Jiji la Dodoma lashauriwa kulinda hadhi ya Makao Makuu ya Nchi

By Halmashauri ya Jiji la Dodoma

Na. Mwandishi wetu, DAR ES SALAAM

 

HALMASHAURI ya Jiji la Dodoma imeshauriwa kuendelea kusimamia Mpango Kabambe wake ili kuhakikisha jiji linakuwa na mpangilio wa kisasa na kulinda hadhi ya makao makuu ya nchi.

 

Katibu Mkuu Ofisi ya Rais, Maendeleo ya Vijana, Jenifa Omolo (kushoto) akiongea na wataalam wa Halmashauri ya Jiji la Dodoma

Kauli hiyo ilitolewa na Katibu Mkuu Ofisi ya Rais, Maendeleo ya Vijana, Jenifa Omolo alipotembelea banda la Halmashauri ya Jiji la Dodoma katika Maonesho ya 50 ya Kimataifa ya Biashara Sabasaba yanayoendelea katika viwanja vya Mwl. Julius Nyerere jijini hapa.

 

Alisema kuwa ukuaji wa Jiji la Dodoma unapaswa kwenda sambamba na upangaji bora wa maeneo, miundombinu na mazingira ya mji ili kuongeza mvuto zaidi kwa wakazi, wawekezaji na wageni wanaofika kwa shughuli mbalimbali za kiserikali na kiuchumi.

 

Alisisitiza kuwa taswira ya mji ambao ni makao makuu ya nchi inapaswa kuonekana wazi kupitia mpangilio wa kisasa, unaozingatia uzuri wa mji, matumizi sahihi ya ardhi na maendeleo yanayopangika na yanapaswa kuendana na kutenga maeneo ya shughuli za kiuchumi za vijana ambao ndio taifa la kesho.

 

Hivyo, utekelezaji wa Mpango Kabambe wa Halmashauri ya Jiji la Dodoma ni jambo muhimu sana kwa mustakabali wa sasa na wa kesho.

 


Kwa upande wake, mwananchi aliyetembelea banda la Halmashauri ya Jiji la Dodoma katika Maonesho ya Sabasaba, Omary Nyange alisema kuwa amefurahia kupata majibu ya maswali yake kuhusiana na fursa za viwanja katika jiji hilo. Aidha, aliipongeza Halmashauri ya Jiji la Dodoma kwa kushiriki katika maonesho hayo.

Halmashauri ya Jiji la Dodoma inashiriki katika Maonesho ya 50 ya Biashara ya Kimataifa (Sabasaba) yanayofanyika katika Viwanja vya Mwalimu Julius Nyerere, jijini Dar es Salaam, kuanzia tarehe 28 Juni hadi 13 Julai 2026 chini ya kaulimbiu isemayo “Maonesho ya Biashara ya Kimataifa Sabasaba ni Fahari ya Tanzania”.

 

Comments

Post a Comment

Popular Posts

Afisa Biashara Arusha apongeza ukuwaji wa Biashara wa Jiji la Dodoma

By Halmashauri ya Jiji la Dodoma
Image
Na. Mwandishi wetu, DAR ES SALAAM   HALMASHAURI ya Jiji la Dodoma imepongezwa kwa kasi ya ukuaji wa shughuli za biashara na uwekezaji na kutajwa kuwa ni fursa kwa watanzania na wageni kuwekeza.   Kauli hiyo ilitolewa na Mkuu wa Divisheni ya Biashara, Viwanda na Uwekezaji Halmashauri ya Jiji la Arusha, John Kilunge alipotembelea banda la Halmashauri ya Jiji la Dodoma katika Maonesho ya 50 ya Kimataifa ya Biashara ya Sabasaba yanayoendelea jijini Dar es Salaam. Kilunge alipongeza kasi ya ukuaji wa shughuli za biashara na uwekezaji ndani ya jiji hilo na kusema kuwa ni fursa kwa watanzania na wageni kuwekeza na kufungua zaidi fursa za ajira. Akiwa katika banda hilo, alipata maelezo kuhusu huduma mbalimbali zinazotolewa na Halmashauri ya Jiji la Dodoma pamoja na fursa za uwekezaji zilizopo, hususan katika sekta za ardhi, biashara na maendeleo ya kiuchumi. Alisema kuwa Jiji la Dodoma linaonesha mafanikio makubwa katika kukuza mazingira ya biashara na kuvutia wawekezaji k...
Read more

Jiji la Dodoma latangaza fursa za Uwekezaji katika Maonesho ya Sabasaba, 2026

By Halmashauri ya Jiji la Dodoma
Image
Na. Mwandishi wetu, DAR ES SALAAM Halmashauri ya Jiji la Dodoma imejipanga kujitangaza kama kitovu cha uwekezaji, biashara na maendeleo ya kisasa kutokana na kuwa na fursa nyingi kwa wawekezaji wa ndani na nje ya nchi jambo linalokuza ustawi wa wananchi na taifa kwa ujumla.   Afisa Habari, Nancy Kivuyo kutoka Halmashauri ya Jiji la Dodoma (kulia) akielezea fursa za uwekezaji kwa mdau aliyetembelea banda ya halmashauri  Kauli hiyo ilitolewa na Afisa Habari katika Halmashauri ya Jiji la Dodoma, Nancy Kivuyo alipokuwa akiwaelezea wananchi waliotembelea banda lao jinsi Halmashauri ya Jiji la Dodoma inavyoshiriki katika Maonesho ya 50 ya Kimataifa ya Biashara (Sabasaba) mwaka 2026 yanayofanyika katika viwanja vya Mwalimu Julius Nyerere, jijini hapa. Kivuyo alisema kuwa Halmashauri ya Jiji la Dodoma katika kuhakikisha inavutia wawekezaji wa ndani na nje ya nchi, imeendelea kuboresha mazingira ya uwekezaji. “Mazingira ya uwekezaji yameboreshwa sambamba na mazingira ya kufanya...
Read more