MEMKWA daraja kwa watoto waliokosa elimu rasmi

By Halmashauri ya Jiji la Dodoma

Na. Mwandishi wetu, DODOMA

 

Wananchi wa Jiji la Dodoma wametakiwa kuhakikisha watoto waliokosa kuanza elimu rasmi kwa wakati hawabaki nyuma, bali watumie fursa ya Elimu ya Watu Wazima na Mfumo wa Elimu Nje ya Mfumo Rasmi (MEMKWA) kupata elimu na kujenga msingi bora wa maisha yao.

 


Wito huo ulitolewa na Mwenyekiti wa Maafisa Elimu Jiji la Dodoma, Yassin Mponda katika Maadhimisho ya Wiki ya Elimu ya Watu Wazima na Elimu Nje ya Mfumo Rasmi (MEMKWA) yanayofanyika katika Viwanja vya Mapumziko vya Nyerere Square, ambapo shughuli mbalimbali zinaendelea kuanzia tarehe 17 hadi 21 Agosti, 2026.

 

Mponda alisema kuwa elimu ya watu wazima ina nafasi kubwa katika kuwapatia wananchi waliokosa fursa ya elimu rasmi uwezo wa kusoma, kuandika, kuhesabu pamoja na kupata ujuzi unaowawezesha kujitegemea na kushiriki kikamilifu katika maendeleo ya jamii.

 

Aliongeza kuwa mtoto anayepaswa kuanza Darasa la Kwanza akiwa na umri wa miaka sita, lakini akakosa fursa hiyo na baadaye kufikisha umri mkubwa zaidi, anaweza kujiunga na elimu nje ya mfumo rasmi badala ya kuachwa nje ya mfumo wa elimu.

 

“Ni wakati wetu sasa kuhakikisha tunawaleta waliokosa elimu rasmi na wamevuka ule umri wa kuanza masomo waje mashuleni wapate elimu,” alisema Mponda.

 

Aidha, alitoa wito kwa wazazi, viongozi na jamii kwa ujumla kushirikiana katika kuwatambua na kuwahamasisha watoto hao kutumia fursa za elimu zinazopatikana, akisisitiza kuwa MEMKWA ni daraja muhimu la kuwasaidia waliochelewa kuanza shule kupata elimu na kujenga msingi wa maisha bora ya baadae.

 

Maadhimisho hayo yanalenga kuibua mafanikio, changamoto na fursa zilizopo katika utoaji wa elimu ya watu wazima na elimu nje ya mfumo rasmi, huku jamii ikihimizwa kuchangamkia fursa hizo kwa kuwa maarifa na ujuzi ni msingi muhimu wa maendeleo endelevu ya mtu binafsi, familia na taifa.

 

MWISHO

Comments

Post a Comment

Popular Posts

Timu ya Watumishi Jiji la Dodoma inayoshiriki SHIMISEMITA yatakiwa kurejea na ushindi

By Halmashauri ya Jiji la Dodoma
Image
Na. Lulu Luvanda, DODOMA Timu ya watumishi wa Halmashauri ya Jiji la Dodoma itakayoshiriki Mashindano ya Shirikisho la Michezo ya Serikali za Mitaa Tanzania (SHIMISEMITA) wametakiwa kulitangaza vema jiji hilo katika michezo kwa kuzingatia nidhamu na misingi ya utumishi wa umma na kurejea na ushindi.   Kauli hiyo ilitolewa na Mkurugenzi wa Halmashauri ya Jiji la Dodoma, Dkt. Frederick Sagamiko wakati wa tukio la kuwaaga wanamichezo hao watakaoshiriki michezo ya SHIMISEMITA jijini Mbeya.   Akizungumza katika hafla ya kuwaaga wachezaji hao iliyofanyika katika ukumbi wa halmashauri jijini Dodoma, alisema kuwa mashindano hayo ni fursa ya kulitangaza Jiji la Dodoma kupitia michezo, huku akiwataka wachezaji kuzingatia nidhamu, maadili na misingi ya utumishi wa umma.   Alitumia hafla hiyo kumpongeza Kaimu Mkuu wa Kitengo cha Michezo, Utamaduni na Sanaa, Neema Kilongola kwa mchango wake katika kuimarisha michezo ndani ya halmashauri hiyo, akisisitiza kuwa mafanikio ya ...
Read more

Timu ya Watumishi Jiji la Dodoma waagwa kuelekea SHIMISEMITA

By Halmashauri ya Jiji la Dodoma
Image
  Timu ya Watumishi wa Halmashauri ya Jiji la Dodoma, inayokwenda kushiriki SHIMISEMITA, 2026 jijini Mbeya   imeagwa rasmi na Uongozi wa Halmashauri ya Jiji la Dodoma katika ukumbi wa halmashauri. Katika hafla hiyo, uongozi umeihimiza timu hiyo kwenda kushiriki kwa nidhamu, umoja, ari na ushindani wa hali ya juu, ili kuiwakilisha vema Halmashauri na Jiji la Dodoma na kurudi na ushindi wa kishindo.
Read more

Dodoma Jiji yaifunga Mji Ifakara 41-3 Mpira wa Pete Mashindano ya SHIMISEMITA

By Halmashauri ya Jiji la Dodoma
Image
Na. Mwandishi wetu, MBEYA Timu ya Halmashauri ya Jiji la Dodoma ya Mpira wa Pete Wanawake imeishushia kipigo kizito Timu ya Halmashauri ya Mji Ifakara cha magoli 41-3 katika siku ya pili ya Mashindano ya Shirikisho la Michezo ya Serikali za Mitaa Tanzania (SHIMISEMITA) yanayoendelea jijini Mbeya. Mchezo huo ulianza kwa kasi katika dakika za mwanzo, lakini kadri muda ulivyokuwa ukiendelea Timu ya Halmashauri ya Jiji la Dodoma ilionekana kuumiliki mchezo. Hadi kufikia tamati ya mchezo huo Timu ya Halmashauri ya Jiji la Dodoma iliibuka na ushindi mnono wa magoli 41-3 ya Halmashauri ya Mji Ifakara. Mchezo wa Mpira wa Mikono Wanaume Halmashauri ya Jiji la Dodoma ililazimishwa sare ya 5-5 dhidi ya Halmashauri ya Wilaya ya Magu. Aidha, katika Mchezo wa Mpira wa Kikapu ya Wanaume Halmashauri ya Jiji la Dodoma iliichakaza Timu ya Halmashauri ya Wilaya ya Kibaha kwa vikapu 28-7. Halmashauri ya Dodoma la Jiji iliendeleza kasi kwenye mchezo wa Mpira wa Wavu kwa Wanaume, ikiichapa Ha...
Read more