

Na. Aisha Ibrahim, UHURU

Afisa Maendeleo ya Jamii, Kata ya Uhuru, Saada Zahaze, amewasisitiza wanufaika wa mkopo wa vikundi vya wanawake, vijana na watu wenye ulemavu kuzingatia miongozo na sheria za utoaji mkopo ikiwa ni kutumia fedha hizo kwa malengo yaliyokusudiwa na kufanya marejesho kwa wakati uliopangiwa kupitia mfumo jumuishi.



Mfumo huo jumuishi unatekelezwa kwa mujibu wa sheria kwa kutoa mikopo ya asilimia 10 katika Jiji la Dodoma kwa uwiano wa 4-4-2 yaani wanawake asilimia nne, vijana asilimia nne na watu wenye ulemavu asilimia mbili.

Akitoa ufafanuzi kuhusu mgawanyo wa mikopo hiyo alisema kuwa Kata ya Uhuru wamesajili vikundi 52, kati ya hivyo 18 ni vya wanawake, 17 ni vijana na 17 ni vya watu mchanganyiko ambapo katika vikundi hivyo, 18 tayari vimeshapata mkopo huo.

Aliongeza kuwa, mikopo iliyotolewa kuanzia mwaka 2021 ni shilingi milioni 423 taslimu. Wanawake walipata mkopo wa shilingi milioni 203 na vijana shilingi 220 ambapo marajesho mpaka sasa ni milioni 277.7.

Alisema kuwa licha ya kuwepo kwa muitikio mkubwa wa vikundi hivyo, kumekuwa na changamoto mbalimbali ikiwemo baadhi ya wanufaika kutorejesha mikopo hiyo na kuhamia maeneo mengine bila kutoa taarifa. “Changamoto ni kwamba vikundi vingi vinavyojisajili katika Kata ya Uhuru ni vya wafanyabiashara na kuna wakati baadhi yao wanafunga biashara na kuondoka bila kutoa taarifa na baada ya hapo hatujui ni wapi pa kuwapatia” alisema Zahaze.

Ili kukabiriana na changamoto katika utoaji wa mikopo hiyo alisema kuwa kamati ya mikopo imejipanga kuhakikisha kila kikundi kinakuwa na wakazi wa kata hiyo wasiopungua wawili ili iwe rahisi kuwapata wanufaika.

Aidha, alieleza kuwa wanatumia njia mbalimbali ikiwemo mikutano ya wananchi katika kila mtaa na kuzunguka katika mikusanyiko ya watu wengi ili kuelimisha jamii kuhusiana na suala la mikopo kwa vikundi maalum. “Sisi tunatoa elimu inayohusu suala la mikopo kwa vikundi maalum kwa kupita kwenye mikutano ya wananchi inayofanyika ndani ya mitaa yetu. Pia tunazunguka kwenye maegesho ya bodaboda na vikundi vya mama lishe kutoa elimu” alieleza.


Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more