Mstahiki Meya wa Jiji la Dodoma atoa pongezi kwa Madiwani

By Halmashauri ya Jiji la Dodoma

Na. Nancy Kivuyo, DODOMA

Mstahiki Meya wa Halmashauri ya Jiji la Dodoma, Prof. Davis Mwamfupe, amelipongeza Baraza la Madiwani kwa kazi nzuri ya usimamizi wa miradi ya maendeleo katika kata zao iliyopelekea uboreshaji wa huduma za kijamii kwa wananchi.



Aliyazungumza hayo katika ukumbi wa mikutano wa halmashauri wakati wa mkutano wa Baraza la Madiwani wa kupitia taarifa za utekelezaji kutoka kwenye kata 41 za Halmashauri ya Jiji la Dodoma.

Alisema kuwa madiwani wamesimamia vizuri miradi ya maendeleo iliyotekelezwa katika kata zote 41. “Sisi Halmashauri ya Jiji la Dodoma tulipanga kukusanya na kutumia shilingi bilioni 143, kati ya fedha hizo, shilingi bilioni 62.3 ni za mapato ya ndani. Kupitia mapato ya ndani tumetenga vilevile, kwa kuzingatia taratibu zetu asilimia 70 itumike kwenda kutekeleza miradi ya maendeleo. Kwa muktadha huo, ni busara sana tuwe na taarifa miradi hiyo imetekelezwaje” alisema Prof. Mwamfupe.

Aliongeza kuwa katika mkutano huo wa robo ya tatu walijikita katika kupitia miradi iliyotekelezwa katika kata zote na akawapongeza madiwani kwa kusimamia vizuri miradi hiyo. “Tumeangazia miradi ya aina mbili, moja ni ile miradi ilianzishwa kwa nguvu za wananchi na pili ni miradi viporo ambayo kwa kuikamilisha inatakiwa kutumika mara moja. Miradi imetekelezwa vizuri. Kwa mfano, ujenzi wa Shule ya Sekondari Matumbulu pamoja na changamoto zilizopo lakini wamefanya vizuri na miradi mingine nawapongeza sana” aliongeza Prof. Mwamfupe.



Alimalizia kwa kusema kuwa ana furaha kuona madiwani wanasimamia vilivyo utekelezwaji wa miradi ya maendeleo na kuwa katika kipindi cha kuelekea uchaguzi ni wakati muafaka wa kueleza kuwa serikali imefanya yapi kwa wananchi. Bila kusahau akatoa pongezi kwa wananchi na juhudi za michango yao katika kuihimiza serikali kusogeza huduma katika maeneo yao.

Naye Diwani wa Kata ya Kiwanja cha Ndege, Amos Mbalanga alisema kuwa mkutano huo umekuwa na matokeo chanja kwao kwasababu wameweza kufahamu namna miradi mbalimbali ilivyotekelezwa. “Kipekee nilipongeze baraza kwasababu katika robo ya tatu hii tumepata taarifa za namna miradi ilivyotekelezwa kwa wingi, tutaendelea kuisimamia miradi kikamilifu ili kusogeza karibu huduma kwa jamii na hilo ndio lengo letu” alisema Diwani Mbalanga.

Katika hatua nyingine, Diwani wa Viti Maalum, Flora Liacho alieleza kuwa mapitio ya miradi ya maendeleo ni jambo zuri kwasababu linawafanya madiwani kuwajibika. “Nalipongeza Baraza la Madiwani kwakuwa na desturi ya kukutana kila baada ya robo ya tatu kwasababu kama leo hii tumejadili namna miradi ya maendeleo inatekelezwa katika kata na tumeiona ile miradi kinara iliyokamilika na ipo ambayo bado ni viporo. Naamini wanaosimamia hiyo miradi viporo wataongeza kasi ikamilike kwa wakati ili wananchi wapate huduma” alipongeza Diwani Liacho.  

MWISHO

 

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more