Baraza la Madiwani Jiji la Dodoma launga mkono maono ya Rais Dkt. Samia Nishati safi

By Halmashauri ya Jiji la Dodoma

Na. Dennis Gondwe, DODOMA

HALMASHAURI ya Jiji la Dodoma inaunga mkono jitihada zinazofanywa na Rais, Dkt. Samia Suluhu Hassan za kuhakikisha nishati safi kwa wote inapatikana kwa lengo la kuboresha maisha ya watanzania.




Kauli hiyo ilitolewa na Mstahiki Meya wa Halmashauri ya Jiji la Dodoma Prof. Davis Mwamfupe alipokuwa akifungua mkutano wa Baraza la Madiwani kwa ajili ya kujadili na kupitia mapendekezo ya rasimu ya Mpango na Bajeti kwa Mwaka wa Fedha 2025/ 2026 mkutano uliofanyika katika Ukumbi wa Mikutano wa Halmashauri ya Jiji la Dodoma.

Prof. Mwamfupe alisema “sisi Baraza la Madiwani la Halmashauri ya Jiji la Dodoma tunatoa pongezi kwa Rais, Dkt. Samia Suluhu Hassan kwa kuwa kinara wa nishati safi. Mwanzo mwa wiki hii dunia yote macho yalikuwa Tanzania kwa ajili ya mkutano wa nishati kwa ajili ya afya kwa manufaa ya wananchi wetu na mazingira bora. Dodoma ni wanufaika wakubwa wa dhana hiyo kwasababu miti yetu itabaki salama. Sisi ni waungaji mkono namba moja wa dhana hii”.

Aliipongeza Timu ya Menejimenti ya Halmashauri ya Jiji la Dodoma na kusema kuwa mchakato ulikuwa shirikishi na umechukua nafasi yake. Nafahamu mchakato ulipita katika vikao vyote vya kisheria kama Baraza la Wafanyakazi la Jiji la Dodoma na Kamati ya Ushauri ya Wilaya. “Niwakumbushe tu kuwa bajeti siyo mpango wa matumizi pekee, inahusu mpango wa mapato. Hivyo, tupo hapa kujadili na kupitia mapendekezo ya Mpango na Bajeti kwa mwaka 2025/2026” alisema Prof. Mwamfupe.

Awali akiwasilisha mapendekezo ya rasimu ya Mpango na Bajeti kwa mwaka wa fedha 2025/2026 Mkuu wa Divisheni ya Mipango na Uratibu Halmashauri ya Jiji la Dodoma, Francis Kaunda alisema kuwa bajeti hiyo imeongezeka kwa asilimia saba. “Kwa niaba ya Mkurugenzi wa Jiji naomba kuwasilisha rasimu ya makisio ya Mpango na Bajeti ya Halmashauri ya Jiji la Dodoma kwa mwaka wa fedha 2025/2026 kuwa ni jumla ya shilingi 147,910,202,949. Kati ya fedha hizo shilingi 67,385,000,000ni mapato ya ndani, shilingi 65,739,308,000 ruzuku ya mishahara, shilingi 3,071,349,000 ni ruzuku ya matumizi mengineyo na shilingi 11,714,545,949 ruzuku ya miradi ya maendeleo. Hivyo, bajeti imeongezeka kwa asilimia 7.04 ukilinganisha na bajeti ya mwaka wa fedha 2024/2025” alisema Kaunda.



Baraza la Madiwani la Halmashauri ya Jiji la Dodoma ilipitisha kwa kauli moja mapendekezo ya rasimu ya Mpango na Bajeti kwa mwaka wa fedha 2025/2026 jumla ya shilingi 147,910,202,949.




MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more