Nyumba ya mtumishi kuchangia huduma masaa 24 Zahanati ya Ipala

By Halmashauri ya Jiji la Dodoma

Na. Nancy Kivuyo, IPALA

Mradi wa ujenzi wa nyumba ya mtumishi katika Zahanati ya Ipala uliogharimu kiasi cha shilingi 55,000,000, umeleta maboresho katika utoaji wa huduma ya afya katika kata hiyo.


Nyumba ya Mtumishi Zahanati ya Ipala


Hayo yalielezwa na Muuguzi kutoka Zahanati ya Ipala, Tumain Sanga alipokuwa akiwaelezea waandishi wa habari waliofanya ‘media tour’ kutembelea miradi ya maendeleo iliyotekelezwa na serikali katika kata hiyo kuanzia mwaka 2021 hadi 2025.

Alisema kuwa anatoa pongezi kwa serikali kuwajengea nyumba hiyo ili kurahisisha utoaji wa huduma za afya katika kata hiyo. “Tunaipongeza serikali kutujengea nyumba ya mtumishi, uwepo wa nyumba hii imeturahisishia kutendaji wa kazi mzuri. Laiti tungekuwa mbali tungeshindwa kuwahudumia wananchi vizuri na kwa wakati, lakini sasa wagonjwa wanaweza kuja muda wowote na wakatukuta na tukawahudumia kwa masaa 24. Tunaishukuru sana serikali ya Jamhuri ya Muungano wa Tanzania inayoongozwa na Rais, Dkt. Samia Suluhu Hassan, tunamshukuru Mbunge wetu Anthony Mavunde na Diwani George Magawa kwa kutusemea huko kwenye vikao na mapendekezo mengine mpaka wakaona Kata ya Ipala inastahili kujengewa nyumba ya mtumishi ili kusogeza huduma karibu kwa wananchi” alisema Sanga.


Tumain Sanga, Afisa Muuguzi Zahanati ya Ipala


Nae Diwani wa Kata ya Ipala, George Magawa aliongeza kwa kusema, Jiji la Dodoma ni kubwa sana kuna kata nyingine hazijapata kipaumbele hicho, hivyo anaipongeza serikali kwa juhudi hizo za kuwasogezea huduma ya afya wakazi wa Ipala ambapo kiasi cha 55,000,000 kimetolewa na serikali kuu, ujenzi umekamilika na nyumba inatumika . “Awali ya yote tumefanya ukarabati wa zahanati ambayo ilikua imechakaa, pili tukaona ni vyema kujenga nyumba ya mganga katika eneo la zahanati ili kusogeza huduma kwa masaa 24 ili wakati wowote mganga anahitajika kutoa huduma apatikane kwa urahisi” alimalizia Magawa.


Kwa upande mwingine, mkazi wa Kata ya Ipala, David Mhuna aliishukuru serikali kwa kukarabati zahanati pamoja na kujenga nyumba ya mganga. “Ni jambo jema hapa kwenye kata yetu kuwa na makazi ya watumishi karibu na zahanati. Huduma imesogea karibu hivyo hata ikitokea usiku mtu amepata dharura itakuwa rahisi kuhudumiwa kwa wakati. Tunaishukuru sana serikali ya awamu ya sita kwa kutujali” alishukuru Mhuna. 

MWISHO

 

Comments

Post a Comment

Popular Posts

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

Shule shikizi Ipala, mkombozi kwa wanafunzi wanaotembea umbali mrefu

By Halmashauri ya Jiji la Dodoma
Image
Na. John Masanja, IPALA Diwani wa Kata ya Ipala, George Magawa, aishukuru serikali ya awamu ya sita inayoongozwa na Rais, Dkt. Samia Suluhu Hassan kwa kuboresha miundombinu ya elimu msingi katika kata hiyo kwa kujenga shule shikizi ili kutengeneza mazingira rafiki kwa wanafunzi wenye umri mdogo kupata elimu bora. Aliyasema hayo wakati akizungumza na waandishi wa habari waliofanya ‘media tour’ kutembelea miradi ya maendeleo iliyotekelezwa na serikali katika Kata ya Ipala kuanzia mwaka 2021 hadi 2025. Diwani Magawa alisema kuwa katika miaka minne ya uongozi wa serikali ya awamu ya sita, elimu katika Kata ya Ipala imekuwa kwa kasi. “Serikali yetu tukufu imetuletea elimu hadi kwenye kata yetu. Tuna shule shiziki mbili zimeanzishwa kwa lengo la kusaidia wanafunzi wadogo wanaotembea umbali mrefu karibu kilomita tano kufuata elimu. Sasa hivi uwepo wa madarasa haya matatu nafuu imekuwa kubwa sana kwa kuwapunguzia watoto wadogo kutembea umbari mrefu” alisema Magawa. Pia, aliongeza kuwa...
Read more

Kata ya Makole yang’ara miaka minne ya Samia

By Halmashauri ya Jiji la Dodoma
Image
Na. Emanuel Charles, MAKOLE   Diwani wa Kata ya Makole, Omary Omary, aishukuru serikali ya awamu ya sita inayoongozwa na Rais, Dkt. Samia Suluhu Hassan kwa kuboresha miundombinu ya maendeleo kwenye sekta mbalimbali ikiwemo elimu, afya, ujenzi wa barabara na ofisi ya wafanyabiashara wadogo katika kata yake.   Akizungumza katika ziara ya waandishi wa habari waliotembelea miradi ya maendeleo iliyotekelezwa kuanzia mwaka 2020 hadi sasa katika Kata ya Makole, Diwani Omary alisema kuwa anaishukuru serikali kwa kuijali Kata ya Makole kuwaboreshea miundombinu muhimu. “Kipekee nimshukuru Rais wa Jamhuri ya Muungano wa Tanzania, Dkt. Samia Suluhu Hassan kwa miaka hii minne ambapo yupo madarakani, maboresho ambayo ametufanyia hususani sisi wana Makole kwa kutuletea miundombinu sahihi ni makubwa sana. Mheshimiwa Rais, ameboresha sekta ya elimu kwa kujenga shule ya jengo la ghorofa lenye madarasa nane na ofisi mbili za waalimu katika Shule ya Msingi Makole. Katika sekta ya afya, Za...
Read more