Uwanja wa Michezo Kilimani utumike kuboresha Afya za wananchi

By Halmashauri ya Jiji la Dodoma

Na. Nancy Kivuyo, KILIMANI

Diwani wa Kata ya Kilimani, Neema Mwaluko amesema suala la michezo katika kata yake linapewa kipaumbele kupitia hamasa ya ugawaji wa jezi na mipira pamoja na kuhimiza wananchi kupenda michezo ili kulinda afya zao.



Aliyasema hayo wakati akizungumza na waandishi wa habari waliotembelea Kata ya Kilimani kuona shughuli za michezo zinavyofanyika. “Sisi Kata ya Kilimani tunahamasisha sana vijana wetu na watu mbalimbali kushiriki michezo kwasababu tunatambua michezo ni ajira lakini pia michezo ni afya. Bonanza na michezo mingi imekuwa ikifanyika katika uwanja wetu hali inayoonesha ni namna gani kata yetu ni kielelezo bora katika kuhamasisha michezo” alisema Diwani Mwaluko.

Aliongeza kuwa vijana wa katani hapo wamekuwa wakipewa jezi na mipira ili kuongeza hamasa ya kufanya mazoezi na kushiriki mashindano mbalimbali. “Jambo hili nimeweza kulisimamia kwa vitendo, kunapokuwa na changamoto ya vifaa nimekuwa nikiwapatia jezi pamoja na mipira ili waendeleze vipaji vyao. Malengo yetu ni kuhakikisha Kata ya Kilimani inaendelea kuwa chachu ya ubora kimichezo katika Jiji la Dodoma” aliongeza Diwani Mwaluko.

Naye Afisa Mtendaji wa Kata ya Kilimani, Eliada Msuta alisema kuwa kata hiyo ina uwanja mzuri wa michezo ambao kuna wakati unatumika kwaajili ya mazoezi na timu kubwa ikiwemo timu ya mpira wa miguu ya Dodoma Jiji inayoshiriki ligi kuu Tanzania bara. “Kata yetu ina mwamko mkubwa sana katika masuala ya michezo, kumekuwa na mashindano mbalimbali yakifanyika hapo na wananchi wanaburudika kutumia uwanja huo” alisema Msuta.



Kwa upande mwingine mwananchi wa Kata ya Kilimani, Jonas Masanika alieleza kuwa hamasa ya kushiriki katika michezo wanayopata kutoka kwa viongozi wao wa kata inawasaidia katika kuimarisha afya. “Tunawashukuru sana viongozi wetu kwa kuendelea kutuhamasisha kupenda michezo na kwakweli kuna mwamko mkubwa sana. Tunatambua michezo ni ajira lakini pia inaboresha afya na kustawisha umoja na mshikamano tunapokutana mara kwa mara, napenda kuwahimiza wananchi wenzangu kupenda michezo” alishukuru Masanika.

MWISHO

Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more