ILEMELA MANISPAA YAVUTIWA UWEKEZAJI MIRADI YA KIMKAKATI DODOMA

By Halmashauri ya Jiji la Dodoma

Na. Tutindaga Nkwindi, DODOMA

MADIWANI wa Halmashauri ya Manispaa ya Ilemela wamevutiwa na uwekezaji na utekelezaji wa miradi ya kimkakati inayotekelezwa na Halmashauri ya Jiji la Dodoma na kulitaja kuwa ni jiji darasa.


Kauli hiyo ilitolewa na Naibu Meya wa Halmashauri ya Manispaa ya Ilemela, Kuruthum Abdallah baada ya kutembelea miradi ya kimkakati inayotekelezwa na Halmashauri ya Jiji la Dodoma.

 

Alisema kuwa wamevutiwa na kiwango cha uwekezaji pamoja na usimamizi madhubuti miradi hiyo na kubainisha kuwa Ilemela inakwenda kutumia uzoefu huo kama darasa. Tunaipongeza Halmashauri ya Jiji la Dodoma kwa kumiliki na kuendesha miradi mikubwa na yenye tija kama hii. Sisi pia tuna miradi inayofanana na hii. Hivyo, ziara hii imetupa nafasi ya kujifunza mambo mengi ambayo tunaenda kuyafanyia kazi Ilemela ili tuweze kuboresha huduma na kuongeza mapato yetu ya ndani kupitia miradi ya kimkakati” alisema Abdallah.

 

Kwa upande wake Kaimu Mkurugenzi wa Halmashauri ya Manispaa ya Ilemela, Samson Medda alisema kuwa ushirikiano na kubadilishana uzoefu kati ya halmashauri ni njia muhimu ya kuharakisha maendeleo ya kiuchumi na kuboresha utendaji wa taasisi za serikali za mitaa. “Tumekuja kujifunza na kuona kwa vitendo namna ambavyo Jiji la Dodoma limefanikiwa kuwekeza katika miradi yenye tija kwa wananchi. Maarifa na uzoefu tulioupata hapa utatusaidia kwenda kuongeza ubunifu, ufanisi na usimamizi bora wa miradi yetu ya maendeleo Ilemela” alisema Medda.

 

Nae Diwani wa Viti Maalumu kupitia Chama cha ACT Wazalendo, Neema Tambi alisema kuwa ziara hiyo iliongeza uelewa mkubwa kuhusu umuhimu wa miradi ya kimkakati katika kukuza uchumi wa halmashauri. “Ziara hii imekuwa na manufaa makubwa kwetu kwasababu tumepata ujuzi na uzoefu ambao tutakwenda kuufanyia kazi Ilemela. Tukisimamia vizuri miradi ya kimkakati, tutaimarisha huduma kwa wananchi na kuongeza mapato ya ndani ya halmashauri yetu” alisema Tambi.

 

Ziara ya mafunzo ya Halmashauri ya Manispaa ya Ilemela katika Jiji la Dodoma ikiangazia miradi ya hoteli, jengo la Kitega Uchumi Mtumba, Bustani ya Mapumziko Chinangali na Soko la wazi la Machinga inajenga taswira chanya ya ushirikiano baina ya mamlaka za serikali za mitaa hapa nchini, huku ikionesha dhamira ya dhati ya viongozi hao katika kuhakikisha rasilimali za umma zinatumika kwa ufanisi mkubwa ili kuleta maendeleo endelevu.

MWISHO

 

Comments

Post a Comment

Popular Posts

Hazina Volleyball yaiduwaza Dodoma Jiji Seti 2-0 Mwenge Super Cup

By Halmashauri ya Jiji la Dodoma
Image
Na. Dennis Gondwe, DODOMA TIMU ya Wanaume ya Mpira wa Mikono ya Hazina (Hazina Volleyball Club) imeibuka na ushindi wa Seti 2-0 dhidi ya Timu ya Dodoma Jiji mchezo uliochezwa katika viwanja vya Chinangali Park mapema leo. Akiongelea mchezo huo, Nahodha wa Timu ya Hazina Volleyball Club, George Kalunde alisema timu yake ilijiandaa vizuri kuelekea mchezo huo ndio sababu ya kupata ushindi wa Seti 2-0. Aidha, aliipongeza Wilaya ya Dodoma kwa kuandaa mashindano ya Mwenge Super Cup Mwaka 2026 na kutaja maandalizi hayo kuwa ni ubunifu mkubwa. “Nitumie nafasi hii kuwahamasisha vijana wenzangu kujitokeza kwa wingi kushiriki katika mapokezi na mbio za Mwenge wa Uhuru Mwaka 2026 katika Wilaya ya Dodoma, karibuni sana. Nae Nahodha wa Timu ya Mpira wa Mikono ya Dodoma Jiji, Muhidin Mwenda alisema kuwa mchezo ulikuwa mzuri pamoja na kufugwa. “Tunapenda kumshukuru Mungu tumemaliza mechi salama, pamoja na kuwa tumepoteza mechi kwa seti 2-0, siyo matokeo mazuri kwetu. Mashindano haya yamekuwa c...
Read more

Dodoma Jiji yaangukia pua dhidi ya Ujenzi Queens Mwenge Super Cup

By Halmashauri ya Jiji la Dodoma
Image
Na. Dennis Gondwe, DODOMA TIMU ya Mpira wa Pete ya Wizara ya Ujenzi (Ujenzi Queens) imeibuka kidedea kwa kuifunga Timu ya Mpira wa Pete ya Dodoma Jiji kwa magoli 37-33 katika mchezo wa kuvutia uliochezwa katika viwanja vya Chinangali Park. Mchezo huo ulianza kwa kasi ya kawaida na kuendelea kushika kasi kadri muda ulivyokuwa ukisogea. Hadi mchezo unamalizika, Timu ya Ujenzi Queens iliikuba na ushindi wa magoli 37 dhidi ya 33 ya Dodoma Jiji. Awali Kocha wa Timu ya Mpira wa Pete ya Ujenzi Queens Mwamvita Mzee alisema kuwa wamekuwa wakipata matokeo mazuri kutokana na kufanya mazoezi mara kwa mara. “Timu yetu inaamini katika mazoezi ya mara kwa mara. Kama unavyofahamu mazoezi hayadanganyi, tumekuwa tukifanya mazoezi kwa bidii ndiyo siri ya mafanikio yetu. Zidi ni kupendana kama timu na watu kujitoa kwa ajili ya timu na kuupenda mchezo. Pia, kwetu ni utekelezaji wa maelekezo ya Mheshimiwa Rais wa Tanzania ya kufanya mazoezi kwa watumishi mahala pa kazi” alisema Mzee.   Kwa upa...
Read more