Timu ya Jiji la Dodoma yatakiwa kuzingatia uzalendo michezo ya SHIMISEMITA

By Halmashauri ya Jiji la Dodoma

Na. Mwandishi wetu, DODOMA

 

Jumla ya wanamichezo 60 wa Halmashauri ya Jiji la Dodoma, wakiwemo makocha wanne, wametakiwa kuzingatia nidhamu na uzalendo katika Mashindano ya Shirikisho la Michezo ya Serikali za Mitaa Tanzania (SHIMISEMITA) yanayofanyika mkoani Mbeya ili kulinda hadhi ya makao makuu.

 


Kauli hiyo ilitolewa na Mkurugenzi wa Halmashauri ya Jiji la Dodoma, Dkt. Frederick Sagamiko katika hafla fupi ya kuwaaga wanamichezo hao iliyofanyika katika ukumbi wa mikutano wa halmashauri.

 

Aliwataka kuitumia michezo hiyo kuiwakilisha Dodoma kwa nidhamu, uzalendo na kujiamini, wakitambua kuwa wanatokea makao makuu ya nchi. “Nendeni mkifahamu kuwa mnatokea makao makuu ya nchi. Nendeni mkalete tabasamu kwa Watanzania na si huzuni, maana Dodoma ni fahari ya Watanzania. Nidhamu ni miongoni mwa sababu zilizochangia mafanikio ya mwaka jana. Hivyo, dumisheni nidhamu, kufuata misingi ya utumishi wa umma na kulinda hadhi ya Halmashauri ya Jiji la Dodoma,” alisema Dkt. Sagamiko.

 

Aidha, alimpongeza Afisa Michezo wa Jiji la Dodoma, Neema Kilongola kwa juhudi na kazi kubwa anayoifanya katika kuandaa na kuendeleza michezo mbalimbali, huku akimtaka kuongeza ubunifu zaidi. Alisema kuwa jiji lina imani kubwa na timu hiyo na linatarajia ushindi wa jumla pamoja na vikombe mbalimbali kati ya halmashauri 184 zinazoshiriki mashindano hayo.

 


Awali, akisoma taarifa fupi ya maandalizi ya kuelekea michezo ya SHIMISEMITA, Afisa Michezo wa Jiji la Dodoma, Neema Kilongola alisema kuwa timu hiyo yenye wanamichezo 60 na makocha wanne itashiriki michezo 15, ikiwemo netiboli, mpira wa miguu, mpira wa wavu, mpira wa kikapu, ngoma, kwaya, pool table, drafti, darts, kizazi kipya, bao, uchoraji na kuvuta kamba.

 

Alisema kuwa timu hiyo imejiandaa vema kwa ajili ya mashindano hayo na ina dhamira ya kuiwakilisha Halmashauri ya Jiji la Dodoma, huku wanamichezo wakitakiwa kutumia mashindano hayo kuonesha vipaji, nidhamu na uwezo wao katika kulinda hadhi ya Dodoma kama makao makuu ya nchi.

Comments

Post a Comment

Popular Posts

Dodoma Jiji yajiandaa Ngoma na Kwaya SHIMISEMITA, 2026

By Halmashauri ya Jiji la Dodoma
Image
    Watumishi wa Timu ya Halmasahuri ya Jiji la Dodoma inayoshiriki Mashindano ya SHIMISEMITA 2026 jijini Mbeya wanaendelea na kujifua katika mazoezi makali kwa ajili ya mashindano ya ngoma na kwaya, mazoezi yanayoendelea katika viwanja vya Shule ya Sekondari Dodoma. Mashindano ya SHIMISEMITA ya Mwaka 2026 yanaongozwa na kaulimbiu isemayo “Tupo Tayari kwa AFCON 2027”.  
Read more

Barabara za Mtaa wa Mbwanga yafunguliwa, Diwani Kerenge aitaja kuwa chachu ya maendeleo

By Halmashauri ya Jiji la Dodoma
Image
Na. Mwandishi wetu, Dodoma Wakazi wa Mtaa wa Mbwanga katika Kata ya Mnadani wanatarajia kunufaika na usafiri rahisi, kuimarika kwa shughuli za biashara na kuongezeka kwa fursa za maendeleo kufuatia ufunguzi wa barabara za mtaa katika uboreshaji wa miundombinu kwa ajili ya maisha bora ya wananchi. Akizungumza wakati wa hafla ya ufunguzi wa barabara hiyo, iliyofanyika katika moja ya barabara hizo, Diwani wa Kata ya Mnadani, Mugendi Kerenge alisema kuwa uboreshaji wa miundombinu ya barabara ni nguzo muhimu ya maendeleo kwa kuwa unarahisisha usafirishaji wa watu na bidhaa, kuchochea biashara na kuongeza upatikanaji wa huduma za kijamii. “Kukamilika kwa barabara zaidi ya kilomita 14 zimefunguliwa   hii ni hatua muhimu katika safari ya maendeleo ya Kata ya Manadani. Itaondoa changamoto zilizokuwa zikiwakabili wananchi, hasa wakati wa mvua, na kufungua fursa zaidi za kiuchumi kwa wakazi wa Mbwanga na maeneo jirani. Natoa shukrani kwa Mkurugenzi wa Jiji la Dodoma kwa kutuwezesha kufani...
Read more

Timu ya Watumishi Jiji la Dodoma inayoshiriki SHIMISEMITA yatakiwa kurejea na ushindi

By Halmashauri ya Jiji la Dodoma
Image
Na. Lulu Luvanda, DODOMA Timu ya watumishi wa Halmashauri ya Jiji la Dodoma itakayoshiriki Mashindano ya Shirikisho la Michezo ya Serikali za Mitaa Tanzania (SHIMISEMITA) wametakiwa kulitangaza vema jiji hilo katika michezo kwa kuzingatia nidhamu na misingi ya utumishi wa umma na kurejea na ushindi.   Kauli hiyo ilitolewa na Mkurugenzi wa Halmashauri ya Jiji la Dodoma, Dkt. Frederick Sagamiko wakati wa tukio la kuwaaga wanamichezo hao watakaoshiriki michezo ya SHIMISEMITA jijini Mbeya.   Akizungumza katika hafla ya kuwaaga wachezaji hao iliyofanyika katika ukumbi wa halmashauri jijini Dodoma, alisema kuwa mashindano hayo ni fursa ya kulitangaza Jiji la Dodoma kupitia michezo, huku akiwataka wachezaji kuzingatia nidhamu, maadili na misingi ya utumishi wa umma.   Alitumia hafla hiyo kumpongeza Kaimu Mkuu wa Kitengo cha Michezo, Utamaduni na Sanaa, Neema Kilongola kwa mchango wake katika kuimarisha michezo ndani ya halmashauri hiyo, akisisitiza kuwa mafanikio ya ...
Read more