Hospitali ya Jiji la Dodoma mkombozi kwa wananchi wa Kata ya Nala

By Halmashauri ya Jiji la Dodoma

Na. Leah Mabalwe, NALA

Mradi wa ujenzi wa Hospitali ya Jiji la Dodoma, uliopo katika Kata ya Nala umegharimu kiasi cha shilingi 1,000,000,000 umekamilika na umeanza kutumika ukiwanufaisha wananchi.



Akizungumza na waandishi wa habari, Diwani wa Kata ya Nala, Herman Masila alisema kuwa hospitali hiyo ni msaada mkubwa kwa wananchi. “Kipekee nitoe pongezi kwa serikali ya awamu ya sita kwa kuendelea kuboresha sekta ya afya katika kata yetu ya Nala. Serikali imetupendelea sana kwa kutujengea hospitali kubwa na ya kisasa zaidi kwaajili ya wananchi wa Kata ya Nala na kata jirani wanaweza kupata huduma katika hospitali hii. Ni kweli wananchi tayari wameshaanza kupata huduma katika hospitali yetu na tunanufaika nayo” alisema Masila.

Nea, Marry Kaka mwananchi wa Kata ya Nala akaishukuru Serikali ya Jamhuri ya Muungano wa Tanzania kwa utekelezaji wa mradi wa Hospitali ya Jiji la Dodoma. “Tunaishukurun sana serikali chini ya Rais, Samia, kwa kutujengea Hospitali ya Jiji kwenye kata yetu. Hospitali hii inaenda kuwa mkombozi kwa wananchi wa Nala na maeneo jirani kwani hapo zamani tulikua tunatembea umbali mrefu kufuata huduma za afya, lakini baada ya Hospitali hii kujengwa kwasasa tunapata huduma karibu na kwa wakati” alimalizia Kaka.

Kwa Mwaka wa Fedha 2024/2025, kiasi cha shilingi 400,000,000 kimetengwa kwa ajili ya kuendeleza ujenzi, ambapo tayari shilingi 366,676,122.59 zimetumika huku shilingi 33,323,877.41 zikiwa hazijatumika. Ununuzi wa samani kwa jengo la wagonjwa wa nje ‘OPD’ umetumia shilingi 20,000,000 na mchakato wa manunuzi unaendelea. Vifaa vya kuzalisha na kusaidia watoto njiti vimenunuliwa kwa shilingi 18,135,000 lakini bado havijafungwa kutokana na kutokuwepo kwa wazabuni.

MWISHO

Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more