OCPD yapongeza ushirikiano na Ofisi ya Mashitaka katika zoezi la Urekebu wa Sheria

By Halmashauri ya Jiji la Dodoma

Na. Calvin Gwabara, DODOMA

Ofisi ya Mwandishi Mkuu wa Sheria (OCPD) imekabidhi Juzuu za toleo la Urekebu wa Sheria la Mwaka 2023 kwa Ofisi ya Taifa ya Mashitaka na kupongeza mchango mkubwa uliotolewa na Ofisi hiyo kupitia watumishi wake kwenye utekelezaji wa zoezi la Urekebu. 




“Wakati tunaanza zoezi hili Ofisi yetu ilikuwa na changamoto kubwa ya uhaba wa watumishi hasa Mawakili wa kufanya kazi hii lakini tulikuwa tukibisha hodi kwenye Ofisi yako kuomba Mawakili kuja kushirikiana nasi katika kutekeleza zoezi hili, na hakika walitusaidia sana hadi tumekamilisha” alieleza Katuga.

Aliongeza “Ofisi ya Mwandishi Mkuu wa Sheria kwa kutambua mchango wenu imeona ni muhimu na Ofisi yako pia ipate nakala hizi ingawa tunatambua kuwa tumeleta chache kutokana na gharama lakini ziwasaidie kwa kuanzia na kuwa kama kumbukumbu kwenu, lakini mnaweza kupata nakala laini zote kupitia mfumo wa OAG MIS library” alieleza Katuga.

Kaimu Mkurugenzi huyo wa Divisheni ya Urekebu, Tafiti na Mafunzo ameongeza kuwa pamoja na nakala hizo tano pia wameipatia Ofisi hiyo tuzo maalumu kutoka Ofisi ya Mwanasheria Mkuu wa Serikali kwa lengo la kutambua mchango wa Ofisi ya Taifa ya Mashitaka katika zoezi hilo la Urekebu wa Sheria.

Akizungumza kwa niaba ya watumishi wa Ofisi yake Mkurugenzi wa Mashitaka, Sylvester Mwakitalu alipongeza kazi kubwa iliyofanywa na Ofisi ya Mwanasheria Mkuu wa Serikali kupitia Ofisi ya Mwandishi Mkuu wa Sheria (OCPD) na kushukuru kwa kuwapatia nakala hizo za kuanzia kwaajili ya Ofisi yake maana wangeenda kununua dukani ingekuwa gharama kubwa.




“Ofisi yetu tunatumia Sheria hizi kila siku maana tunatoa huduma za mashitaka kwenye mahakama zote nchini hasa hasa Mahakama za Wilaya na za Hakimu Mkazi ndiko tunaenda huko kila siku, lakini pia Mahakama Kuu na Mahakama ya Rufaa. Kwahiyo, hizi Sheria ni nyenzo muhimu sana kwetu” alieleza Mwakitalu.

Aliongeza “nakala hizi tulizozipata tutazisambaza kwa Mawakili wetu kwanza, alafu sisi tutaendela kusubiria kupata zingine kwa utaratibu maalumu lakini pia kwa kutumia zle ambazo zinazopatikana kwenye mfumo kwa nakala tepe”.

Toleo la Urekebu wa Sheria la Mwaka 2023 lilizinduliwa na kwa mujibu wa Sheria na Rais wa Jamhuri ya Muungano wa Tanzania, Samia Suluhu Hassan mwezi Aprili, Mwaka huu na kutangaza kuanza kutumika tarehe 1/07/2025 na hivyo kufuta Toleo la Sheria la Mwaka 2002.

 

Chanzo: Michuzi Blog

Comments

Post a Comment

Popular Posts

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

Miaka minne ya Dkt. Samia, Kizota yanufaika mikopo ya asilimia 10

By Halmashauri ya Jiji la Dodoma
Na. Coletha Charles, KIZOTA Wananchi wa Kata ya Kizota, Halmashauri ya Jiji la Dodoma waeleza kunufaika na mikopo ya asilimia 10 inayotolewa na halmashauri kwa makundi ya wanawake, vijana, na watu wenye ulemavu, ikiwa ni hatua ya kuinua maisha yao kiuchumi na kuimarisha shughuli zao za ujasiriamali.   Kauli hiyo ilitolewa na Afisa Maendeleo ya Jamii wa Kata ya Kizota, Theresia Ntui alipokuwa akiongelea mikopo ya vikundi vya wanawake, vijana na watu wenye ulemavu kwa kipindi cha miaka minne ya serikali ya awamu ya sita. Alisema kuwa tangu kuanza kwa utolewaji mikopo ya asilimia 10 katika awamu ya sita ya Rais, Dkt. Samia, Kata ya Kizota imenufaika kwa jumla ya shilingi 410,000,000 zilizotolewa kwa vikundi mbalimbali vya kijamii. Alisema kuwa katika fedha hizo, vikundi 28 vya wanawake vilipokea shilingi milioni 192, vikundi 16 vya vijana vilipewa shilingi milioni 164, na vikundi vitano vya watu wenye ulemavu vilipata shilingi milioni 49. “Mikopo hii ni yenye masharti nafuu, h...
Read more

Halmashauri ya Jiji la Dodoma Kuhudumia Majimbo Mawili ya Uchaguzi

By Halmashauri ya Jiji la Dodoma
Image
Na. Faraja Mbise, DODOMA Halmashauri ya Jiji la Dodoma imejipanga vema kutoa huduma kwa wananchi wote kwa kuzingatia mgawanyo wa Jimbo la Dodoma Mjini wenye mapendekezo ya kuligawa jimbo hilo kuwa Jimbo la Mtumba lenye jumla ya kata 20 na Jimbo la Dodoma Mjini lenye kata 21. Kauli hiyo ilitolewa na Mkurugenzi wa Jiji la Dodoma, Dkt. Frederick Sagamiko, mara baada ya majadiliano kutoka kwa Madiwani kuhusu taarifa iliyowasilishwa na Afisa Uchaguzi Halmashauri ya Jiji la Dodoma, Albert Kasoga ya kuwasilisha mapendekezo ya mgawanyo wa Jimbo la Dodoma Mjini, katika Mkutano maalum wa Baraza la Madiwani lililofanyika tarehe 12 Machi, 2025 katika Ukumbi wa Mikutano wa Halmashauri ya Jiji la Dodoma. Dkt. Sagamiko alisema “mgawanyo huu kwa sasa unalenga mgawanyo wa jimbo kuwa majimbo mawili, bado tutaendelea kuwa na halmashauri moja kwa maana ya utoaji huduma kwa ngazi ya Halmashauri ya Jiji la Dodoma. Jiji litaendelea kuwajibika katika utoaji wa huduma katika majimbo yote mawili”. Akizung...
Read more