MADIWANI JIJI LA DODOMA WATAKIWA KUTATUA KERO ZA WANANCHI

By Halmashauri ya Jiji la Dodoma

Na. Mwandishi Wetu, DODOMA

Madiwani wa Halmashauri ya Jiji la Dodoma watakiwa kusikiliza kero za wananchi na kuhakikisha zinapatiwa ufumbuzi kwa wakati ili kuimarisha maendeleo na ustawi wa jamii.



Hayo aliyasema Mkuu wa Wilaya ya Dodoma, Alhaji Jabir Shekimweri, wakati alipokuwa akizungumza katika Mkutano wa Baraza la Madiwani uliofanyika katika ukumbi wa Halmashauri ya Jiji la Dodoma.

Alisema kuwa madiwani ni kiungo muhimu kati ya serikali na wananchi, hivyo wanapaswa kuwa mstari wa mbele katika kushughulikia changamoto zinazowakabili wananchi katika maeneo yao. “Madiwani ni sauti ya wananchi. Ni muhimu msikilize kwa umakini kero zao na kuzitatua kwa wakati ili kuondoa malalamiko yasiyo ya lazima na kuongeza imani ya wananchi kwa serikali yao” alisema Alhaji Shekimweri.

Aliongeza kuwa utekelezaji wa majukumu hayo unahitaji uwajibikaji, ushirikiano na ufuatiliaji wa karibu wa miradi ya maendeleo ili kuhakikisha inaleta matokeo yaliyokusudiwa.

Kwa upande wake, Diwani wa Kata ya Makole, Omary Omary, alisema kuwa madiwani wanaendelea kuchukua hatua madhubuti katika kusikiliza na kutatua changamoto za wananchi pamoja na kusimamia miradi ya maendeleo inayotekelezwa katika kata zao. “Sisi madiwani tupo karibu na wananchi wetu kila wakati. Tumejipanga kuhakikisha tunasikiliza kero zao na kuzitafutia ufumbuzi kwa kushirikiana na wataalamu pamoja na kusimamia ipasavyo miradi yote ya maendeleo,” alisema Omary.


Mkutano huo wa Baraza la Madiwani umeendelea kuwa jukwaa muhimu la kujadili na kuweka mikakati ya kuboresha utoaji wa huduma kwa wananchi, huku viongozi wakihimizwa kuzingatia uwajibikaji na ushirikiano katika kuleta maendeleo endelevu katika Jiji la Dodoma.

 

Comments

Post a Comment

Popular Posts

JIJI LA DODOMA LATOA VIWANJA 1,900 KWA WAFANYAKAZI

By Halmashauri ya Jiji la Dodoma
Image
  Na. Mwandishi wetu, DODOMA HALMASHAURI ya Jiji la Dodoma imeibuka kivingine katika Maadhimisho ya Siku ya Wafanyakazi Duniani kwa kuachia viwanja zaidi ya 1,900 vya matumizi mbalimbali kwa ajili ya wafanyakazi na wananchi kwa ujumla ili waweze kufurahia fursa ya kumiliki kiwanja katika makao makuu ya nchi. Kauli hiyo ilitolewa na Katibu wa Baraza la Wafanyakazi la Halmashauri ya Jiji la Dodoma, Dennis Gondwe alipokuwa akiongea na waandishi wa habari kuhusu nafasi ya Halmashgauri ya Jiji la Dodoma katika kujali makazi ya wafanyakazi katika Maadhimisho ya Siku ya Wafanyakazi Duniani yaliyofanyika ngazi ya mkoa katika Uwanja wa Jamhuri jijini Dodoma. “Nitumie nafasi hii kuwashauri na kuwashawishi wafanyakazi wa Halmashauri ya Jiji la Dodoma na wengine wote kuhakikisha wananunua viwanja katika Halmashauri ya Jiji la Dodoma. Hii itaweka alama kwa utumishi wao katika halmshauri, lakini kwa wale walio nje ya halmshauri itaweka alama kwa kumiliki kiwanja kihalali katika makao makuu...
Read more

Sungura kitoweo cha gharama nafuu

By Halmashauri ya Jiji la Dodoma
Image
‎Na. Mwandishi Wetu, HOMBOLO MAKULU ‎ ‎Maadhimisho ya Wiki ya Lishe katika Jiji la Dodoma yafanyika kupitia zoezi la ugawaji wa Sungura kwa kaya zenye kipato cha chini kwa lengo la kuzisaidia kupata makundi yote ya chakula bila kuathiriwa na kipato kidogo walichonacho. ‎ ‎Maadhimisho hayo yalianza tarehe 17 Novemba, 2025 na yanatarajiwa kuhitimishwa leo tarehe 21 Novemba, 2025. ‎ ‎Akizungumza na waandishi wa habari katika zoezi hilo lililofanyika Kata ya Hombolo Makulu, Daktari wa Mifugo kutoka Halmashauri ya Jiji la Dodoma, Dr. Innocent Kimweri alisema kuwa ufugaji wa Sungura hauna gharama ya kuwatunza na ni kitoweo kizuri kwaajili ya lishe bora. ‎ ‎Aliongeza kuwa, suala la lishe wanalihamasisha katika kaya zenye kipato cha chini ili kuwapa elimu ya kutosha kufahamu makundi muhimu ya chakula. "Suala la lishe ni mtambuka, pamoja na kwamba sisi ni maafisa mifugo, tunazingatia ulaji wa mlo kamili. Sungura ni rahisi kutunza kwasababu wanakula tu majani, mabaki ya vyakula na h...
Read more