Baraza la Biashara la Wilaya ya Dodoma lapongezwa kwa kuimarisha mazingira ya uwekezaji

By Halmashauri ya Jiji la Dodoma

Na. Mwandishi Wetu, DODOMA

Sekta ya Biashara na Uwekezaji Wilaya ya Dodoma imepongezwa kwa kuboresha mazingira ya ufanyaji wa shughuli za kiuchumi, hatua iliyochochea ongezeko la wafanyabiashara na wawekezaji wanaotumia fursa zilizopo kukuza uchumi wa wilaya hiyo.



Hayo yalielezwa na Mwenyekiti wa Baraza la Biashara la Wilaya ya Dodoma, Alhaj Jabir Shekimweri alipokuwa akizungumza wakati wa Kikao cha Baraza la Biashara la Wilaya ya Dodoma kilichofanyika katika ukumbi wa mikutano wa Halmashauri jijini Dodoma.

Alilipongeza baraza hilo kwa kazi nzuri wanayoendelea kuifanya katika kuhamasisha uwekezaji na shughuli za kiuchumi. “Jiji letu limeendelea kusimamia mifumo inayotoa huduma kwa wananchi. Tunaelezwa kuwa pale SGR huduma ya ‘shuttle’ inapatikana ambapo zinapunguza kadhia kwa wageni ambao hawaujui usafiri wa bajaj na bodaboda. Pia Kanda zimeanzishwa na zinafanya vizuri sana kwa kusaidia wananchi kupata huduma zinazopatikana katika ofisi kuu, hali inayowasaidia kuepuka kupoteza muda na gharama zisizo za lazima. Hapa leo tunawazungumzia wafanyabiashara wakubwa na wawekezaji ambao ndio tunataka baraza hili liwasimamie ili mazingira ya upatikanaji huduma uwe rafiki na hatimae tunafahamu utasisimua uchumi wa jiji letu” alisema Alhaj Shekimweri.

Kwa upande wake, Katibu wa Baraza la Biashara la Wilaya ya Dodoma, Dkt. Frederick Sagamiko alisema kuwa uanzishwaji wa One Stop Business Centre ulikuwa mahsusi kwa ajili ya kuwahudumia wafanyabiashara kwa urahisi zaidi. Aliongeza kuwa ni muhimu Jiji la Dodoma kupewa nafasi ya uratibu pekee wa kituo hicho huku wafanyabiashara wakisimamia moja kwa moja masuala yao, hatua itakayoongeza ufanisi na uwajibikaji.

Naye mjumbe kutoka sekta binafsi anayewakilisha Chemba ya Kitaifa ya Wafanyabiashara Tanzania (TNCC), Idd Senge alisisitiza umuhimu wa baraza hilo kuendelea kuwahamasisha wafanyabiashara na wawekezaji kukutana mara kwa mara ili kujadili changamoto na fursa zilizopo. Alisema hatua hiyo itasaidia kuhakikisha huduma zote muhimu zinazohitajika zinapatikana kwa wakati na kuifanya Dodoma kuwa na mazingira rafiki ya biashara na uwekezaji.






 

Comments

Post a Comment

Popular Posts

SERIKALI YAPONGEZWA KUTOA FEDHA UJENZI WA DODOMA ENGLISH MEDIUM

By Halmashauri ya Jiji la Dodoma
Image
Na. Dennis Gondwe, IPAGALA KIONGOZI wa mbio za Mwenge wa Uhuru mwaka 2023, Abdalla Shaib Kaim ameipongeza serikali ya awamu ya sita ya Jamhuri ya Muungano wa Tanzania kwa kutoa fedha za kutekeleza miradi ya maendeleo ikiwemo elimu nchini. Pongezi hizo alizitoa alipoongoza Mwenge wa Uhuru mwaka 2023 kutembelea, kukagua na kuweka jiwe la msingi ujenzi wa Shule ya Awali na Msingi ya Dodoma English Medium katika Kata ya Ipagala jijini Dodoma. Kaim alisema “niipongeze serikali ya awamu ya sita kwa kazi kubwa inayofanya ikiwa ni pamoja na kutenga na kutoa fedha nyingi za kutekeleza miradi ya maendeleo. Tumejiridhisha na nyaraka za mradi huu baada ya kuzikagua zipo vizuri sambamba na mradi nikiri mpaka hatua hii kazi kubwa na nzuri imefanyika. Mbio za Mwenge wa Uhuru mwaka 2023 tumeridhia uwekaji jiwe la msingi” alisema Kaim. Akisoma taarifa ya ujenzi wa Shule ya Awali na Msingi ya Dodoma English medium kwa kiongozi wa mbio za Mwenge wa Uhuru kitaifa Mkuu wa Divisheni ya Elimu ya Awal...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more

Nanenane ni muhimu kujifunza Kilimo na Ufugaji bora

By Halmashauri ya Jiji la Dodoma
Image
Na. Rahma Abdallah na Jackline Patrick, NANENANE Maadhimisho ya siku ya wakulima Nanenane ni maonesho ya muhimu ambayo humwezesha mwananchi kujifunza katika kilimo, ufugaji pamoja na uvuvi. Maonesho hayo ni mahususi kwa kila mtanzania katika kuzalisha mazao yenye tija kwa kutumia teknolojia ya kisasa. Hayo yalizungumzwa na Diwani wa Kata ya Kikombo, Emmanuel Manyono alipokua akizungumza na waandishi wa habari kuhusu maonesho ya kimataifa ya Nanenane jijini Dodoma. Manyono alisema kuwa maadhimisho hayo yanaleta tija kwa jamii na pia kuwapa wakulima elimu ya kilimo na ufugaji bora. “Maonesho haya yamekua yakileta tija, kumekua na mafunzo mengi yakisaidia wakulima kuondokana na kilimo cha zamani na sasa kulima kwa kuzingatia kilimo cha kisasa. Kilimo cha kisasa kinamafanikio makubwa, mkulima analima shamba dogo linalotoa mazao mengi na bora. Hivyo, rai yangu wakulima wajifunze kulima kilimo cha kisasa. Wananchi wajitokeze katika maonesho ya Nanenane hapa Nzuguni kujifunza mbinu bora...
Read more