Kata ya Dodoma Makulu yanufaika na mkopo wa asilimia 10

By Halmashauri ya Jiji la Dodoma

Na. Abdul Juma, DODOMA MAKULU

Mkopo wa mapato ya ndani wa Halmashauri ya Jiji la Dodoma usio na riba wa shilingi 328,800,000 umewawezesha wanawake, vijana na watu wenye ulemavu kujikwamua kiuchumi katika kata ya Dodoma Makulu.



Kauli hiyo ilitolewa na Afisa Maendeleo ya Jamii wa Kata ya Dodoma Makulu, Halmashauri ya Jiji la Dodoma, Sophia Abdallah alipokuwa akiongea na waandishi wa habari kuhusu mikopo ya mapato ya ndani iliyokopeshwa kwa wanavikundi wa kata hiyo kwa kipindi cha serikali ya awamu ya sita.

Alisema kuwa serikali ya Rais, Dkt. Samia Suluhu Hassan kwa kipindi cha miaka minne imewezesha vikundi vya wanawake 21, vikundi vya vijana vitatu na vikundi vya watu wenye ulemavu sita kujikwamua kiuchumi na kuboresha maisha yao. Alisema kuwa mikopo hiyo imekuwa fursa kwa vijana kufanya biashara mbalimbali katika kata hiyo. “Baadhi ya vikundi vimeweza kununua bajaji na pikipiki ili kufanya biashara ya usafirishaji wa abiria kutoka Chuo Kikuu cha Dodoma kwenda Sabasaba. Eneo la marejesho, vikundi vimefanya vizuri kurejesha kwasababu wamelipa kabla ya wakati kufika. Vikundi vingine vimeweza kuomba tena mkopo kwa awamu hii inayotarajiwa kukopeshwa tena. Hivyo, nivipongeze vikundi hivi na waendelee kuwa na juhudi zaidi” alipongeza Abdallah.

Kwa upande wake, mnufaika wa mkopo wa asilimia 10, Nazalena Kufakunoga alieleza namna mkopo ulivyoweza kumnufaisha katika shughuli zake za ufugaji wa ng’ombe wa maziwa na kueleza alivyopata faida na kufungua duka linalouza bidhaa za matumizi ya nyumbani. 

“Mkopo huu, tulichukua kwa kikundi tukanunua ng’ombe, faida iliyopatikana tukafungua duka na sasa tunatarajia kuongeza ng’ombe wengine. Naipongeza serikali kwa kuendelea kutuwezesha akina mama na makundi mengine kwasababu zamani tulikuwa chini ila kwa sasa tumeinuka kiuchumi. Tumeweza kujikwamua kwasababu tunasomesha watoto kupitia matokeo ya mkopo huu wa asilimia 10” alieleza Kufakunoga.

MWISHO

Comments

Post a Comment

Popular Posts

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more