Sekta ya Michezo yaguswa Bajeti 2025/2026 Halmashauri ya Jiji la Dodoma

By Halmashauri ya Jiji la Dodoma

Na. Mussa Richard, DODOMA

Halmashauri ya Jiji la Dodoma imepanga kujenga viwanja vya michezo ikiwemo uwanja wa mpira wa miguu uliopo katika mchakato wa ujenzi, kuelekea michuano ya Mataifa ya Afrika (Afcon) 2027 ambapo kwa pamoja nchi za Afrika Mashariki Tanzania, Kenya na Uganda zitakuwa wenyeji wa michuano hiyo.




Mpango huo umewekwa wazi na Mchumi wa Halmashauri ya Jiji la Dodoma Francis Kaunda kwa niaba ya Mkurugenzi wa Jiji la Dodoma Dkt.  Frederick Sagamiko, wakati akiwasilisha Bajeti ya Mwaka wa Fedha 2025/2026 katika Baraza Maalum la Madiwani, lililofanyika katika ukumbi wa Mikutano wa Halmashauri ya Jiji la Dodoma.

Kwa upande wake Daudi Fundikira, Diwani wa Kata ya Chang'ombe baada ya kupitishwa kwa Bajeti hiyo alisema "Tumepanga kujenga viwanja vya michezo katika Halmashauri ya Jiji la Dodoma ambavyo vitakua ni sehemu ya kuongeza mapato kwa jiji letu la Dodoma, lakini pia ni fursa kwa vijana wetu kufanya mazoezi na kuweza kuonekana, kwani michezo ni ajira na michezo ni burudani”

Aidha, Diwani wa Kata ya Chamwino, Jumanne Ngede, alielezea faida za ujenzi wa viwanja hivyo katika Halmashauri ya Jiji la Dodoma na kwa jamii kiujumla. "Kwanza nimpongeze sana Mkurugenzi wa Jiji la Dodoma Dkt. Frederick Sagamiko na timu yake kwa mpango huu mzuri wa ujenzi wa viwanja, kwasababu faida zake si kwa Halmashauri tu kuingiza kipato, bali hata kwa wananchi, mfano wafanyabiashara wadogo wataweza kufanya biashara zao na kupata wateja zaidi kutokana na muingiliano wa watu utakao kuwa unafanyika viwanjani". Alisema Ngede.




Kwa mujibu wa wasilisho la Mchumi wa Halmashauri ya Jiji la Dodoma, Francis Kaunda alisema Mpango wa Bajeti kwa Mwaka wa Fedha 2025/2026, Halmashauri ya Jiji la Dodoma ni shilingi 147,910,202,949.46, ikipanga kukusanya mapato ya ndani kiasi cha shilingi 67,385,000,000.00, ruzuku za mishahara ikiwa ni shilingi 65,739,308,000.00 ruzuku ya matumizi mengine ikiwa ni shilingi 3,071,349,000,00 na ruzuku ya miradi ya maendeleo ikiwa ni shilingi 11,714,545,949.46. Bajeti hiyo ikiongezeka kwa asilimia 7.04 kulinganisha na Bajeti ya Mwaka wa Fedha 2024/2025.

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more