Barabara ya Dodoma Makulu – Ntyuka kuboresha maisha ya wananchi

By Halmashauri ya Jiji la Dodoma

Na. Abdul Juma, DODOMA MAKULU

Ujenzi wa Barabara ya kilometa 5.2 inayounganisha Kata ya Dodoma Makulu na Ntyuka kutatua changamoto ya usafi kwa kata hizo na kufanya maisha ya wananchi kuwa bora.




Kauli hiyo ilitolewa na Mwenyekiti wa Mtaa wa Msangalale Magharibi Kata ya Dodoma Makulu, Leonard Ndama alipokuwa akiongelea mchango wa Barabara ya lami yenye urefu wa kilometa 5.2 katika mafanikio ya serikali ya awamu ya sita kwa kipindi cha miaka minne.

Alisema kuwa serikali ya awamu ya sita chini ya Rais, Dkt Samia Suluhu Hassan kwa kipindi cha miaka minne ilianza ujenzi wa barabara yenye kiwango cha lami iliyokuwa ni changamoto kwa wakazi wa Kata ya Dodoma Makulu walipotaka kwenda Ntyuka kufuata huduma za kijamii. Alisema kuwa walikuwa wakitumia muda mrefu njiani na kuchelewa shughuli zao jambo lililosababisha uchumi wao kuwa chini.

“Tumepata mradi huu wa barabara inayotoka Dodoma Makulu kwenda Ntyuka ambayo imeleta manufaa ya kibiashara hata katika usafiri kwasababu wananchi wamekuwa wakitumia barabara hii. Naomba wananchi wa Dodoma Makulu tuitunze miundombinu hii tuliyojengewa na serikali ili tuweze kurithisha vizazi vyetu vijavyo” alisema Ndama.

Nae, mwananchi wa Kata ya Dodoma Makulu, Nazarius Moshi anayejishughulisha na biashara ya usafirishaji maarufu kama bodaboda, alieleza namna barabara hiyo itakavyoleta faida kwa watumiaji wa barabara hiyo itakapo kamilika hasa wafanya biashara ya usafirishaji (bodaboda). “Barabara hii ikikamilika itakuwa na faida kwetu kwasababu kwanza, itaturahisishia katika shughuli zetu za usafirishaji wa abiria kutoka Kata ya Ntyuka, zamani tulikuwa tunateseka sana na ubovu wa barabara hii. Pili, itarahisisha wananchi kuzifikia huduma za kijamii nje ya kata hii kwa urahisi” alisema Moshi.

MWISHO

Comments

Post a Comment

Popular Posts

Usafi wa Mazingira Kipaumbele Kata ya Chamwino

By Halmashauri ya Jiji la Dodoma
Image
Na. Dennis Gondwe, CHAMWINO CLUB ya Mazingira ya Shule ya Sekondari Hijra imeshiriki zoezi la usafi wa mazingira pembezoni mwa barabara inayoelekea katika makaburi ya Hijra urefu wa takribani mita 200 kwa kufyeka majani, kuokota taka ngumu na makopo ili kuweka viunga vya barabara hiyo safi. Akitoa shukrani baada ya zoezi hilo, Afisa Mtendaji Kata ya Chamwino, Lucas Mkelege alisema kuwa uongozi wa Shule ya Sekondari Hijra umeonesha mfano mzuri kupitia Club yake ya Mazingira. “Mtakumbuka kuwa tangu kuanzishwa kwa Club ya Mazingira katika Shule ya Sekondari Hijra mwaka 2023 imekuwa mstari wa mbele katika suala ya usafi wa mazingira. Nakumbuka malengo ya club hiyo pamoja na mambo mengine ni kuwajengea wanafunzi moyo wa uzalendo na kushiriki masuala ya kijamii ikiwemo kudumisha usafi wa mazingira, asanteni sana” alishukuru Mkelege. Kata ya Chamwino imekuwa mstari wa mbele katika masuala ya usafi wa mazingira ikiwa na muitikio mkubwa wa wananchi kushiriki usafi wa pamoja wa mazingira. ...
Read more

Osterbay Dodoma wajitokeza usafi wa mazingira

By Halmashauri ya Jiji la Dodoma
Image
  Na. Dennis Gondwe, KIWANJA CHA NDEGE WANANCHI wa Mtaa wa Osterbay, Kata ya Kiwanja cha Ndege Halmashauri ya Jiji la Dodoma wamejitokeza kufanya usafi wa mazingira katika eneo la Shule ya Msingi Mlimwa B kwa lengo la kuweka mazingira safi na kuepuka na magonjwa ya mlipuko kwa wanafunzi na jamii kwa ujumla. Kauli hiyo ilitolewa na Afisa Mtendaji Mtaa wa Osterbay, Ashura Iberia alipokuwa akiongea na wananchi wa Mtaa wa Osterbay waliojitokeza kwa wingi kufanya usafi wa mazingira katika Shule ya Msingi Mlimwa B. Iberia alisema “leo tumefanya usafi wa mazingira kuzunguka Shule ya Msingi Mlimwa B, wananchi wa Mtaa wa Osterbay wamejitokeza kwa wingi kufanya usafi wa mazingira. Lengo la kufanya usafi huo ni kuweka mazingira ya shule safi ili wanafunzi ambao ni watoto wetu wasome katika mazingira safi na salama. Lakini pia kuwaepusha wanafunzi na jamii inayozunguka shule hii na magonjwa ya mlipuko. Zoezi hili nimelisimamia mimi mwenyewe Afisa Mtendaji Mtaa wa Osterbay ili kutoa cha...
Read more

Wananchi wa Kata ya Mtumba wanufaika na Mikopo ya asilimia 10 ya Halmashauri

By Halmashauri ya Jiji la Dodoma
Image
Na. Leah Mabalwe, MTUMBA Kata ya Mtumba, Halmashauri ya Jiji la Dodoma yapatiwa jumla ya shilingi 83,000,000 kwaajili ya mikopo ya asilimia 10 kwa makundi maalum ya wanawake, vijana na watu wenye ulemavu kwa lengo la kuwainua kiuchumi na kuboresha maisha yao. Afisa Maendeleo ya Jamii Kata ya Mtumba, Huruma Mwigune Hayo yalielezwa na Afisa Maendeleo ya Jamii Kata ya Mtumba, Huruma Mwigune wakati alipokuwa akizungumza na waandishi wa habari waliotembelea miradi ya maendeleo katika kata hiyo. Alisema kuwa wanufaika wa mikopo ya asilimia 10 inayotolewa na halmashauri imewawezesha kuendesha maisha na kukuza kipato. “Katika wanufaika wa mikopo ya asilimia 10, Kata ya Mtumba ni miongoni mwa kata ambayo imenufaika na mkopo wa jumla ya shilingi 83,000,000 kuanzia mwaka 2021 hadi 2025. Mkopo ulitolewa kwa baadhi ya vikundi vilivyokidhi vigezo na kikundi kimojawapo ni kikundi cha wanawake Ngalawa kinachojishughulisha na ushonaji. Kwa kweli mkopo huu unatunufaisha kwa kiasi kikubwa tumejikita ...
Read more