Jiji la Dodoma lajipanga kung’ara kwa usafi, Bilioni tatu yatengwa kwaajili ya miundombinu ya taka

By Halmashauri ya Jiji la Dodoma

Na. Mwandishi Wetu, DODOMA

Halmashauri ya Jiji la Dodoma imeendelea kuonesha dhamira ya dhati ya kuboresha mazingira na afya za wakazi wake baada ya kuweka mpango mkakati wa kutenga shilingi bilioni tatu katika bajeti mpya ya fedha ijayo kwa ajili ya kuimarisha miundombinu ya ukusanyaji wa taka.


Akizungumza na waandishi wa habari ofisini kwake kuhusu mpango huo, Mstahiki Meya wa Jiji la Dodoma, Alimwoni Chaula alisema kuwa bajeti hiyo inalenga kulifanya Jiji la Dodoma kuwa miongoni mwa majiji safi nchini kwa kuweka mifumo rafiki na ya kisasa ya kushughulikia taka.

Alieleza kuwa fedha hizo zinatokana na mapato ya ndani, jambo linaloonesha uwezo wa jiji kujitegemea katika kugharamia miradi ya maendeleo. “Suala la usafi wa mazingira halikwepeki na sisi tunasema kuwa haitawezekana kuwa na jiji chafu. Kwenye bajeti yetu mpya tumetenga takribani shilingi bilioni tatu kwaajili ya kuhakikisha vifaa vyote vya kukusanyia taka vinapatikana” alisema Chaula.

Katika utekelezaji wake, jiji linatarajia kusambaza madastbini makubwa katika maeneo mbalimbali, yatakayokuwa na mfumo wa utenganishaji wa taka. Hatua hiyo itarahisisha ukusanyaji, usafirishaji na uchakataji wa taka, huku ikilenga pia kulinda mazingira na kupunguza athari za kiafya kwa wananchi. “Mkakati wetu ni kuhakikisha Jiji letu linakuwa safi muda wote. Hili linawezekana kwa kuweka miundombinu bora na kwa kushirikiana na wananchi” alisisitiza Chaula.

Aidha, aliwataka wananchi kuendelea kulipa kodi kwa wakati ili kuwezesha utekelezaji wa miradi mbalimbali ya maendeleo ikiwemo usafi wa jiji, huku akiongeza kuwa mchango wa wananchi kupitia kodi ndio msingi wa maboresho ya huduma wanazozipata kila siku.

Mpango huo unatarajiwa kuleta mageuzi makubwa katika usimamizi wa taka, kulifanya jiji kuwa na mandhari safi, salama na linalovutia zaidi kwa wakazi na wageni.

MWISHO

 

Comments

Post a Comment

Popular Posts

Wananchi waitwa kupima magonjwa yasiyoambukiza bure Nyerere Square

By Halmashauri ya Jiji la Dodoma
Image
  Na. Mwandishi Wetu, DODOMA Mratibu wa Magonjwa Yasiyoambukiza Mkoa wa Dodoma, Dkt. Missana Yango amewataka wananchi jijini Dodoma kujitokeza kwa wingi kushiriki katika zoezi la upimaji wa magonjwa yasiyoambukiza linaloambatana na utoaji wa elimu ya afya kuhusu magonjwa mbalimbali.   Alitoa wito huo alipokuwa akizungumza na waandishi wa habari katika bustani ya mapumziko Nyerere Square, ambapo maadhimisho hayo ya wiki ya upimaji wa magonjwa yasiyoambukizwa yakiendelea jijini Dodoma.   Alisema kuwa huduma hizo zinatolewa bila malipo na zinahusisha upimaji wa magonjwa kama shinikizo la damu, kisukari, saratani, magonjwa ya moyo pamoja na utoaji wa elimu ya lishe bora na mtindo wa maisha wenye afya. “Lengo letu ni kuwafikia wananchi wengi kadri iwezekanavyo, ili wajitambue kiafya na kuchukua hatua mapema kabla magonjwa haya hayajawa sugu. Huduma zote tunazotoa hapa ni bure, hivyo tunawahimiza wananchi wajitokeze kwa wingi” alisema Dkt. Yango.   Aliongeza ku...
Read more

TAMISEMI yakusanya Shilingi Trilioni 1.11

By Halmashauri ya Jiji la Dodoma
Image
OR-TAMISEMI WAZIRI wa Nchi, Ofisi ya Rais-TAMISEMI, Mohamed Mchengerwa amesema hadi kufikia Machi, 2025 shilingi trilioni 1.11 zimekusanywa sawa na asilimia 93.15 ya lengo la kukusanya shilingi trilioni 1.60 kwa Mwaka 2024/25. Waziri wa Nchi, Ofisi ya Rais-TAMISEMI, Mohamed Mchengerwa Akiwasilisha bungeni makadirio ya mapato na matumizi ya Ofisi hiyo kwa Mwaka 2025/26, Waziri Mchengerwa alisema kuwa kati ya fedha hizo shilingi trilioni 61.21 ni kodi ya majengo, shilingi trilioni 1.04 ni mapato ya ndani ya mamlaka za serikali za mitaa. Pia, alisema kuwa shilingi bilioni 16.23 ni mapato ya ndani ya taasisi na shilingi milioni 201.60 ni maduhuli ya mikoa. Alifafanua kuwa makusanyo hayo yalitokana na ada za wanachuo, tozo, ukusanyaji wa madeni, mauzo ya bidhaa mbalimbali na ushuru unaotozwa na mamlaka za serikali za mitaa kulingana na Sheria ya Fedha za Serikali za Mitaa, Sura 290. Mchengerwa alisema kuwa kwa kipindi hicho, TAMISEMI ilipanga kutumia shilingi bilioni 541.27 za map...
Read more

Ukarabati Shule ya Msingi Iyumbu kupunguza msongamano darasani

By Halmashauri ya Jiji la Dodoma
Image
Na. Dennis Gondwe, IYUMBU MRADI wa ukarabati wa vyumba 10 vya madarasa katika Shule ya Msingi Iyumbu umesaidia kupunguza msongamano wa wanafunzi darasani na kuwaboreshea wanafunzi mazingira bora ya kujifunzia. Mwalimu Mkuu wa Shule ya Msingi Iyumbu, Mwl. Monica Nshimba Kauli hiyo ilitolewa na Mwalimu Mkuu wa Shule ya Msingi Iyumbu, Mwl. Monica Nshimba alipokuwa akisoma taarifa ya mradi wa ukarabati wa vyumba 10 vya madarasa katika Shule ya Msingi Iyumbu kwa Kamati ya Siasa ya Chama Cha Mapinduzi (CCM) Mkoa wa Dodoma ilipotembelea shule hiyo iliyopo Kata ya Iyumbu jijini Dodoma. Mwl. Nshimba alisema “ukarabati wa mradi umepunguza kwa kiasi kikubwa msongamano wa wanafunzi darasani kwasababu kabla ya ukarabati, kulikuwa na vyumba vinne ambavyo vilikuwa havitumiki kabisa na hata vile vilivyokuwa vinatumika vilikuwa katika hali mbaya sana. Hivyo, kwa sasa vyumba vyote vinatumika. Pia mazingira ya kujifunzia na kufundishia yamekuwa mazuri na rafiki kiasi kwamba wanafunzi na walimu wote...
Read more