Baraza la Wafanyakazi Jiji la Dodoma lajadili rasimu ya mapendekezo ya Mpango na Bajeti kwa Mwaka 2026/2027

By Halmashauri ya Jiji la Dodoma

Na. Mwandishi Wetu, DODOMA

Baraza la Wafanyakazi wa Halmashauri ya Jiji la Dodoma limekutana kujadili taarifa ya utekelezaji wa shughuli za halmashauri pamoja na rasimu ya mapendekezo ya Mpango na Bajeti kwa Mwaka wa Fedha 2026/2027 ambapo uongozi huo ulieleza kiasi cha bajeti kinachotarajiwa kutekelezwa katika kipindi hicho.



Akizungumza katika kikao hicho, Mchumi wa Halmashauri ya Jiji la Dodoma, Francis Kaunda alisema kuwa halmashauri imekasimia kukusanya shilingi bilioni 166 kutoka vyanzo vyake vya ndani, serikali kuu na wahisani mbalimbali kwaajili ya kutekeleza shughuli za maendeleo, utoaji huduma na kujiendesha.

Kaunda alisema kuwa kutoka mapato ya ndani kiasi cha shilingi bilioni 73 kinatarajiwa kukusanywa ambapo kati ya fedha hizo shilingi bilioni 46 ni mapato yasiyolindwa na shilingi bilioni 27 ni mapato lindwa. Fedha hizo zitatumika kutekeleza miradi ya maendeleo na matumizi ya kawaida.

Aliongeza kuwa kati ya fedha hizo, kiasi cha shilingi bilioni 32 kimepangwa kwa ajili ya miradi ya maendeleo ikiwemo ujenzi na ukarabati wa miundombinu ya elimu, afya na barabara, huku shilingi bilioni 13 zikitengwa kwa matumizi ya kawaida ikiwemo mishahara ya watumishi na uendeshaji wa ofisi. “Msingi wa bajeti hii ni kuongeza ufanisi katika utoaji wa huduma kwa wananchi na kuhakikisha fedha zinapelekwa kwenye vipaumbele vinavyogusa maisha ya wananchi moja kwa moja” Kaunda.

Nae, Katibu wa Baraza la Wafanyakazi wa Halmashauri ya Jiji la Dodoma, Dennis Gondwe alisema kuwa baraza linaunga mkono jitihada za uongozi katika kuandaa bajeti inayozingatia vipaumbele vya maendeleo na maslahi ya watumishi. “Upo umuhimu mkubwa wa ushirikishwaji wa watumishi katika hatua zote za upangaji na utekelezaji wa bajeti ili kuongeza uwajibikaji na ufanisi katika kazi. Nawasihi watumishi kuendelea kufanya kazi kwa bidii na kuzingatia maadili ya utumishi wa umma ili kuhakikisha malengo ya halmashauri yanafikiwa kwa wakati” alisema Gondwe.

Kwa upande wake, Katibu TALGWU Mkoa wa Dodoma, Audax Stephen aliwataka watumishi kuhakikisha wanafanya usimamizi madhubuti wa fedha za umma na kuzingatia sheria na kanuni.

 







Comments

Post a Comment

Popular Posts

SERIKALI YAPONGEZWA KUTOA FEDHA UJENZI WA DODOMA ENGLISH MEDIUM

By Halmashauri ya Jiji la Dodoma
Image
Na. Dennis Gondwe, IPAGALA KIONGOZI wa mbio za Mwenge wa Uhuru mwaka 2023, Abdalla Shaib Kaim ameipongeza serikali ya awamu ya sita ya Jamhuri ya Muungano wa Tanzania kwa kutoa fedha za kutekeleza miradi ya maendeleo ikiwemo elimu nchini. Pongezi hizo alizitoa alipoongoza Mwenge wa Uhuru mwaka 2023 kutembelea, kukagua na kuweka jiwe la msingi ujenzi wa Shule ya Awali na Msingi ya Dodoma English Medium katika Kata ya Ipagala jijini Dodoma. Kaim alisema “niipongeze serikali ya awamu ya sita kwa kazi kubwa inayofanya ikiwa ni pamoja na kutenga na kutoa fedha nyingi za kutekeleza miradi ya maendeleo. Tumejiridhisha na nyaraka za mradi huu baada ya kuzikagua zipo vizuri sambamba na mradi nikiri mpaka hatua hii kazi kubwa na nzuri imefanyika. Mbio za Mwenge wa Uhuru mwaka 2023 tumeridhia uwekaji jiwe la msingi” alisema Kaim. Akisoma taarifa ya ujenzi wa Shule ya Awali na Msingi ya Dodoma English medium kwa kiongozi wa mbio za Mwenge wa Uhuru kitaifa Mkuu wa Divisheni ya Elimu ya Awal...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more

Nanenane ni muhimu kujifunza Kilimo na Ufugaji bora

By Halmashauri ya Jiji la Dodoma
Image
Na. Rahma Abdallah na Jackline Patrick, NANENANE Maadhimisho ya siku ya wakulima Nanenane ni maonesho ya muhimu ambayo humwezesha mwananchi kujifunza katika kilimo, ufugaji pamoja na uvuvi. Maonesho hayo ni mahususi kwa kila mtanzania katika kuzalisha mazao yenye tija kwa kutumia teknolojia ya kisasa. Hayo yalizungumzwa na Diwani wa Kata ya Kikombo, Emmanuel Manyono alipokua akizungumza na waandishi wa habari kuhusu maonesho ya kimataifa ya Nanenane jijini Dodoma. Manyono alisema kuwa maadhimisho hayo yanaleta tija kwa jamii na pia kuwapa wakulima elimu ya kilimo na ufugaji bora. “Maonesho haya yamekua yakileta tija, kumekua na mafunzo mengi yakisaidia wakulima kuondokana na kilimo cha zamani na sasa kulima kwa kuzingatia kilimo cha kisasa. Kilimo cha kisasa kinamafanikio makubwa, mkulima analima shamba dogo linalotoa mazao mengi na bora. Hivyo, rai yangu wakulima wajifunze kulima kilimo cha kisasa. Wananchi wajitokeze katika maonesho ya Nanenane hapa Nzuguni kujifunza mbinu bora...
Read more