Timu ya Watumishi Jiji la Dodoma yadaiwa ushindi mashindano ya SHIMISEMITA

By Halmashauri ya Jiji la Dodoma

Na. Lulu Luvanda, DODOMA

Halmashauri ya Jiji la Dodoma imeiaga timu ya watumishi itakayoliwakilisha jiji hilo katika Mashindano ya Shirikisho la Michezo ya Serikali za Mitaa (SHIMISEMITA) 2026 yatakayofanyika jijini Mbeya na kutakiwa kurejea na ushindi.



Kauli hiyo ilitolewa na Mkurugenzi wa Halmashauri ya Jiji la Dodoma, Dkt. Frederick Sagamiko alipokuwa akiiaga timu hiyo katika ukumbi wa mikutano wa halmashauri.

Akizungumza katika hafla ya kuwaaga wachezaji hao jijini Dodoma, alisema kuwa mashindano hayo ni fursa ya kulitangaza Jiji la Dodoma kupitia michezo, huku akiwataka wachezaji hao kuzingatia nidhamu, maadili na misingi ya utumishi wa umma.

Aliwakumbusha umuhimu wa michezo katika kuimarisha afya, mshikamano na uhusiano miongoni mwa watumishi, huku akiwataka kulitangaza vizuri Jiji la Dodoma kwa kuonesha uwezo, nidhamu na ushindani wa hali ya juu.



Kwa upande wake Meneja wa Timu ya watumishi wa Jiji la Dodoma, Dkt. Sebastian Pima alisema kuwa wamefurahia kumuona Mkurugenzi wa Jiji la Dodoma akikutana na timu nzima na kuwapa maneno ya hamasa kabla ya kuelekea kwenye mashindano ya SHIMISEMITA. Aliishukuru ofisi ya mkurugenzi kwa uungaji mkono unaotolewa kwa timu hiyo, hatua inayochochea maandalizi na hamasa kubwa ya kushiriki kwa lengo la kupata ushindi.

Alisema kuwa wanatambua Dodoma ni Fahari ya Watanzania, hivyo timu pamoja na safu ya uongozi ipo tayari kuhakikisha inaiwakilisha na kuifaharisha Dodoma katika mashindano hayo. Alisisitiza kuwa umoja, maandalizi na dhamira ya ushindi ni muhimu katika kufanikisha lengo hilo.




Akizungumza kwa niaba ya wachezaji wenzake, mchezaji mwandamizi Leonard Mkinga alisema kuwa timu imejiandaa vizuri ikiwa na dhamira ya kurejea Dodoma na matokeo mazuri. Alisema kuwa nia, maandalizi na nidhamu kuwa nguzo muhimu za mafanikio.

Timu hiyo yenye jumla ya wachezaji 60 inatarajiwa kushiriki mashindano hayo kwa siku 15, kuanzia tarehe 16 Agosti, hadi tarehe 28 Agosti, 2026.

Comments

Post a Comment

Popular Posts

Timu ya Watumishi Jiji la Dodoma inayoshiriki SHIMISEMITA yatakiwa kurejea na ushindi

By Halmashauri ya Jiji la Dodoma
Image
Na. Lulu Luvanda, DODOMA Timu ya watumishi wa Halmashauri ya Jiji la Dodoma itakayoshiriki Mashindano ya Shirikisho la Michezo ya Serikali za Mitaa Tanzania (SHIMISEMITA) wametakiwa kulitangaza vema jiji hilo katika michezo kwa kuzingatia nidhamu na misingi ya utumishi wa umma na kurejea na ushindi.   Kauli hiyo ilitolewa na Mkurugenzi wa Halmashauri ya Jiji la Dodoma, Dkt. Frederick Sagamiko wakati wa tukio la kuwaaga wanamichezo hao watakaoshiriki michezo ya SHIMISEMITA jijini Mbeya.   Akizungumza katika hafla ya kuwaaga wachezaji hao iliyofanyika katika ukumbi wa halmashauri jijini Dodoma, alisema kuwa mashindano hayo ni fursa ya kulitangaza Jiji la Dodoma kupitia michezo, huku akiwataka wachezaji kuzingatia nidhamu, maadili na misingi ya utumishi wa umma.   Alitumia hafla hiyo kumpongeza Kaimu Mkuu wa Kitengo cha Michezo, Utamaduni na Sanaa, Neema Kilongola kwa mchango wake katika kuimarisha michezo ndani ya halmashauri hiyo, akisisitiza kuwa mafanikio ya ...
Read more

Dodoma Jiji yajiandaa Ngoma na Kwaya SHIMISEMITA, 2026

By Halmashauri ya Jiji la Dodoma
Image
    Watumishi wa Timu ya Halmasahuri ya Jiji la Dodoma inayoshiriki Mashindano ya SHIMISEMITA 2026 jijini Mbeya wanaendelea na kujifua katika mazoezi makali kwa ajili ya mashindano ya ngoma na kwaya, mazoezi yanayoendelea katika viwanja vya Shule ya Sekondari Dodoma. Mashindano ya SHIMISEMITA ya Mwaka 2026 yanaongozwa na kaulimbiu isemayo “Tupo Tayari kwa AFCON 2027”.  
Read more

Barabara za Mtaa wa Mbwanga yafunguliwa, Diwani Kerenge aitaja kuwa chachu ya maendeleo

By Halmashauri ya Jiji la Dodoma
Image
Na. Mwandishi wetu, Dodoma Wakazi wa Mtaa wa Mbwanga katika Kata ya Mnadani wanatarajia kunufaika na usafiri rahisi, kuimarika kwa shughuli za biashara na kuongezeka kwa fursa za maendeleo kufuatia ufunguzi wa barabara za mtaa katika uboreshaji wa miundombinu kwa ajili ya maisha bora ya wananchi. Akizungumza wakati wa hafla ya ufunguzi wa barabara hiyo, iliyofanyika katika moja ya barabara hizo, Diwani wa Kata ya Mnadani, Mugendi Kerenge alisema kuwa uboreshaji wa miundombinu ya barabara ni nguzo muhimu ya maendeleo kwa kuwa unarahisisha usafirishaji wa watu na bidhaa, kuchochea biashara na kuongeza upatikanaji wa huduma za kijamii. “Kukamilika kwa barabara zaidi ya kilomita 14 zimefunguliwa   hii ni hatua muhimu katika safari ya maendeleo ya Kata ya Manadani. Itaondoa changamoto zilizokuwa zikiwakabili wananchi, hasa wakati wa mvua, na kufungua fursa zaidi za kiuchumi kwa wakazi wa Mbwanga na maeneo jirani. Natoa shukrani kwa Mkurugenzi wa Jiji la Dodoma kwa kutuwezesha kufani...
Read more