Kampeni ya upandaji miti Jiji la Dodoma yafanikiwa S/M Mbwanga

By Halmashauri ya Jiji la Dodoma

Na. Mwandishi Wetu, DODOMA

Jiji la Dodoma limeendelea kutekeleza kampeni ya upandaji miti ikiwa ni sehemu ya juhudi za kuhifadhi mazingira na kukabiliana na athari za mabadiliko ya tabianchi. Zoezi hilo limefanyika katika maeneo mbalimbali ya jiji ikiwemo shule, taasisi za umma, barabara na maeneo ya makazi.


Akizungumza katika Shule ya Msingi Mbwanga, Katibu Tawala wa Wilaya ya Dodoma, Sakina Mbugi alisema kuwa zoezi la upandaji miti ni muendelezo wa kulifanya Jiji la Dodoma kuwa la kijani na pia kumpongeza Rais wa Jamhuri ya Muungano wa Tanzania, Mhe. Dkt. Samia Suluhu Hassan katika siku yake ya kuzaliwa.

Aliwataka wanafunzi, walimu na wananchi kwa ujumla kujenga utamaduni wa kupanda na kutunza miti ili kulinda mazingira na kuhakikisha ustawi wa vizazi vijavyo. Alisisitiza kuwa upandaji wa miti shuleni una mchango mkubwa katika kuelimisha watoto kuhusu umuhimu wa mazingira tangu wakiwa wadogo. "Tunapanda miti hii kwasababu ya kuungana na Mhe. Rais, Dkt. Samia kumpongeza katika siku yake ya kuzaliwa, ardhi hii itatunzwa na kuwa imara kama mtaungana katika usimamizi mzuri wa miti tuliyopanda leo. Tunayo Dodoma moja na inatutegemea sisi, kumbukeni jambo tulilofanya leo ni muhimu sana kwasababu miti hii itatufaidisha sisi wenyewe. Pia itasaidia kuondokana na mabadiliko ya tabianchi ikiwemo mafuriko na mmomonyoko wa ardhi" alisema Mbugi.

Kwa upande wake Diwani wa Kata ya Mnadani, Mugendi Kerenge, aliwataka wananchi kuendelea kushiriki kikamilifu katika uhifadhi wa mazingira kwa kupanda na kutunza miti. Alisema kuwa wananchi wanapaswa kuhifadhi vyanzo vya maji kwa kuwa ni jukumu la kila mmoja na sio serikali pekee. “Ni muhimu kupanda miti na ni wajibu kuitunza hadi ikue. Hii italinda ardhi yetu, kuleta mvua za uhakika na kuboresha maisha ya vizazi vijavyo” alisema Kerenge.

Zoezi hilo lilishirikisha viongozi wa serikali ya mtaa, wanafunzi, na wanachi ambapo jumla ya miti 150 ilipandwa shuleni hapo. Wadau wote walioshiriki waendelee kuhakikisha kuwa zoezi la upandaji miti linafanyika mara kwa mara ili Dodoma ibadilike kimazingira kwa miaka ijayo.

















 

Comments

Post a Comment

Popular Posts

SERIKALI YAPONGEZWA KUTOA FEDHA UJENZI WA DODOMA ENGLISH MEDIUM

By Halmashauri ya Jiji la Dodoma
Image
Na. Dennis Gondwe, IPAGALA KIONGOZI wa mbio za Mwenge wa Uhuru mwaka 2023, Abdalla Shaib Kaim ameipongeza serikali ya awamu ya sita ya Jamhuri ya Muungano wa Tanzania kwa kutoa fedha za kutekeleza miradi ya maendeleo ikiwemo elimu nchini. Pongezi hizo alizitoa alipoongoza Mwenge wa Uhuru mwaka 2023 kutembelea, kukagua na kuweka jiwe la msingi ujenzi wa Shule ya Awali na Msingi ya Dodoma English Medium katika Kata ya Ipagala jijini Dodoma. Kaim alisema “niipongeze serikali ya awamu ya sita kwa kazi kubwa inayofanya ikiwa ni pamoja na kutenga na kutoa fedha nyingi za kutekeleza miradi ya maendeleo. Tumejiridhisha na nyaraka za mradi huu baada ya kuzikagua zipo vizuri sambamba na mradi nikiri mpaka hatua hii kazi kubwa na nzuri imefanyika. Mbio za Mwenge wa Uhuru mwaka 2023 tumeridhia uwekaji jiwe la msingi” alisema Kaim. Akisoma taarifa ya ujenzi wa Shule ya Awali na Msingi ya Dodoma English medium kwa kiongozi wa mbio za Mwenge wa Uhuru kitaifa Mkuu wa Divisheni ya Elimu ya Awal...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more

Nanenane ni muhimu kujifunza Kilimo na Ufugaji bora

By Halmashauri ya Jiji la Dodoma
Image
Na. Rahma Abdallah na Jackline Patrick, NANENANE Maadhimisho ya siku ya wakulima Nanenane ni maonesho ya muhimu ambayo humwezesha mwananchi kujifunza katika kilimo, ufugaji pamoja na uvuvi. Maonesho hayo ni mahususi kwa kila mtanzania katika kuzalisha mazao yenye tija kwa kutumia teknolojia ya kisasa. Hayo yalizungumzwa na Diwani wa Kata ya Kikombo, Emmanuel Manyono alipokua akizungumza na waandishi wa habari kuhusu maonesho ya kimataifa ya Nanenane jijini Dodoma. Manyono alisema kuwa maadhimisho hayo yanaleta tija kwa jamii na pia kuwapa wakulima elimu ya kilimo na ufugaji bora. “Maonesho haya yamekua yakileta tija, kumekua na mafunzo mengi yakisaidia wakulima kuondokana na kilimo cha zamani na sasa kulima kwa kuzingatia kilimo cha kisasa. Kilimo cha kisasa kinamafanikio makubwa, mkulima analima shamba dogo linalotoa mazao mengi na bora. Hivyo, rai yangu wakulima wajifunze kulima kilimo cha kisasa. Wananchi wajitokeze katika maonesho ya Nanenane hapa Nzuguni kujifunza mbinu bora...
Read more