Miundombinu S/M Uhuru chachu ya elimu bora

By Halmashauri ya Jiji la Dodoma

Na. Aisha Ibrahim, UHURU

Diwani wa Kata ya Uhuru, Halfan Kabwe, ameishukuru serikali ya awamu ya sita chini ya utawala wa Dkt. Samia Suluhu Hassan, kwa juhudi kubwa ya kukuza sekta ya elimu kwa maendeleo ya Jiji la Dodoma na taifa kwa ujumla.



Alitoa shukrani hizo wakati akitoa ufafanuzi wa pesa alizopokea katika kata yake kwaajili ya kukamilisha ujenzi wa madarasa katika Shule ya Msingi Uhuru, uliogharimu shilingi milioni 76.

Akitoa ufafanuzi wa kina kuhusu ukamilifu wa vyumba vya madarasa alisema, “kupitia serikali ya awamu ya sita chini ya Rais, Dkt. Samia Suluhu Hassan, alitupatia kiasi cha shilingi milioni 50 ambazo tuliweza kujenga madarasa 10 na baadae akatuongeza kiasi cha shilingi milioni 26 zilizotuwezesha kukamilisha ujenzi wa madarasa hayo” alisema Diwani Kabwe.

Katika hatua nyingine, alimpongeza mbunge kwa kuwa na moyo wa kujitolea kufuatia ujenzi wa uzio katika shule hiyo kwalengo la kuhakikisha wanafunzi wanapata elimu bora kupitia mazingira rafiki. “Nichukue fursa hii kumpongeza Mbunge wa Jimbo la Dodoma Mjini, Mheshimiwa Anthony Mavunde, kwa kutusaidia kujenga uzio wa shule hii kwa kutumia fedha zake mwenyewe ambapo kabla ya hapo kulikuwa na changamoto kwa wanafunzi kwasababu sehemu kubwa ya shule hii ilikuwa imevamiwa na magari ya mizigo” alisema.

Pia, aliahidi kufanya mapinduzi makubwa katika sekta ya elimu ikiwemo kutunza miundombinu ya shule hiyo na kupandisha ufaulu wa wanafunzi kwa maendeleo ya taifa kwa ujumla. “Tunaahidi kufanya makubwa katika sekta ya elimu ikiwemo kutunza miundombinu ya shule hii na kuhakikisha wanafunzi wanafaulu kwa kiwango cha juu kwasababu Dkt. Samia Suluhu Hassan anatudai deni kubwa sana kupitia uwekezaji huu” aliongeza Diwani Kabwe.


Kwa upande wake, Mwl. Sospeter Ramadhan, Mwalimu Mkuu wa Shule ya Msingi Uhuru, alieleza kuwa kabla ya kujengwa kwa uzio wa shule hiyo kulikuwa na changamoto kwa wanafunzi katika suala ya nidhamu na taaluma. Sababu kubwa mazingira hayo yamezungukwa na wafanyabiashara wengi waliokuwa wanasababisha muingiliano na wanafunzi jambo linalopelekea washindwe kujifunza kwa utulivu.

Sambamba na hayo, mwanafunzi kutoka shule ya Msingi Uhuru, Fathiya Saleh, alieleza kuwa kabla ya kujengwa uzio walikuwa wanakutana na vishawishi mbalimbali kutoka kwa wafanyabiashara wa eneo hilo. Pia vitisho kutoka kwa  walevi na vichaa wanaoingia eneo la shule jambo lililokuwa linapelekea kukosa amani wawapo shuleni hasa kipindi cha mapumziko.

Nae, Ikram Mohamed, mwanafunzi kutoka shule hiyo, aliishukuru serikali kwa ujenzi wa vyumba vya madarasa na uzio kwasababu kabla ya hapo walikuwa wanashindwa kukaa darasani na kusoma kwa utulivu. Pia aliahidi kusoma kwa bidii ili kuunga juhudi za Rais wa Jamhuri ya Muungano wa Tanzania, Dkt. Samia Suluhu Hassan.

MWISHO

 

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more